ಫೇಸ್ಬುಕ್'ನಲ್ಲಿ ಮೋದಿ ವಿಶ್ವದ ನಂ.1 ರಾಜಕೀಯ ನೇತಾರ

2014ರ ಸಾರ್ವತ್ರಿಕ ಚುನಾವಣೆ ಫಲಿತಾಂಶ ದಿನ ಮೋದಿಗೆ 1.4 ಕೋಟಿ ಫಾಲೋವರ್ಸ್ ಇದ್ದರು. ಈಗ ಇದು 4.19 ಕೋಟಿಗೆ ಏರಿಕೆಯಾಗಿದೆ. ನೋಟು ನಿಷೇಧ ಮತ್ತಿತರ ಯೋಜನೆ ಜಾರಿಗೊಳಿಸಿದಾಗಲೂ ಮೋದಿ ಫೇಸ್'​ಬುಕ್'​ಗೆ 40 ಲಕ್ಷ ಫಾಲೋವರ್ಸ್ ಸೇರ್ಪಡೆಯಾಗಿದ್ದಾರೆ.

ಬೆಂಗಳೂರು: ಕೇಂದ್ರದಲ್ಲಿ ಎನ್​'ಡಿಎ ಸರ್ಕಾರ ಅಧಿಕಾರಕ್ಕೆ ಬಂದು ಮೂರು ವರ್ಷ ಪೂರ್ಣಗೊಂಡ ಬೆನ್ನಲ್ಲೇ ಪ್ರಧಾನಿ ನರೇಂದ್ರ ಮೋದಿ ಸಾಮಾಜಿಕ ಜಾಲತಾಣ ಫೇಸ್'​ಬುಕ್'​ನಲ್ಲಿ 4.19 ಕೋಟಿ ಫಾಲೋವರ್ಸ್ ಹೊಂದುವ ಮೂಲಕ ಜಾಗತಿಕವಾಗಿ ಹೆಚ್ಚು ಫಾಲೋವರ್ಸ್ ಹೊಂದಿದ ಅಗ್ರ ನಾಯಕ ಎನಿಸಿಕೊಂಡಿದ್ದಾರೆ. ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಎರಡನೇ ಸ್ಥಾನದಲ್ಲಿದ್ದು, ಮೂರನೇ ಸ್ಥಾನದಲ್ಲಿ ಭಾರತದ ಪ್ರಧಾನಿ ಕಾರ್ಯಾಲಯ ಇದೆ. ಡಿಜಿಟಲ್ ಇಂಡಿಯಾ, ಮೇಕ್ ಇನ್ ಇಂಡಿಯಾ ಮತ್ತು ಸ್ವಚ್ಛ ಭಾರತ ಆಂದೋಲನದ ಫೇಸ್'​ಬುಕ್ ಪೇಜ್'​ಗಳಿಗೂ ಹತ್ತಾರು ಲಕ್ಷ ಫಾಲೋವರ್ಸ್ ಇದ್ದಾರೆ.

2014ರ ಸಾರ್ವತ್ರಿಕ ಚುನಾವಣೆ ಫಲಿತಾಂಶ ದಿನ ಮೋದಿಗೆ 1.4 ಕೋಟಿ ಫಾಲೋವರ್ಸ್ ಇದ್ದರು. ಈಗ ಇದು 4.19 ಕೋಟಿಗೆ ಏರಿಕೆಯಾಗಿದೆ. ನೋಟು ನಿಷೇಧ ಮತ್ತಿತರ ಯೋಜನೆ ಜಾರಿಗೊಳಿಸಿದಾಗಲೂ ಮೋದಿ ಫೇಸ್'​ಬುಕ್'​ಗೆ 40 ಲಕ್ಷ ಫಾಲೋವರ್ಸ್ ಸೇರ್ಪಡೆಯಾಗಿದ್ದಾರೆ. ಸಚಿವ ರಾಜನಾಥ್ ಸಿಂಗ್, ಸ್ಮೃತಿ ಇರಾನಿ, ವಿಕೆ ಸಿಂಗ್, ಪಿಯೂಷ್ ಗೋಯೆಲ್ ಮತ್ತು ಅರುಣ್ ಜೇಟ್ಲಿ ಫೇಸ್'​ಬುಕ್​'ಗೂ ಲಕ್ಷಾಂತರ ಫಾಲೋವರ್ಸ್ ಇದ್ದಾರೆ. ಮಾಹಿತಿ ಮತ್ತು ಪ್ರಸಾರ ಖಾತೆ, ವಿದೇಶಾಂಗ ಇಲಾಖೆ ಹಾಗೂ ರೈಲ್ವೆ ಇಲಾಖೆಗಳ ಫೇಸ್'ಬುಕ್ ಖಾತೆಗಳು ಸಕ್ರಿಯವಾಗಿವೆ.

ಇದೇ ವೇಳೆ, ಫೇಸ್ಬುಕ್ ಸಂಸ್ಥಾಪಕ ಮಾರ್ಕ್ ಝುಕರ್ಬರ್ಗ್ 9 ಕೋಟಿಗೂ ಹೆಚ್ಚು ಫಾಲೋಯರ್ಸ್ ಹೊಂದಿದ್ದಾರೆ. ಜಸ್ಟಿನ್ ಬೀಬರ್ ಮೊದಲಾದ ಪಾಕ್, ರಾಕ್ ಸ್ಟಾರ್'ಗಳು ಫೇಸ್ಬುಕ್'ನಲ್ಲಿ ದೊಡ್ಡ ಫಾಲೋಯಿಂಗ್ ಹೊಂದಿದ್ದಾರೆ.