ತೆರಿಗೆ ವಂಚನೆ ಪ್ರಕರಣದಲ್ಲಿ ಶಶಿಕಲಾ ಪತಿಗೆ ಜೈಲು

ಇದು 23 ವರ್ಷಗಳ ಅಂದರೆ 1994ರ ಹಳೆಯ ಪ್ರಕರಣವಾಗಿದ್ದು ಲಕ್ಸ್'ಸ್ ಕಾರನ್ನು ಆಮದು ಮಾಡಿಕೊಂಡಿದ್ದ ನಟರಾಜನ್ 1.6 ತೆರಿಗೆ ಪಾವತಿಸರಿರಲಿಲ್ಲ.

ಚೆನ್ನೈ(ನ.17): ತೆರಿಗೆ ವಂಚನೆ ಪ್ರಕರಣದಲ್ಲಿ ಮದ್ರಾಸ್ ಹೈಕೋರ್ಟ್ ಎಐಎಡಿಎಂಕೆ ನಾಯಕಿ ವಿ.ಕೆ. ಶಶಿಕಲಾ ಅವರ ಪತಿ ನಟರಾಜನ್ ಅವರಿಗೆ 2 ವರ್ಷ ಜೈಲು ಶಿಕ್ಷೆ ವಿಧಿಸಿದೆ. ಸಿಬಿಐ ಕೋರ್ಟ್ 2010ರಲ್ಲಿ ವಿಧಿಸಿದ್ದ ನಟರಾಜನ್ ಹಾಗೂ ಇತರ ಮೂವರ 2 ವರ್ಷ ಸೆರೆಮನೆ ವಾಸದ ಶಿಕ್ಷೆಯನ್ನು ಎತ್ತಿಹಿಡಿದಿದೆ.  

ಇದು 23 ವರ್ಷಗಳ ಅಂದರೆ 1994ರ ಹಳೆಯ ಪ್ರಕರಣವಾಗಿದ್ದು ಲಕ್ಸ್'ಸ್ ಕಾರನ್ನು ಆಮದು ಮಾಡಿಕೊಂಡಿದ್ದ ನಟರಾಜನ್ 1.6 ತೆರಿಗೆ ಪಾವತಿಸರಿರಲಿಲ್ಲ. ಈ ಸಂಬಂಧ ಜಾರಿ ನಿರ್ದೇಶನಾಲಯ ಹಾಗೂ ಸಿಬಿಐ ದೂರು ದಾಖಲಿಸಿಕೊಂಡಿದ್ದವು. ಇತ್ತೀಚಿಗಷ್ಟೆ ಆದಾಯ ತೆರಿಗೆ ಅಧಿಕಾರಿಗಳು ನಟರಾಜನ್ ಮನೆಯನ್ನು ಶೋಧಿಸಿ ದಾಖಲೆಗಳನ್ನು ವಶಪಡಿಸಿಕೊಂಡಿದ್ದರು.

ಶಶಿಕಲಾ ಅವರು 2017ರ ಫೆಬ್ರವರಿಯಿಂದ ಅಕ್ರಮ ಆಸ್ತಿ ಪ್ರಕರಣಕ್ಕೆ ಸಂಬಂಧಿಸಿದಂತೆ 4 ವರ್ಷಗಳ ಸೆರೆಮನೆ ವಾಸ ಅನುಭವಿಸುತ್ತಿದ್ದಾರೆ.