ಸಂಬಳದ ವಾರ: ಬ್ಯಾಂಕ್`ಗೆ ಮುಗಿಬೀಳುವ ಜನರಿಗೆ ಕ್ಯಾಶ್ ಒದಗಿಸಲು ಆರ್`ಬಿಐ ಏನು ಮಾಡುತ್ತಿದೆ ಗೊತ್ತಾ..?

ಬ್ಯಾಂಕ್`ಗಳಲ್ಲಿ ನಗದು ಕೊರತೆ ನೀಗಿಸಿ, ಸಂಬಳದಾರರಿಗೆ ಹಣ ಒದಗಿಸುವುದನ್ನ ಆರ್`ಬಿಐ ಮೊದಲ ಆದ್ಯತೆಯಾಗಿ ಪರಿಗಣಿಸಿದೆ.

ನವದೆಹಲಿ(ಸ.30): ನೋಟ್ ಬ್ಯಾನ್ ಆದೇಶ ಬಂದಾಗಿನಿಂದಿ ಹಣದ ಬಗ್ಗೆ ಜನರಲ್ಲಿ ಕೆಲ ಗೊಂದಲಗಳು ಇನ್ನೂ ಪರಿಹಾರವಾಗಿಲ್ಲ. ಡಿ.1 ಬಹುತೇಕ ನೌಕರರಿಗೆ ಸಂಬಳದ ದಿನವಾಗಿದ್ದು, ಜನ ತಮ್ಮ ದಿನನಿತ್ಯದ ಅವಶ್ಯಕತೆಗೆ ಸಂಬಳದ ಹಣ ಡ್ರಾ ಮಾಡಲು ಬ್ಯಾಂಕ್`ಗಳಿಗೆ ಬೀಳಲಿದ್ದಾರೆ. ಸದ್ಯ, ಬಹುತೇಕ ಬ್ಯಾಂಕ್ ಎಟಿಎಂಗಳಲ್ಲಿ ನೋ ಕ್ಯಾಶ್ ಎಂಬ ಬೋರ್ಡ್ ಹಾಕಲಾಗಿದೆ. ಈ ಹಿನ್ನೆಲೆಯಲ್ಲಿ ಡಿಸೆಂಬರ್ ಮೊದಲ ವಾರದಲ್ಲಿ ಉಂಟಾಗಲಿರುವ ಸಮಸ್ಯೆ ತಡೆಯುವುದಕ್ಕೆ ಆರ್`ಬಿಐ ಈ ಕೆಲ ಕ್ರಮಗಳನ್ನ ಕೈಗೊಂಡಿದೆ.

- ಹಣದ ವೇಗದ ಹರಿವಿಗಾಗಿ ರಿಸರ್ವ್ ಬ್ಯಾಂಕಿನಿಂದ ದೇಶದ ವಿವಿಧೆಡೆಗೆ ಹಣ ರವಾನೆಗೆ ವಾಯುಪಡೆ ಹೆಲಿಕಾಪ್ಟರ್`ಗಳನ್ನ ಸಜ್ಜಾಗಿ ಇರಿಸಲಾಗಿದೆ. ಅಗತ್ಯಕ್ಕೆ ತಕ್ಕಂತೆ ಹೆಲಿಕಾಪ್ಟರ್`ಗಳ ಮೂಲಕ ನಾಳೆಯಿಮದ ಮೆಟ್ರೋ ನಗರಗಳ ಬ್ಯಾಂಕ್`ಗಳಿಗೆ ಹಣ ರವಾನೆಯಾಗುತ್ತೆ.

- ಸಾರ್ವಜನಿಕರ ಅನುಕೂಲಕ್ಕಾಗಿ ಹೆಚ್ಚುವರಿ ಕೌಂಟರ್`ಗಳನ್ನ ತೆರೆಯುವಂತೆ ರಿಸರ್ವ್ ಬ್ಯಾಂಕ್, ಬ್ಯಾಂಕ್`ಗಳಿಗೆ ಸೂಚಬೆ ನೀಡಿದೆ.

- ಇಲ್ಲಿಯವರೆಗೆ ಕೇವಲ 2000 ರೂಪಾಯಿ ನೋಟುಗಳನ್ನ ಕಂಡಿದ್ದ ಹಲವು ಬ್ಯಾಂಕ್`ಗಳಿಗೆ 500 ರೂಪಾಯಿಯ ನೋಟುಗಳನ್ನ ಹೆಚ್ಚು ರವಾನಿಸಲು ಕ್ರಮ ಕೈಗೊಳ್ಳಲಾಗುತ್ತಿದೆ.