ದುಬಾರಿ ಕಾರು ಕದ್ದ : ಪೆಟ್ರೋಲ್ ಹಾಕಿಸಲು ದುಡ್ಡಿಲ್ಲದೇ ಸಿಕ್ಕಿಬಿದ್ದ

ದುಬಾರಿ ಕಾರಿಗೆ ಪೆಟ್ರೋಲ್ ಹಾಕಿಸಲು ದುಡ್ಡಿಲ್ಲದೆ, ದುಡ್ಡಿಗಾಗಿ ಬೇಡುತ್ತಿದ್ದ ವೇಳೆ ಕೆಲವರು ಸಂಶಯಗೊಂಡು ಪೊಲೀಸರಿಗೆ ಮಾಹಿತಿ ನೀಡಿದ ಹಿನ್ನೆಲೆಯಲ್ಲಿ ಆತ ಕೊನೆಗೂ ಸಿಕ್ಕಿ ಬಿದ್ದಿದ್ದಾನೆ.

ಕ್ಯಾಲಿ-ಫೋರ್ನಿಯಾ(ಡಿ.4): ಹಾಸಿಗೆ ಇದ್ದಷ್ಟೇ ಕಾಲು ಚಾಚು ಅನ್ನುತ್ತಾರೆ. ಆದರೆ, ಇಲ್ಲೊಬ್ಬ ಐಷಾರಾಮಿ ಜೀವನಕ್ಕಾಗಿ ಬಹುಕೋಟಿ ಬೆಲೆ ಬಾಳುವ - ಫೆರಾರಿ ಕಾರು ಕದ್ದು, ಅದಕ್ಕೆ ಪೆಟ್ರೋಲ್ ಹಾಕಿಸಲು ದುಡ್ಡಿಗಾಗಿ ಪರದಾಡುತ್ತಿದ್ದಾಗ ಸಿಕ್ಕಿ ಬಿದ್ದಿದ್ದಾನೆ.

ಕ್ಯಾಲಿ-ಫೋರ್ನಿಯಾದ ಸಾಂತಾ ಅನಾದಲ್ಲಿ ಓರ್ವ 1.93 ಕೋಟಿ ಬೆಲೆ ಬಾಳುವ -ಫೆರಾರಿ ಕಾರನ್ನು ಕದ್ದಿದ್ದಾನೆ. ದುಬಾರಿ ಕಾರಿನ ಚಾಲನೆಯೂ ಸರಿಯಾಗಿ ಗೊತ್ತಿಲ್ಲದೆ, ಗೇರ್ಬಾಕ್ಸ್, ಎಂಜಿನ್, ಲೋಗೊಗೆಹಾನಿ ಮಾಡಿದ್ದಾನೆ. ಇಷ್ಟೇ ಆಗಿದ್ದರೆ ಏನಾಗುತ್ತಿರಲಿಲ್ಲ.

ಆದರೆ ಇಂತಹ ದುಬಾರಿ ಕಾರಿಗೆ ಪೆಟ್ರೋಲ್ ಹಾಕಿಸಲು ದುಡ್ಡಿಲ್ಲದೆ, ದುಡ್ಡಿಗಾಗಿ ಬೇಡುತ್ತಿದ್ದ ವೇಳೆ ಕೆಲವರು ಸಂಶಯಗೊಂಡು ಪೊಲೀಸರಿಗೆ ಮಾಹಿತಿ ನೀಡಿದ ಹಿನ್ನೆಲೆಯಲ್ಲಿ ಆತ ಕೊನೆಗೂ ಸಿಕ್ಕಿ ಬಿದ್ದಿದ್ದಾನೆ.