1983ರಲ್ಲಿ ಟಾಟಾ ಗ್ರೂಪ್ ಜೊತೆ ಸಂಪರ್ಕ ಹೊಂದಿದ ಇಷಾತ್, 1989ರಲ್ಲಿ ಟಾಟಾ ಸ್ಟೀಲ್'ನಲ್ಲಿ ಹಿರಿಯ ಉಪಾಧ್ಯಕ್ಷರಾಗಿ ಕಾರ್ಯನಿರ್ವಹಿಸಿದ್ದರು.
ನವದೆಹಲಿ(ನ. 10): ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್ ಸಂಸ್ಥೆಯ ನಿರ್ದೇಶಕರ ಮಂಡಳಿಗೆ ಅಧ್ಯಕ್ಷರಾಗಿ ಇಷಾತ್ ಹುಸೇನ್ ಅವರು ನೇಮಕಗೊಂಡಿದ್ದಾರೆ. ಟಿಸಿಎಸ್'ನಲ್ಲಿ 74% ಪಾಲು ಹೊಂದಿರುವ ಟಾಟಾ ಸನ್ಸ್ ಸಂಸ್ಥೆಯು ಮಂಡಳಿಯ ಹಂಗಾಮಿ ಛೇರ್ಮನ್ ಆಗಿ ಹುಸೇನ್'ರನ್ನು ನೇಮಕ ಮಾಡಿದೆ. ನೂತನ ಛೇರ್ಮನ್ ನೇಮಕವಾಗುವವರೆಗೂ ಇಷಾಥ್ ಹುಸೇನ್ ಆ ಜವಾಬ್ದಾರಿ ನಿಭಾಯಿಸಲಿದ್ದಾರೆ.
ಟಾಟಾ ಗ್ರೂಪ್'ನ ಛೇರ್ಮನ್ ಆಗಿದ್ದ ಸೈರಸ್ ಮಿಸ್ತ್ರಿಯವರು ಟಿಸಿಎಸ್ ನಿರ್ದೇಶಕರ ಮಂಡಳಿಗೂ ಛೇರ್ಮನ್ ಆಗಿದ್ದರು. ಇದೀಗ ಟಾಟಾ ಗ್ರೂಪ್'ನಿಂದಲೇ ಮಿಸ್ತ್ರಿಯವರನ್ನು ಉಚ್ಛಾಟಿಸಿರುವ ಹಿನ್ನೆಲೆಯಲ್ಲಿ ಸಂಸ್ಥೆಗೆ ಹೊಸ ಛೇರ್ಮನ್'ನ ಹುಡುಕಾಟ ನಡೆಯುತ್ತಿದೆ.
ಯಾರು ಈ ಇಷಾತ್?
69 ವರ್ಷದ ಇಷಾತ್ ಹುಸೇನ್ ಇಂಗ್ಲೆಂಡ್'ನಲ್ಲಿ ಸಿಎ ಹಾಗೂ ಉನ್ನತ ಶಿಕ್ಷಣ ಪಡೆದಿದ್ದಾರೆ. 1983ರಲ್ಲಿ ಟಾಟಾ ಗ್ರೂಪ್ ಜೊತೆ ಸಂಪರ್ಕ ಹೊಂದಿದ ಇಷಾತ್, 1989ರಲ್ಲಿ ಟಾಟಾ ಸ್ಟೀಲ್'ನಲ್ಲಿ ಹಿರಿಯ ಉಪಾಧ್ಯಕ್ಷರಾಗಿ ಕಾರ್ಯನಿರ್ವಹಿಸಿದರು. ಅಲ್ಲಿಂದಾಚೆ ಟಾಟಾ ಗ್ರೂಪ್'ನ ವಿವಿಧ ಸಂಸ್ಥೆಗಳಲ್ಲಿ ಉನ್ನತ ಹುದ್ದೆಗಳನ್ನು ನಿಭಾಯಿಸಿದ್ದಾರೆ.