ಮೀರಾ ಜಾಸ್ಮಿನ್ ಡಿವೋರ್ಸ್?
ಸಾರಾಂಶ
ಮಲಯಾಳಂ, ತಮಿಳು, ತೆಲುಗು, ಕನ್ನಡ ಸಿನಿಮಾಗಳಲ್ಲಿ ಬಹು ಚಿರಪರಿಚಿತರಾಗಿರುವ ಮೀರಾಗೆ ಯಾಕೋ ತಮ್ಮ ಪತಿ ಅನೀಲ್ ಜಾನ್ ಟಿಟೂಸ್ ಜತೆಗೆ ಜೀವನ ನಡೆಸಲಾರೆ ಎನ್ನುತ್ತಿದ್ದಾರೆ.
ಮಲೈಕಾ ಅರೋರಾ, ಕರೀಷ್ಮಾ ಕಪೂರ್, ಸುಸೇನ್ ಖಾನ್, ಅಮಾಲ ಪೌಲ್... ಪಟ್ಟಿ ಬೆಳೆಯುತ್ತ ಹೋಗುತ್ತದೆ. ಯಾಕೆಂದರೆ ಈ ಪಟ್ಟಿಗೆ ಹೊಸ ಸೇರ್ಪಡೆ ಮೀರಾ ಜಾಸ್ಮೀನ್ ಎನ್ನುತ್ತಿದೆ ಸಿನಿಮಾ ಪರದೆಯ ಪುಟಗಳು. ಇಷ್ಟಕ್ಕೂ ಏನು ಈ ಪಟ್ಟಿ ಅಂತಿರಾ? ನಿನ್ನೆಯೋ, ಮೊನ್ನೆಯೋ ಮದುವೆ ಆದಂತೆ ಕಂಡ ಮೀರಾ ಜಾಸ್ಮೀನ್ ಆಗಲೇ ಡಿವೋರ್ಸ್ ವಿಚಾರಕ್ಕೆ ಸುದ್ದಿಯಾಗುತ್ತಿದ್ದಾರೆ. ಮಲಯಾಳಂ, ತಮಿಳು, ತೆಲುಗು, ಕನ್ನಡ ಸಿನಿಮಾಗಳಲ್ಲಿ ಬಹು ಚಿರಪರಿಚಿತರಾಗಿರುವ ಮೀರಾಗೆ ಯಾಕೋ ತಮ್ಮ ಪತಿ ಅನೀಲ್ ಜಾನ್ ಟಿಟೂಸ್ ಜತೆಗೆ ಜೀವನ ನಡೆಸಲಾರೆ ಎನ್ನುತ್ತಿದ್ದಾರೆ. ಹೀಗಾಗಿ ಡಿವೋರ್ಸ್ಗೆ ಅರ್ಜಿ ಸಲ್ಲಿಸಿರುವ ಸುದ್ದಿ ಈಗಷ್ಟೆ ಬಂದಿದೆ. ಹಾಗೆ ನೋಡಿದರೆ ಉದ್ಯಮಿ ಅನೀಲ್ ಜಾನ್ ಟಿಟೂಸ್ ಅವರಿಗೆ ಎರಡನೇ ಮದುವೆ. ಮೊದಲ ಪತ್ನಿಗೆ ವಿಚ್ಛೇದನ ನೀಡಿದ ಮೇಲೆ ಮೀರಾ ಜಾಸ್ಮೀನ್ ಕೈ ಹಿಡಿದ ಅನಿಲ್ಗೆ ಈಗ ಮೊದಲ ಪತ್ನಿಯ ಕಾಟ ಶುರುವಾಗಿದೆಯಂತೆ. ಇದರಿಂದ ಬೇಸತ್ತ ಮೀರಾ, ಕಾನೂನು ಕಟಕಟೆಗೇರಿದ್ದು, ತನಗೆ ಡಿವೋರ್ಸ್ ಕೊಡಿ ಎನ್ನುತ್ತಿದ್ದಾರಂತೆ. ಆ ಮೂಲಕ ನಾನೊಂದು ತೀರಾ ನೀನೊಂದು ತೀರಾ ಎಂದು ಹಾಡುತ್ತಿರುವ ವಿಚ್ಛೇದಿತ ಸಿನಿಮಾ ದಂಪತಿಗಳ ಸಾಲಿಗೆ ಮೀರಾ ಜಾಸ್ಮಿನ್ ಕೂಡ ಸೇರುತ್ತಾರೆಯೇ? ಎನ್ನುವ ಗುಸುಗುಸು ಕೇಳಿಬರುತ್ತಿದೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.