ಸೋಷಿಯಲ್ ಮೀಡಿಯಾದಲ್ಲಿ ಟ್ರೋಲಿಂಗ್, ಅವಾಚ್ಯ ಶಬ್ದ ಬಳಸುವುದನ್ನು ಆರ್'ಎಸ್ಎಸ್ ಬೆಂಬಲಿಸಲ್ಲ: ಮೋಹನ್ ಭಾಗವತ್

ನಮ್ಮ ಸಂಘಟನೆ ಟ್ರೋಲಿಂಗ್ ಮಾಡುವುದನ್ನು ಹಾಗೂ ಸಾಮಾಜಿಕ ಜಾಲತಾಣಗಳಲ್ಲಿ ಅವಾಚ್ಯ ಶಬ್ದಗಳನ್ನು ಬಳಸುವುದನ್ನು ನಾವೆಂದೂ ಬೆಂಬಲಿಸುವುದಿಲ್ಲವೆಂದು ಆರ್’ಎಸ್’ಎಸ್ ಮುಖ್ಯಸ್ಥ ಮೋಹನ್ ಭಾಗವತ್ ಹೇಳಿದ್ದಾರೆ.

ನವದೆಹಲಿ (ಸೆ.12): ನಮ್ಮ ಸಂಘಟನೆ ಟ್ರೋಲಿಂಗ್ ಮಾಡುವುದನ್ನು ಹಾಗೂ ಸಾಮಾಜಿಕ ಜಾಲತಾಣಗಳಲ್ಲಿ ಅವಾಚ್ಯ ಶಬ್ದಗಳನ್ನು ಬಳಸುವುದನ್ನು ನಾವೆಂದೂ ಬೆಂಬಲಿಸುವುದಿಲ್ಲವೆಂದು ಆರ್’ಎಸ್’ಎಸ್ ಮುಖ್ಯಸ್ಥ ಮೋಹನ್ ಭಾಗವತ್ ಹೇಳಿದ್ದಾರೆ.

ಮೋಹನ್ ಭಾಗವತ್ ವಿದೇಶಿ ರಾಜತಾಂತ್ರಿಕರ ಜೊತೆ ಸಂವಾದ ಮಾಡುತ್ತಾ ಆರ್’ಎಸ್’ಎಸ್’ಗೆ ಯಾರಿಗೂ ತಾರತಮ್ಯ ಮಾಡುವುದಿಲ್ಲ. ಻ದರಲ್ಲಿ ನಮಗೆ ನಂಬಿಕೆಯೂ ಇಲ್ಲ. ಶಿಕ್ಷಣ, ಆರೋಗ್ಯ, ಗ್ರಾಮೀಣಾಭಿವೃದ್ದಿ ಸೇರಿದಂತೆ ನಾವು ಬೇರೆ ಬೇರೆ  ಕ್ಷೇತ್ರಗಳಲ್ಲಿ ಆರ್’ಎಸ್ಎಸ್ 1.70 ಲಕ್ಷ ಸೇವಾ ಯೋಜನೆಗಳನ್ನು ನಡೆಸುತ್ತಿದೆ.ಇದನ್ನು ನೋಡಲು ನೀವೂ ಬನ್ನಿ ಎಂದು ಭಾಗವತ್ ಹೇಳಿದ್ದಾರೆ.

ಇದೇ ಸಂದರ್ಭದಲ್ಲಿ ಆರ್’ಎಸ್’ಎಸ್ ಹಾಗೂ ಬಿಜೆಪಿ ನಡುವಿನ ಸಂಬಂಧದ ಬಗ್ಗೆ ಪುನರುಚ್ಚಿಸಿದ್ದಾರೆ. ಪಕ್ಷದ ಯಾವುದೇ ವಿಚಾರದಲ್ಲಿ ಆರ್’ಎಸ್’ಎಸ್ ಮೂಗು ತೂರಿಸುವುದಿಲ್ಲ. ಸಂಘ-ಪರಿವಾರ ಬಿಜೆಪಿಯನ್ನು ಮುನ್ನಡೆಸುತ್ತಿಲ್ಲ. ಅದೇ ರೀತಿ ಬಿಜೆಪಿ ಆರ್’ಎಸ್ಎಸ್ ಅನ್ನು ಮುನ್ನಡೆಸುತ್ತಿಲ್ಲ. ನಾವು ಸ್ವತಂತ್ರವಾಗಿ ಕಾರ್ಯ ನಿರ್ವಹಿಸುತ್ತೇವೆ ಎಂದು ಮೋಹನ್ ಭಾಗವತ್ ಹೇಳಿದ್ದಾರೆ.