ಎಸ್'ಬಿಐ ಸಿಬ್ಬಂದಿ ಇನ್ಮುಂದೆ ಜೀನ್ಸ್ ಹಾಕುವಂತಿಲ್ಲ!
ಸಾರಾಂಶ
ಭಾರತೀಯ ಸ್ಟೇಟ್ ಬ್ಯಾಂಕ್, ತನ್ನ ಸಿಬ್ಬಂದಿಗೆ ವಸ್ತ್ರಸಂಹಿತೆ ಜಾರಿಗೊಳಿಸಿದೆ.
ನವದೆಹಲಿ (ಜ.10): ಭಾರತೀಯ ಸ್ಟೇಟ್ ಬ್ಯಾಂಕ್, ತನ್ನ ಸಿಬ್ಬಂದಿಗೆ ವಸ್ತ್ರಸಂಹಿತೆ ಜಾರಿಗೊಳಿಸಿದೆ.
ಪುರುಷ ಸಿಬ್ಬಂದಿಯು ಸ್ವಚ್ಛವಾದ ಶೂ ಧರಿಸಬೇಕು. ಚಪ್ಪಲಿ ಧರಿಸಕೂಡದು. ಟೀಶರ್ಟ್, ಜೀನ್ಸ್, ಸ್ಪೋರ್ಟ್ಸ್ ಶೂಗಳನ್ನು ಧರಿಸುವಂತಿಲ್ಲ. ಹಿರಿಯ ಸಿಬ್ಬಂದಿ ಅಚ್ಚುಕಟ್ಟಾದ ಫಾರ್ಮಲ್ ದಿರಿಸುಗಳನ್ನು ಧರಿಸಬೇಕು. ಇನ್ನು ಹಿರಿಯ ಮಹಿಳಾ ಸಿಬ್ಬಂದಿಯು ಭಾರತೀಯ ಶೈಲಿ ಅಥವಾ ಪಾಶ್ಚಾತ್ಯ ಶೈಲಿಯ ಫಾರ್ಮಲ್ ಉಡುಪು ಧರಿಸಿರಬೇಕು ಎಂದು ಸೂಚಿಸಲಾಗಿದೆ.
‘ಗಡ್ಡ ಬಿಟ್ಟುಕೊಂಡು, ಬೇಕಾಬಿಟ್ಟಿಯಾಗಿ ಕೂದಲು ಬಿಟ್ಟುಕೊಂಡು ಆಫೀಸಿಗೆ ಬರಬಾರದು. ಬೆವರಿನ ವಾಸನೆ ಬರುವಂತೆ ಕಚೇರಿಗೆ ಆಗಮಿಸಕೂಡದು. ಬೂಟುಗಳು ಕೊಳೆಯಾಗಿರುವಂತಿಲ್ಲ. ಶೂ ಮತ್ತು ಬೆಲ್ಟ್ ಒಂದೇ ಬಣ್ಣದ್ದಾಗಿರಬೇಕು. ಪ್ಯಾಂಟ್ ಬಣ್ಣಕ್ಕೆ ಒಪ್ಪುವ ಸಾಕ್ಸ್ ಇರಬೇಕು. ಪ್ಲೇನ್ ಶರ್ಟ್ ಆಗಿದ್ದರೆ ಡಿಸೈನ್ ಟೈ ಇರಬೇಕು. ಚಕ್ ಶರ್ಟ್ ಇದ್ದರೆ ಪ್ಲೇನ್ ಟೈ ಇರಬೇಕು ಎಂದು ಸೂಚಿಸಲಾಗಿದೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.