ಯುವಜನರಿಗೆ ಸಿಗಲಿದೆ ಉಚಿತ ಸಿಮ್, 3 GB ಇಂಟರ್ ನೆಟ್

ಗೋವಾ ಯುವ ಸಂಚಾರ್ ಯೋಜನಾ ಎಂಬ ಯೋಜನೆಗೆ ನಾಳೆ ಚಾಲನೆ ಸಿಗಲಿದ್ದು, ರಾಜ್ಯದಲ್ಲಿರುವ ಯುವ ಜನತೆಗೆ ಪ್ರತಿ ತಿಂಗಳು ಉಚಿತ ಸಿಮ್ ಕಾರ್ಡ್, 100 ನಿಮಿಷ ಟಾಕ್ ಟೈಮ್ ಮತ್ತು  3 ಜಿಬಿ ಇಂಟರ್ನೆಟ್ ಡೇಟಾ ಉಚಿತವಾಗಿ ನೀಡಲಾಗುವುದು ಎಂದು  ಮುಖ್ಯಮಂತ್ರಿ ಲಕ್ಷ್ಮೀಕಾಂತ್ ಪರ್ಸೇಕರ್ ಹೇಳಿದ್ದಾರೆ.

ಪಣಜಿ (ಡಿ.04): ಕೇಂದ್ರ ಸರ್ಕಾರದ ಡಿಜಿಟಲ್ ಇಂಡಿಯಾ ಯೋಜನೆಯಡಿಯಲ್ಲಿ ಗೋವಾ ರಾಜ್ಯ ಸರ್ಕಾರ ಹೊಸ ಯೋಜನೆಯೊಂದಕ್ಕೆ ನಾಳೆ ಚಾಲನೆ ನೀಡಲಿದೆ.

ಗೋವಾ ಯುವ ಸಂಚಾರ್ ಯೋಜನಾ ಎಂಬ ಯೋಜನೆಗೆ ನಾಳೆ ಚಾಲನೆ ಸಿಗಲಿದ್ದು, ರಾಜ್ಯದಲ್ಲಿರುವ ಯುವ ಜನತೆಗೆ ಪ್ರತಿ ತಿಂಗಳು ಉಚಿತ ಸಿಮ್ ಕಾರ್ಡ್, 100 ನಿಮಿಷ ಟಾಕ್ ಟೈಮ್ ಮತ್ತು  3 ಜಿಬಿ ಇಂಟರ್ನೆಟ್ ಡೇಟಾ ಉಚಿತವಾಗಿ ನೀಡಲಾಗುವುದು ಎಂದು  ಮುಖ್ಯಮಂತ್ರಿ ಲಕ್ಷ್ಮೀಕಾಂತ್ ಪರ್ಸೇಕರ್ ಹೇಳಿದ್ದಾರೆ.

ರಾಜ್ಯದಲ್ಲಿ ಸರಿ ಸುಮಾರು 1.25 ಲಕ್ಷ  ಯುವ ಜನರು ಇದ್ದಾರೆ. ಇವರಿಗೆ ಈ ಯೋಜನೆ ಸಹಾಯವಾಗಲಿದ್ದು. ಇದಕ್ಕಾಗಿ ಖಾಸಗಿ ಮೊಬೈಲ್ ಸಂಸ್ಥೆ ವೊಡಾಫೋನ್ ಜತೆ ಕೈಜೋಡಿಸಿದ್ದೇವೆ ಎಂದಿದ್ದಾರೆ.

ಈ ಯೋಜನೆ ಜಾರಿ ಮಾಡಲು ನವೆಂಬರ್ 25ರಂದು ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರ ಅನುಮತಿ ನೀಡಿತ್ತು. ಒಂದು ವೇಳೆ ಈ ಯೋಜನೆ ಫಲಾನುಭಾವಿಗಳು ದುರ್ಬಳಕೆ ಮಾಡಿಕೊಂಡರೆ, ಯೋಜನೆಯನ್ನು ಸ್ಥಗಿತಗೊಳಿಸಲಾಗುವುದು ಎಂದು ಗೋವಾ ಮುಖ್ಯಮಂತ್ರಿ ಹೇಳಿದ್ದಾರೆ.