ಐಟಿ, ಇಡಿ ಇಲಾಖೆಗಳ ವಿಶ್ವಾಸಾರ್ಹತೆ ಮಣ್ಣುಗೂಡಿಸುವ ಪ್ರಯತ್ನ: ಎಚ್.ಕೆ.ಪಾಟೀಲ್

ಆದಾಯ ತೆರಿಗೆ ಇಲಾಖೆ, ಜಾರಿ ನಿರ್ದೇಶನಾಲಯ ತಮ್ಮ ವಿಶ್ವಾಸಾರ್ಹತೆ ಉಳಿಸಿಕೊಂಡಿದ್ದವು, ಈಗ ರಾಜಕೀಯ ದುರುದ್ದೇಶದಿಂದ ಸಂಸ್ಥೆಗಳ ವಿಶ್ವಾಸಾರ್ಹತೆ ಕಳೆದುಕೊಂಡಿವೆ ಎಂದು ಪಾಟೀಲ್ ಹೇಳಿದ್ದಾರೆ.

ರಾಜ್ಯ ಸರ್ಕಾರ ಕಾಂಗ್ರೆಸ್ ಹೈಕಮಾಂಡ್’ಗೆ ಕಪ್ಪ ನೀಡಿರುವ ವಿಚಾರಕ್ಕೆ ಸಂಬಂಧಿಸಿದಂತೆ ಡೈರಿ ಎಲ್ಲಿಂದ ಬಂತು? ಎಂದು ಗ್ರಾಮೀಣಾಭಿವೃದ್ಧಿ ಹಾಗೂ ಪಂಚಾಯತ ರಾಜ್ ಸಚಿವ ಹೆಚ್.ಕೆ ಪಾಟೀಲ್ ಪ್ರಶ್ನಿಸಿದ್ದಾರೆ.

ಡೈರಿಯನ್ನ ಇಬ್ಬರು ಮಾತ್ರ ಬಿಡುಗಡೆ ಮಾಡಲು ಸಾಧ್ಯ. ಇನ್ನೊಬ್ಬರ ಕೈಗೆ ಹೇಗೆ ಬಂತು? ಎಂದು ಹೆಚ್.ಕೆ ಪಾಟೀಲ್ ಕೇಳಿದ್ದಾರೆ.

ಆದಾಯ ತೆರಿಗೆ ಇಲಾಖೆ, ಜಾರಿ ನಿರ್ದೇಶನಾಲಯ ತಮ್ಮ ವಿಶ್ವಾಸಾರ್ಹತೆ ಉಳಿಸಿಕೊಂಡಿದ್ದವು, ಈಗ ರಾಜಕೀಯ ದುರುದ್ದೇಶದಿಂದ ಸಂಸ್ಥೆಗಳ ವಿಶ್ವಾಸಾರ್ಹತೆ ಕಳೆದುಕೊಂಡಿವೆ ಎಂದು ಅವರು ಹೇಳಿದ್ದಾರೆ.

ರಾಷ್ಟ್ರದಲ್ಲಿ ಸಂಸ್ಥೆಗಳ ವಿಶ್ವಾಸಾರ್ಹತೆಯನ್ನು ಮಣ್ಣು ಗೂಡಿಸುವ ಕೆಲಸ ರಾಜಕೀಯ ದುರುದ್ದೇಶವಿರುವ ವ್ಯಕ್ತಿಗಳಿಂದ ನಡಿಯುತ್ತಿದೆ ಎಂದು ಪಾಟೀಲ್ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.