ಪಕ್ಯೊಂಗ್ ವಿಮಾನ ನಿಲ್ದಾಣ ಉದ್ಘಾಟಿಸಿದ ಮೋದಿ: ಕಠಿಣವಾಯ್ತಾ ಚೀನಾ ಹಾದಿ?

ಸಿಕ್ಕಿಂ ನ ಮೊದಲ ವಿಮಾನ ನಿಲ್ದಾಣ ಉದ್ಘಾಟನೆ! ವಿಮಾನ ನಿಲ್ದಾಣ ಉದ್ಘಾಟಿಸಿದ ಪ್ರಧಾನಿ ಮೋದಿ! ಈಶಾನ್ಯ ಭಾರತದ ಅಭಿವೃದ್ಧಿಯ ಕೀಲಿ ಕೈ ಎಂದ ಮೋದಿ! ಚೀನಾ ಗಡಿಯಿಂದ ಕೇವಲ 60 ಕಿ.ಮೀ. ದೂರದಲ್ಲಿದೆ ಪಕ್ಯೊಂಗ್ ವಿಮಾನ ನಿಲ್ದಾಣ

ಸಿಕ್ಕಿಂ(ಸೆ.24): ಪ್ರಧಾನಿ ನರೇಂದ್ರ ಮೋದಿ ಇಂದು ಗ್ಯಾಂಗ್ಟೋಕ್ ನಲ್ಲಿ ಪಕ್ಯೊಂಗ್ ನ್ಯೂ  ಗ್ರೀನ್ ಫೀಲ್ಡ್ ವಿಮಾನ ನಿಲ್ದಾಣ ಉದ್ಘಾಟಿಸಿದರು.

ಸಿಕ್ಕಿಂನಿಂದ 30 ಕಿಮೀ ದೂರದಲ್ಲಿ ಈ ವಿಮಾನ ನಿಲ್ದಾಣವಿದ್ದು, 605.59 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಾಣ ಮಾಡಲಾಗಿದೆ. ಈ ರಾಜ್ಯಕ್ಕೆ  ಯಾವುದೇ ರೈಲು ಸಂಪರ್ಕವಿಲ್ಲ, ಪಶ್ಚಿಮ ಬಂಗಾಳದ  ಬಾಗ್ದೋದ್ರಾ ವಿಮಾನ ನಿಲ್ದಾಣ ಸಿಕ್ಕಿಂ ನಿಂದ 125 ಕಿಮೀ ದೂರದಲ್ಲಿದೆ.

ಅಕ್ಟೋಬರ್ 4 ರಿಂದ ಕಮರ್ಷಿಯಲ್ ವಿಮಾನಗಳು ಹಾರಾಟ ನಡೆಸುತ್ತವೆ. ಸ್ಪೈಸ್ ಜೆಟ್ ವಿಮಾನ ನಿಲ್ದಾಣಗಳು  ಕೊಲ್ಕೊತಾ ಸಿಕ್ಕಿಂ ವಿಮಾನ ಸಂಚಾರ ಆರಂಭವಾಗಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ಧಾರೆ.

ಪ್ರಧಾನಿ ನವರೇಂದ್ರ ಮೋದಿ 2ನೇ ಬಾರಿಗೆ ಸಿಕ್ಕಿಂ ಗೆ ಭೇಟಿ ನೀಡಿದ್ದು, ಈ ವಿಮಾನ ನಿಲ್ದಾಣ ಈಶಾನ್ಯ ರಾಜ್ಯಗಳನ್ನು ಭಾರತದ ಮುಖ್ಯ ಭೂಪ್ರದೇಶಕ್ಕೆ ಸಂಪರ್ಕ ಕಲ್ಪಿಸುವ ಕೊಂಡಿ ಎಂದು ಮೋದಿ ಹೇಳಿದ್ದಾರೆ. 

ಸಿಕ್ಕಿಂನ ಎತ್ತರದ ಪರ್ವತ ಪ್ರದೇಶದಲ್ಲಿ ನಿರ್ಮಿಸಲಾದ ಗ್ರೀನ್ಫೀಲ್ಡ್ ಏರ್ಪೋರ್ಟ್, ಗ್ಯಾಂಗ್ಟಾಕ್ ಇತ್ತೀಚೆಗೆ ಸಿವಿಲ್ ಏವಿಯೇಷನ್ ​​ಇಲಾಖೆಯ ವಾಣಿಜ್ಯ ಹಾರಾಟದ ಆಯೋಗದಿಂದ ಅನುಮತಿ ಪಡೆದುಕೊಂಡಿದೆ. 

ಚೀನಾ ಗಡಿಯಿಂದ ಕೇವಲ 60 ಕಿ.ಮೀ. ದೂರದಲ್ಲಿರುವ ಈ ವಿಮಾನ ನಿಲ್ದಾಣ ದೇಶದಲ್ಲಿ 100 ನೇ ವರ್ಕಿಂಗ್ ವಿಮಾನ ನಿಲ್ದಾಣ ಎಂಬ ಹೆಗ್ಗಳಿಕೆಗೂ ಪಾತ್ರವಾಗಿದೆ.