ಇನ್ಮುಂದೆ ರೈಲ್ವೆ ಟಿಕೆಟ್ ಮನೆಗೇ ಬರುತ್ತೇ, ಬಂದ್ಮೇಲೆ ಹಣ ಪಾವತಿಸಿ
ಸಾರಾಂಶ
ಪ್ರಯಾಣಿಕರು ಐಆರ್ಸಿಟಿಸಿ ವೆಬ್ಸೈಟ್ ಅಥವಾ ಮೊಬೈಲ್ ಆ್ಯಪ್ ಮೂಲಕ ಟಿಕೆಟ್ಗಳನ್ನು ಕಾಯ್ದಿರಿಸಿ ಬಳಿಕ ಮನೆಗೆ ಟಿಕೆಟ್ ರವಾನೆ ವೇಳೆ ಹಣ ಪಾವತಿಸುವ ‘ಪೇ ಆನ್ ಡೆಲಿವರಿ' ಯೋಜನೆ ಆರಂಭಿಸಲಾಗಿದೆ ಎಂದು ಐಆರ್ಸಿಟಿಸಿಯ ಹಿರಿಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ.
ನವದೆಹಲಿ: ರೈಲು ಟಿಕೆಟ್ ಖರೀದಿ ಮಾಡಲು ಮುಂದಿನ ದಿನಗಳಲ್ಲಿ ಪ್ರಯಾಣಿಕರು ರೈಲ್ವೆ ನಿಲ್ದಾಣಕ್ಕೆ ಹೋಗುವ ಅಗತ್ಯವೇ ಇಲ್ಲ. ಬದಲಿಗೆ ರೈಲ್ವೆ ಟಿಕೆಟ್ ಅನ್ನು ಸಾರ್ವಜನಿಕರ ಮನೆಗಳಿಗೆ ಪೂರೈಕೆ ಮಾಡುವ ಮತ್ತು ಪೂರೈಕೆ ಮಾಡಿದ ಬಳಿಕವಷ್ಟೇ ಹಣ ಪಡೆಯಲು ಐಆರ್ಸಿಟಿಸಿ ಮುಂದಾಗಿದೆ.
ಪ್ರಯಾಣಿಕರು ಐಆರ್ಸಿಟಿಸಿ ವೆಬ್ಸೈಟ್ ಅಥವಾ ಮೊಬೈಲ್ ಆ್ಯಪ್ ಮೂಲಕ ಟಿಕೆಟ್ಗಳನ್ನು ಕಾಯ್ದಿರಿಸಿ ಬಳಿಕ ಮನೆಗೆ ಟಿಕೆಟ್ ರವಾನೆ ವೇಳೆ ಹಣ ಪಾವತಿಸುವ ‘ಪೇ ಆನ್ ಡೆಲಿವರಿ' ಯೋಜನೆ ಆರಂಭಿಸಲಾಗಿದೆ ಎಂದು ಐಆರ್ಸಿಟಿಸಿಯ ಹಿರಿಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ.
ಆದರæ ಈ ಸೇವೆ ಪಡೆಯಲು ಮೊದಲು ಗ್ರಾಹಕರು ವೆಬ್ಸೈಟ್ನಲ್ಲಿ ಹೆಸರು ನೋಂದಣಿ ಮಾಡಿಕೊಳ್ಳಬೇಕು ಮತ್ತು ಟಿಕೆಟ್ ಮನೆಗೆ ತಲುಪಿಸಿದ್ದಕ್ಕೆ ಗ್ರಾಹಕರು ಶುಲ್ಕ ಪಾವತಿಸಬೇಕು. 5000 ರು.ಮೊತ್ತದವರೆಗಿನ ಟಿಕೆಟ್ಗೆ 90 ರು. ಶುಲ್ಕ ಮತ್ತು ಅದಕ್ಕೆ ತಗುಲುವ ಸೇವಾ ತೆರಿಗೆ ಪಾವತಿಸಬೇಕು, ಅದಕ್ಕೆ ಮೇಲ್ಪಟ್ಟಮೊತ್ತದ ಟಿಕೆಟ್ಗೆ 120 ರು. ಶುಲ್ಕ ಮತ್ತು ತೆರಿಗೆ ಪಾವತಿಸಬೇಕು.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.