ಅಜಾನುಬಾಹು ಗಾತ್ರದ ಅಸ್ಥಿಪಂಜರದ ಫೋಟೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಅದನ್ನು ಮಹಾಭಾರತದ ಪ್ರಮುಖ ಪಾತ್ರವಾದ ಭೀಮನ ಪುತ್ರ ಘಟೋತ್ಕಜನ ಅಸ್ಥಿ ಎಂದು ಹೇಳಲಾಗುತ್ತಿದೆ. ಇದು ನಿಜಾನಾ? ಇಲ್ಲಿದೆ ವಿವರ
ನವದೆಹಲಿ[ಜು.19]: ಅಜಾನುಬಾಹು ಗಾತ್ರದ ಅಸ್ಥಿಪಂಜರದ ಫೋಟೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಅದನ್ನು ಮಹಾಭಾರತದ ಪ್ರಮುಖ ಪಾತ್ರವಾದ ಭೀಮನ ಪುತ್ರ ಘಟೋತ್ಕಜನ ಅಸ್ಥಿ ಎಂದು ಹೇಳಲಾಗುತ್ತಿದೆ.
ಈ ಪೋಟೋದೊಂದಿಗೆ, ‘ಮಹಾಭಾರತ ಯುದ್ಧ ನಡೆದ ಸ್ಥಳವಾದ ಕುರುಕ್ಷೇತ್ರದಲ್ಲಿ ಉತ್ಕನನ ಮಾಡಿದಾಗ ಭೀಮನ ಪುತ್ರ ಘಟೋತ್ಕಜನ ಅಸ್ಥಿ ಪತ್ತೆಯಾಗಿದೆ. ಅದು ಸುಮಾರು 80 ಅಡಿ ಉದ್ದವಿದೆ’ ಎಂದು ಒಕ್ಕಣೆ ಬರೆಯಲಾಗಿದೆ. ಇದೀಗ ಟ್ವೀಟರ್, ಫೇಸ್ಬುಕ್ಗಳಲ್ಲಿ ವೈರಲ್ ಆಗುತ್ತಿದೆ.
“Calamita Cosmica” is a giant skeleton sculpture by late Italian artist Gino De Dominicis pic.twitter.com/TdiJBsrDXy
— 41 Strange (@41Strange)‘ಮೈ ಮಾಡರ್ನ್ ಮೆಟ್’ ಎಂಬ ವೆಬ್ಸೈಟ್ನಲ್ಲಿ 2012ರಲ್ಲಿಯೇ ಈ ಕುರಿತು ವರದಿ ಮಾಡಲಾಗಿದೆ. ಅದರಲ್ಲಿ ಈ ಅಸ್ಥಿಪಂಜರವು 28 ಮೀಟರ್ ಉದ್ದವಿದ್ದು, ಸುಮಾರು 8 ಟನ್ ಭಾರವಿದೆ ಎಂದು ಹೇಳಲಾಗಿದೆ. ಜೊತೆಗೆ ಡೊಮಿನಿಕ್ಸ್ 1998ರಲ್ಲಿ ಮೃತಪಟ್ಟಿದ್ದು, ಇಹಲೋಕ ತ್ಯಜಿಸುವ ಕೆಲವೇ ದಿನಗಳ ಮುಂಚೆ ಈ ಕಾರ್ಯವನ್ನು ಪೂರ್ಣಗೊಳಿಸಿದ್ದರು ಎಂದಿದೆ.