ಎಸಿ ಹೋಟೆಲ್ ಜಿಎಸ್'ಟಿಗೆ ಬೆದರಿದ ಗ್ರಾಹಕರು: 200ಕ್ಕೂ ಹೆಚ್ಚು ಹೋಟೆಲ್'ಗಳಲ್ಲಿ ಎಸಿ ತೆರವು

ದೇಶದಲ್ಲಿ ಜಿಎಸ್​ಟಿ ಜಾರಿಯಾದ ಬಳಿಕ ಹೋಟೆಲ್ ಉದ್ಯಮಕ್ಕೆ ಭಾರೀ ಹೊಡೆತ ಬಿದ್ದಿದೆ. ಒಂದೇ ಸಮನೆ ಗ್ರಾಹಕರ ಸಂಖ್ಯೆ ಇಳಿಮುಖವಾಗಿದ್ದರಿಂದ ನಷ್ಟದ ಹಾದಿ ಹಿಡಿದಿವೆ. ಎಸಿ ಹೋಟೆಲ್'ಗಳಿಗೆ ಶೇ . 18 ರಷ್ಟು ಹಾಗೂ ನಾನ್ ಎಸಿ ಹೋಟೆಲ್'ಗಳಿಗೆ ಶೇ. 12 ರಷ್ಟು ತೆರಿಗೆ ವಿಧಿಸಲಾಗುತ್ತಿದೆ. ಫೈವ್​ಸ್ಟಾರ್, ತ್ರಿಸ್ಟಾರ್​ ಹೋಟೆಲ್ ಗಳಿಗೆ ಶೇ. 18 ರಷ್ಟು ತೆರಿಗೆ ಯಾವ ಲೆಕ್ಕಕ್ಕೂ ಅಲ್ಲ. ಆದರೆ, ಮಧ್ಯಮ ವರ್ಗದ ಎಸಿ ಮೇಲಿನ ತೆರಿಗೆ ಹೊಡೆತ ಕೊಟ್ಟಿದೆ. \

ಬೆಂಗಳೂರು(ಅ.24): ದೇಶದಲ್ಲಿ ಜಿಎಸ್​ಟಿ ಜಾರಿಯಾದ ಬಳಿಕ ಹೋಟೆಲ್ ಉದ್ಯಮಕ್ಕೆ ಭಾರೀ ಹೊಡೆತ ಬಿದ್ದಿದೆ. ಒಂದೇ ಸಮನೆ ಗ್ರಾಹಕರ ಸಂಖ್ಯೆ ಇಳಿಮುಖವಾಗಿದ್ದರಿಂದ ನಷ್ಟದ ಹಾದಿ ಹಿಡಿದಿವೆ. ಎಸಿ ಹೋಟೆಲ್'ಗಳಿಗೆ ಶೇ . 18 ರಷ್ಟು ಹಾಗೂ ನಾನ್ ಎಸಿ ಹೋಟೆಲ್'ಗಳಿಗೆ ಶೇ. 12 ರಷ್ಟು ತೆರಿಗೆ ವಿಧಿಸಲಾಗುತ್ತಿದೆ. ಫೈವ್​ಸ್ಟಾರ್, ತ್ರಿಸ್ಟಾರ್​ ಹೋಟೆಲ್ ಗಳಿಗೆ ಶೇ. 18 ರಷ್ಟು ತೆರಿಗೆ ಯಾವ ಲೆಕ್ಕಕ್ಕೂ ಅಲ್ಲ. ಆದರೆ, ಮಧ್ಯಮ ವರ್ಗದ ಎಸಿ ಮೇಲಿನ ತೆರಿಗೆ ಹೊಡೆತ ಕೊಟ್ಟಿದೆ. \

ಎಸಿ ಇರೋ ಹೋಟೆಲ್​'ಗಳಿಗೆ ಹೋಗೋದಕ್ಕೂ ಜನ ಹಿಂದೆ ಮುಂದೆ ನೋಡ್ತಿದ್ದಾರೆ. ಹೀಗಾಗಿ ಬೆಂಗಳೂರಲ್ಲಿ  200 ಕ್ಕೂ ಹೆಚ್ಚು ಹೋಟೆಲ್ ಗಳು ತಮ್ಮ ವ್ಯಾಪಾರಕ್ಕೆ ಕಂಟಕವಾದ ಎಸಿಗಳನ್ನು ತೆರವು ಮಾಡಲು ಮುಂದಾಗಿವೆ.

ಹೋಟೆಲ್'​ನ ಯಾವುದೋ ಒಂದು ರೂಮ್​ನಲ್ಲಿ ಒಂದೇ ಒಂದು ಎಸಿ ಇದ್ದರು ಕೂಡ ಇಡೀ ಹೋಟೆಲ್ಗೆ ​ ಶೇ. 18 ರಷ್ಟು ತೆರಿಗೆ ಅನ್ವಯವಾಗುತ್ತೆ. ಅಷ್ಟೇ ಅಲ್ಲ, ಎಸಿ ಹೋಟೆಲ್'ಗಳಿಂದ ಪಾರ್ಸಲ್ ತೆಗೆದುಕೊಂಡು ಹೋದ್ರು. ಶೇ. 18 ರಷ್ಟು  ತೆರಿಗೆ ಪಾವತಿಸಲೇ ಬೇಕು.. ಇದು ಹೋಟೆಲ್​ ಮಾಲೀಕರಿಗೆ ಭಾರೀ ಹೊಡೆತ ನೀಡಿದೆ.

ಒಟ್ಟಿನಲ್ಲಿ ಜಿಎಸ್'​ಟಿಯಿಂದ ಮಧ್ಯಮ ವರ್ಗದ ಎಸಿ ಹೋಟೆಲ್'​ಗಳಿಗೆ ಗ್ರಾಹಕರ ಸಂಖ್ಯೆಯಲ್ಲಿ  ಭಾರೀ ಇಳಿಮುಖವಾಗಿದೆ. ಇದರಿಂದ ದಿಕ್ಕು ತೋಚದ ಹೋಟೆಲ್ ಮಾಲೀಕರು ಈಗ ಎಸಿಯನ್ನೇ ತೆರವು ಮಾಡೋ ಪರ್ಯಾಯ ಮಾರ್ಗದ ಮೊರೆ ಹೋಗಿದ್ದಾರೆ.