ವಿನಯ್ ಕುಲಕರ್ಣಿ ಪರ ನಿಂತ ಕೆಂಪಯ್ಯ; ಯೋಗೇಶ್ ಗೌಡ ಪತ್ನಿಯೊಂದಿಗೆ ಸಂಧಾನ ಮಾತುಕತೆ

ಯೋಗೇಶ್ ಗೌಡ ಕೊಲೆ ಆರೋಪ  ಎದುರಿಸುತ್ತಿರುವ ಸಚಿವ ವಿನಯ್​ ಕುಲಕರ್ಣಿ ರಕ್ಷಣೆ ಮಾಡಲು ಗೃಹ ಸಚಿವರ ಸಲಹೆಗಾರ ಕೆಂಪಯ್ಯ  ಅವರ ಬೆನ್ನಿಗೆ ನಿಂತಿದ್ದಾರೆ.

ಬೆಂಗಳೂರು (ನ.26): ಯೋಗೇಶ್ ಗೌಡ ಕೊಲೆ ಆರೋಪ ಎದುರಿಸುತ್ತಿರುವ ಸಚಿವ ವಿನಯ್​ ಕುಲಕರ್ಣಿ ರಕ್ಷಣೆ ಮಾಡಲು ಗೃಹ ಸಚಿವರ ಸಲಹೆಗಾರ ಕೆಂಪಯ್ಯ  ಅವರ ಬೆನ್ನಿಗೆ ನಿಂತಿದ್ದಾರೆ.

ಸಿಎಂ ಸಿದ್ದರಾಮಯ್ಯ ಸೂಚನೆ ಮೇರೆಗೆ  ಗೃಹ ಸಚಿವರ ಸಲಹೆಗಾರ ಕೆಂಪಯ್ಯ ಧಾರವಾಡಕ್ಕೆ ತೆರಳಿದ್ದಾರೆ.  ಹುಬ್ಬಳ್ಳಿಯ ನವೀನ್​ ಹೋಟೆಲ್​​​​ನಲ್ಲಿ ವಾಸ್ತವ್ಯ ಹೂಡಿದ್ದಾರೆ. ಕೊಲೆಯಾದ ಯೋಗೀಶ್​ ಗೌಡ ಪತ್ನಿಯ ಜೊತೆ ಕೆಂಪಯ್ಯ ಸಂಧಾನ ಮಾತುಕತೆ ಪ್ರಯತ್ನ ಮಾಡುತ್ತಿದ್ದಾರೆ.

ಯೋಗೀಶ್​ ಗೌಡ ಕೊಲೆ ಪ್ರಕರಣದಲ್ಲಿ ವಿನಯ್​ ಕುಲಕರ್ಣಿ ಕೈವಾಡ ಆರೋಪ ಬಲವಾಗಿ ಕೇಳಿ ಬಂದಾಗ  ಕಾಂಗ್ರೆಸ್​ ಸರ್ಕಾರ  ತೀವ್ರ ಮುಜುಗರಕ್ಕೆ ಒಳಗಾಗಿದೆ. ತಮ್ಮ ವಿರುದ್ಧ ತಿರುಗಿ ಬಿದ್ದವರನ್ನು ಸಮಾಧಾನಪಡಿಸಲು ಕೆಂಪಯ್ಯ ಯತ್ನಿಸುತ್ತಿದ್ದಾರೆ.  ಕೊಲೆಯಾದ ಯೋಗೀಶ್​ ಗೌಡ ಪತ್ನಿ ಕುರುಬ ಸಮುದಾಯಕ್ಕೆ ಸೇರಿದವರು.  ಕುರುಬ ಮುಖಂಡರ ಮಧ್ಯಸ್ಥಿಕೆಯಲ್ಲಿ ಮಲ್ಲಮ್ಮರೊಂದಿಗೆ ಸಂಧಾನ ಯತ್ನ ನಡೆಸುತ್ತಿದ್ದಾರೆ.  ಮಲ್ಲಮ್ಮರಿಂದಲೇ ವಿನಯ್​ ಕುಲಕರ್ಣಿ ಪರವಾಗಿ ಹೇಳಿಕೆ ಕೊಡಿಸಲು ಯತ್ನಿಸುತ್ತಿದ್ದಾರೆ.