ಕೆಲವರು ಸಮಸ್ಯೆ ಸೃಷ್ಟಿಗಾಗಿಯೇ ಇಂಥ ಕೃತ್ಯಗಳನ್ನು ಮಾಡುತ್ತಾರೆ. ಪ್ರಕರಣದ ತನಿಖೆ ಬಳಿಕವಷ್ಟೇ ಈ ಬಗ್ಗೆ ಹೇಳಲು ಸಾಧ್ಯ
ನವದೆಹಲಿ(ಫೆ.23): ದೆಹಲಿಯ ಎಸ್‌'ಬಿಐ ಎಟಿಎಂ ಒಂದರಿಂದ ₹2,000 ಮುಖಬೆಲೆಯ ನಕಲಿ ನೋಟುಗಳು ಹೊರ ಬಂದಿವೆ ಎಂಬ ವರದಿಗಳ ಬಗ್ಗೆ ಸರ್ಕಾರ ತನಿಖೆ ಕೈಗೊಳ್ಳಲಿದೆ. ಅಲ್ಲದೆ, ನೂತನ ಮುಖಬೆಲೆ ನೋಟುಗಳ ನಕಲಿ ಮಾಡುವುದರ ತಡೆಗೆ ಸರ್ಕಾರ ಬದ್ಧವಾಗಿದೆ ಎಂದು ವಿತ್ತ ಸಚಿವಾಲಯದ ಸಹಾಯಕ ಸಚಿವ ಸಂತೋಷ್ ಗಂಗ್ವಾರ್ ಹೇಳಿದ್ದಾರೆ.
ಈ ಬಗ್ಗೆ ಮಾತನಾಡಿದ ಅವರು, ‘ದಕ್ಷಿಣ ದೆಹಲಿಯ ಸಂಗಮ್ ವಿಹಾರದ ಎಸ್‌'ಬಿಐ ಎಟಿಎಂನಲ್ಲಿ ‘ಚಿಲ್ಡ್ರನ್ ಬ್ಯಾಂಕ್ ಆಫ್ ಇಂಡಿಯಾ’ ಎಂದು ಮುದ್ರಿತವಾದ ₹2,000 ಮುಖಬೆಲೆ ನೋಟುಗಳು ಪೂರೈಕೆಯಾಗಿವೆ ಎಂಬ ಚಿಲ್ಲರೆ ಪ್ರಕರಣಗಳ ಬಗ್ಗೆ ಸರ್ಕಾರ ವಿಚಲಿತವಾಗುವುದಿಲ್ಲ,’ ಎಂದಿದ್ದಾರೆ.
ಎಟಿಎಂನಿಂದ ಖೋಟಾ ನೋಟು ಬರಲು ಸಾಧ್ಯವೇ ಇಲ್ಲ. ಆದರೆ, ಪತ್ರಿಕೆಗಳಲ್ಲಿ ಈ ಬಗ್ಗೆ ವರದಿಯಾಗಿದ್ದರೆ ತನಿಖೆ ಕೈಗೊಳ್ಳಲಾಗುತ್ತದೆ,’ ಎಂಬುದಾಗಿ ಅವರು ತಿಳಿಸಿದ್ದಾರೆ. ಕೆಲವರು ಸಮಸ್ಯೆ ಸೃಷ್ಟಿಗಾಗಿಯೇ ಇಂಥ ಕೃತ್ಯಗಳನ್ನು ಮಾಡುತ್ತಾರೆ. ಪ್ರಕರಣದ ತನಿಖೆ ಬಳಿಕವಷ್ಟೇ ಈ ಬಗ್ಗೆ ಹೇಳಲು ಸಾಧ್ಯ ಎಂದು ತಿಳಿಸಿದ್ದಾರೆ.