ಬೆಂಗಳೂರಿನಿಂದ ಮಣಿಪಾಲಕ್ಕೆ ಗುಡ್ ನ್ಯೂಸ್ ಒಂದು ಇಲ್ಲಿದೆ. ಶೀಘ್ರದಲ್ಲೇ ಕೆಎಸ್ ಆರ್ ಟಿಸಿ ಫ್ಲೈ ಬಸ್ ಸೇವೆಯನ್ನು ಆರಂಭ ಮಾಡುತ್ತಿದೆ.
ಬೆಂಗಳೂರು: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ(ಕೆಎಸ್ಸಾರ್ಟಿಸಿ)ವು ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ (ಕೆಐಎಎಲ್‌)- ಮಣಿಪಾಲ ಮಾರ್ಗದಲ್ಲಿ ಜ.3ರಿಂದ ಒಂದು ಫ್ಲೈ ಬಸ್ ಕಾರ್ಯಾಚರಣೆ ಮಾಡಲು ನಿರ್ಧರಿಸಿದೆ.
ಈ ಬಸ್ ಕೆಐಎಎಲ್‌ನಿಂದ ರಾತ್ರಿ 10ಕ್ಕೆ ಹೊರಟು ಬೆಳಗ್ಗೆ 6.45ಕ್ಕೆ ಮಣಿಪಾಲ ತಲುಪಲಿದೆ. ಮಣಿಪಾಲದಿಂದ ರಾತ್ರಿ 8.15ಕ್ಕೆ ಹೊರಟು ಬೆಳಗ್ಗೆ 6ಕ್ಕೆ ಕೆಐಎಎಲ್‌ ತಲುಪಲಿದೆ. ಈ ಬಸ್‌ನಲ್ಲಿ ವಯಸ್ಕರ ಪ್ರಯಾಣ ದರ .1250 ನಿಗದಿಪಡಿಸಲಾಗಿದೆ.
ಅಂತೆಯೇ ಕೆಐಎಎಲ್‌-ಮಡಿಕೇರಿ ಮಾರ್ಗದಲ್ಲಿ ಸಂಚರಿಸುವ ಫ್ಲೈ ಬಸ್‌ಗಳನ್ನು ಜ.3ರಿಂದ ಮೈಸೂರಿನ ಇಸ್ಫೋಸಿಸ್‌ ಕ್ಯಾಂಪಸ್‌ ಬಳಿ ಪಿಕ್‌ಅಪ್‌ಗೆ ಅವಕಾಶ ಕಲ್ಪಿಸಲಾಗಿದೆ ಎಂದು ಕೆಎಸ್ಸಾರ್ಟಿಸಿ ಪ್ರಕಟಣೆ ತಿಳಿಸಿದೆ.