ಅಪರಾಧಿ ತನ್ನ ಸಹೋದರ ಸಂಬಂಧಿಯನ್ನು 2010ರಲ್ಲಿ ಹತ್ಯೆಗೈದ ಆರೋಪದ ದೋಷಿ ಎಂದು ಘೋಷಿಸಲ್ಪಟ್ಟಿದ್ದರು.
ಕುವೈತ್(ಜ.25): ಕುವೈತ್ ರಾಜ ಕುಟುಂಬಸ್ಥರೊಬ್ಬರು ಸೇರಿದಂತೆ ಏಳು ಆಪರಾಧಿಗಳನ್ನು ಕುವೈತ್‌ನಲ್ಲಿ ಬುಧವಾರ ಸಾಮೂಹಿಕವಾಗಿ ಗಲ್ಲಿಗೇರಿಸಲಾಗಿದೆ. ರಾಜಮನೆತನದ ಫೈಸಲ್ ಅಬ್ದುಲ್ಲಾ ಅಲ್ ಜಬರ್ ಅಲ್ ಸಬಹ್ ಎಂಬ ಅಪರಾಧಿ ತನ್ನ ಸಹೋದರ ಸಂಬಂಧಿಯನ್ನು 2010ರಲ್ಲಿ ಹತ್ಯೆಗೈದ ಆರೋಪದ ದೋಷಿ ಎಂದು ಘೋಷಿಸಲ್ಪಟ್ಟಿದ್ದರು. ಅರಬ್ ರಾಷ್ಟ್ರಗಳಲ್ಲಿ ದೊರೆವಂಶಸ್ಥರನ್ನು ಗಲ್ಲಿಗೇರಿಸುವುದು ಅಪರೂಪದ ಸಂಗತಿಯಾಗಿದೆ. ಮರಣದಂಡನೆಗೆ ಗುರಿಯಾದ 7 ಅಪರಾಧಿಗಳಲ್ಲಿ ಬಾಂಗ್ಲಾದೇಶ, ಫಿಲಿಪ್ಪೀನ್ಸ್, ಇಥಿಯೋಪಿಯಾದ ತಲಾ ಒಬ್ಬರು, ಈಜಿಪ್ಟ್‌ನ ಇಬ್ಬರು ಹಾಗೂ ಮಹಿಳೆಯೂ ಸೇರಿದ್ದಾರೆ. ಬಾಂಗ್ಲಾದ ಒಬ್ಬ ಅತ್ಯಾಚಾರಿ ಬಿಟ್ಟರೆ ಎಲ್ಲ ಅಪರಾಧಿಗಳೂ ಕೊಲೆಗೈದವರೇ ಎಂದು ಮೂಲಗಳು ತಿಳಿಸಿದೆ. 2009ರಲ್ಲಿ ಆರೋಪಿ ಮಹಿಳೆ ಪತಿ ಎರಡನೇ ವಿವಾಹವಾಗುತ್ತಿದ್ದಾರೆಂದು ಇಡೀ ಕಲ್ಯಾಣ ಮಂಟಪಕ್ಕೆ ಬೆಂಕಿ ಹಾಕಿದ್ದರು, ಈ ವೇಳೆ ಮಕ್ಕಳು, ಮಹಿಳೆಯರು ಸೇರಿಂದತೆ 58 ಮಂದಿ ಅಸುನೀಗಿದ್ದರು.