ವಿಚಿತ್ರ ಕೇಸ್: ಪತ್ನಿ ಹತ್ಯೆಗಾಗಿ ಪತಿ ಜೈಲಿಗೆ ಆದರೆ ಪತ್ನಿ ಪ್ರಿಯಕರ ಜೊತೆ ಮಜಾ!

ಬಿಹಾರದ ಮುಜಫ್ಫರ್‌ಪುರದ ಮನೋಜ್‌ 2014ರಲ್ಲಿ ರಿಂಕಿಯನ್ನು ವಿವಾಹವಾಗಿದ್ದ. 2015ರಲ್ಲಿ ರಿಂಕಿ ಕಾಣೆಯಾಗಿದ್ದಳು.

ಪ್ರತ್ಯಕ್ಷ ಕಂಡರೂ, ಪ್ರಮಾಣಿಸಿ ನೋಡು ಎನ್ನುತ್ತಾರೆ ಹಿರಿಯರು. ಯಾಕೆಂದರೆ, ಇಲ್ಲೊಂದು ಪ್ರಕರಣದಲ್ಲಿ ವರದಕ್ಷಿಣೆ ಸಾವಿಗೆ ಸಂಬಂಧಿಸಿದಂತೆ ಗಂಡ 2 ವರ್ಷಗಳಿಂದ ಜೈಲಿನಲ್ಲಿದ್ದಾನೆ. ಆದರೆ ಪತ್ನಿ ತನ್ನ ಪ್ರಿಯಕರನೊಂದಿಗೆ ದೂರದ ಊರಲ್ಲಿ ಆರಾಮವಾಗಿದ್ದಾಳೆ. ಬಿಹಾರದ ಮುಜಫ್ಫರ್‌ಪುರದ ಮನೋಜ್‌ 2014ರಲ್ಲಿ ರಿಂಕಿಯನ್ನು ವಿವಾಹವಾಗಿದ್ದ. 2015ರಲ್ಲಿ ರಿಂಕಿ ಕಾಣೆಯಾಗಿದ್ದಳು. ವರದಕ್ಷಿಣೆಗಾಗಿ ಮಗಳನ್ನು ಹತ್ಯೆ ಮಾಡಿದ್ದಾರೆಂದು ರಿಂಕಿ ಮನೆಯವರು ದೂರು ನೀಡಿದ್ದರು. ರಿಂಕಿ ನಾಪತ್ತೆಯಾದ 2 ದಿನಗಳ ಬಳಿಕ ಪಕ್ಕದ ಗ್ರಾಮದಲ್ಲಿ ಪತ್ತೆಯಾದ ಶವ ಮಗಳದ್ದು ಎಂದು ಪ್ರತಿಪಾದಿಸಿದ್ದರು. ಆದರೆ ಇತ್ತೀಚೆಗೆ ಸಂಬಂಧಿಯೊಬ್ಬರು ರಿಂಕಿ ಜಬಲ್ಪುರದಲ್ಲಿರುವುದು ಕಂಡು ಬೆಚ್ಚಿಬಿದ್ದಿದ್ದಾರೆ.