‘ಸೈಯದ್ ಸಲಾವುದ್ದೀನ್ ಜಾಗತಿಕ ಉಗ್ರ’: ಮೋದಿ-ಟ್ರಂಪ್ ಭೇಟಿಗೂ ಮುನ್ನ ಮಹತ್ವದ ಘೋಷಣೆ

ಭಯೋತ್ಪಾದನೆ  ವಿರುದ್ಧ  ಪಾಕಿಸ್ತಾನಕ್ಕೆ ಎಚ್ಚರಿಸುತ್ತಲೇ ಬರುತ್ತಿರುವ ಅಮೆರಿಕ, ಇದೀಗ ಪಾಕ್​  ಆಸರೆ ನೀಡಿರುವ ಸೈಯದ್​ ಸಲಾವುದ್ದೀನ್​ನನ್ನು  ಜಾಗತಿಕ ಉಗ್ರ ಎಂದು ಘೋಷಿಸಿದೆ. ಈ ಮೂಲಕ ಉಗ್ರರನನ್ನು  ಮಟ್ಟ ಹಾಕುವಂತೆ  ಪರೋಕ್ಷ  ಎಚ್ಚರಿಕೆ ನೀಡಿದೆ.

ವಾಷಿಂಗ್ಟನ್(ಜೂ.27): ಭಯೋತ್ಪಾದನೆ  ವಿರುದ್ಧ  ಪಾಕಿಸ್ತಾನಕ್ಕೆ ಎಚ್ಚರಿಸುತ್ತಲೇ ಬರುತ್ತಿರುವ ಅಮೆರಿಕ, ಇದೀಗ ಪಾಕ್​  ಆಸರೆ ನೀಡಿರುವ ಸೈಯದ್​ ಸಲಾವುದ್ದೀನ್​ನನ್ನು  ಜಾಗತಿಕ ಉಗ್ರ ಎಂದು ಘೋಷಿಸಿದೆ. ಈ ಮೂಲಕ ಉಗ್ರರನನ್ನು  ಮಟ್ಟ ಹಾಕುವಂತೆ  ಪರೋಕ್ಷ  ಎಚ್ಚರಿಕೆ ನೀಡಿದೆ.

ಭಯೋತ್ಪಾದನೆಯನ್ನು  ತನ್ನ ಮಡಿಲಲ್ಲಿ ಹೊತ್ತು ಸಲಹುತ್ತಿರುವ ಪಾಕಿಸ್ತಾನಕ್ಕೆ ಜಾಗತಿಕ ಮಟ್ಟದಲ್ಲಿ  ಮತ್ತೊಮ್ಮೆ  ಭಾರೀ ಮುಖಂಗವಾಗಿದೆ .

ಪಾಕ್​​ಗೆ ಭಾರೀ ಮುಖಭಂಗ

ಇಂದು ಭಾರತ  ಪ್ರಧಾನಿ ನರೇಂದ್ರ ಮೋದಿ ಮತ್ತು ಅಮೆರಿಕಾ ಅಧ್ಯಕ್ಷ  ಡೊನಾಲ್ಡ್​ ಟ್ರಂಪ್  ಭೇಟಿಗೂ  ಮುನ್ನಾ  ಅಮೆರಿಕಾ ಸರ್ಕಾರ  ಹಿಜ್ಬುಲ್ ಮುಜಾಹಿದ್ದಿನ್ ಉಗ್ರ ಸಂಘಟನೆಯ ಮುಖ್ಯಸ್ಥ  ಸೈಯದ್​ ಸಲಾವುದ್ದೀನ್​ನನ್ನು  ಜಾಗತಿಕ ಮಟ್ಟದ ಉಗ್ರ ಎಂದು ಘೋಷಿಸಿದೆ. ಭಾರತೀಯ ವಿದೇಶಾಂಗ ಇಲಾಖೆ ವಕ್ತಾರ  ಗೋಪಾಲ್​ ಬಾಗ್ಲೆ  ಸುದ್ದಿಗೋಷ್ಠಿಯಲ್ಲಿ  ಈ ವಿಚಾರವನ್ನು  ಬಹಿರಂಗಪಡಿಸಿದರು.      

ಕಾಶ್ಮೀರದಲ್ಲಿ  ಜನಿಸಿ ಪಾಕ್​ನಲ್ಲಿ ಆಶ್ರಯ!: ಹೆಂಡತಿ ಮಕ್ಕಳನ್ನು  ಬಿಟ್ಟು ಉಗ್ರ ಸಂಘಟನೆ ಸೇರಿದ!   

ಹಿಜ್ಬುಲ್ ಮುಜಾಹಿದ್ದಿನ್ ಉಗ್ರ ಸಂಘಟನೆ ಮುಖ್ಯಸ್ಥ  ಸೈಯದ್​ ಸಲಾವುದ್ದೀನ್ ಜನಸಿದ್ದು  ಕಾಶ್ಮಿರದಲ್ಲಾದರೂ, ಹೆಂಡತಿ, ಮಕ್ಕಳನ್ನು  ತೊರೆದು ಈತ  ನೆಲೆಸಿರೋದು ಉಗ್ರರಿಗೆ ಆಶ್ರಯ ನೀಡುತ್ತಿರುವ  ಪಾಕಿಸ್ತಾನದಲ್ಲಿ. ಸುರಕ್ಷಿತ ಅಡಗುತಾಣದಲ್ಲಿ ಈತನಿಗೆ ಜಾಗ ಕೊಟ್ಟು ಪಾಕಿಸ್ತಾನ ಈತನನ್ನು  ಬೆಳಸುತ್ತಿದೆ. ಸ್ಲೀಪರ್​​ ಸೆಲ್​ನಲ್ಲಿ  ಕುಳಿತೇ ಭಾರತದಂತಹ ಶಾಂತಿ ಪ್ರಿಯ ರಾಷ್ಟ್ರದಲ್ಲಿ  ಅಶಾಂತಿಯ ದ್ವೇಷದ  ಬೀಜವನ್ನು  ಬಿತ್ತುತ್ತಿದ್ದಾನೆ.  

ಉಗ್ರ ಬುಹ್ರನ್ ವಾನಿಯ ಬಲಗೈ ಬಂಟ ಸೈಯದ್!: ಕಾಶ್ಮೀರದ ಅಶಾಂತಿಗೆ  ಪ್ರಮುಖ ಕಾರಣ ಸಲಾವುದ್ದೀನ್ !

ಸೈಯದ್​ ಸಲಾವುದ್ದೀನ್  ಹಿಜ್ಬುಲ್​ ಮುಜಾಹಿದ್ದಿನ್ ಸಂಘಟನೆಯ ಕಮಾಂಡರ್​ ಆಗಿದ್ದ  ಬುಹ್ರನ್  ವಾನಿಯ ಬಲಗೈ ಬಂಟ. ಅಷ್ಟೇ ಅಲ್ಲ ಕಾಶ್ಮೀರದಲ್ಲಿ ತಲೆದೂರಿರುವ ಅಶಾಂತಿಗೆ ಕಾರಣಿಕರ್ತನೇ  ಈ ಸೈಯದ್​ ಸಲಾವುದ್ದೀನ್. ಹೀಗಾಗಿಯೇ ಈತನ ಬೇಟೆಗಾಗಿ  ಗುಪ್ತಚರ ಅಧಿಕಾರಿಗಳು ಹದ್ದಿನ ಕಣ್ಣಿಟ್ಟಿದ್ದು  , ಈತನ ಕುಟುಂಬದ ಜೊತೆ ನಿರಂತರ ಸಂಪರ್ಕದಲ್ಲಿದ್ದಾರೆ. 

ಒಟ್ಟಿನಲ್ಲಿ   ಪಾಕಿಸ್ತಾನಕ್ಕೆ ಮತ್ತೊಮ್ಮೆ  ಪರೋಕ್ಷ ಎಚ್ಚರಿಕೆ ನೀಡಿರುವ ಅಮೆರಿಕ ಭಯೋತ್ಪಾದನೆಯನ್ನು  ದಮನಕ್ಕೆ ಮಾಡುವಂತೆ ಎಚ್ಚರಿಕೆ  ನೀಡಿದೆ.