ಸಿಎಂರನ್ನ ಏಕಾಂಗಿಯಾಗಿಸಿದ ಡರ್ಟಿ ಡೈರಿ ಪ್ರಕರಣ: ಅಸಹಾಯಕತೆ ಕಂಡು ಹಿಗ್ಗಿದ ಕಾಂಗ್ರೆಸ್'ನ ಒಂದು ಬಣ

ಕಾಂಗ್ರೆಸ್ ಹೈಕಮಾಂಡ್​ಗೆ ಕಪ್ಪ ಸಲ್ಲಿಸಿದ ವಿವರಗಳುಳ್ಳ ಡೈರಿ ಬಹಿರಂಗಗೊಂಡ ಪ್ರಕರಣ ಸಿಎಂ ಬುಡಕ್ಕೇ ಬಂದಿದೆ. ಅಷ್ಟೇ ಅಲ್ಲ, ಡೈರಿ ಬಹಿರಂಗಗೊಂಡದ್ದು ಪ್ರತಿಪಕ್ಷಗಳವರಿಗೆ ಮಾತ್ರವೇ ಅಲ್ಲದೇ, ಕಾಂಗ್ರೆಸ್'​ನ ಕೆಲವರಿಗೂ ಭಾರೀ ಖುಷಿ ತಂದಿದೆ. ಏಕೆ ಅಂತೀರಾ ಇಲ್ಲಿದೆ ವಿವರ

ಬೆಂಗಳೂರು(ಫೆ.25): ಕಾಂಗ್ರೆಸ್ ಹೈಕಮಾಂಡ್​ಗೆ ಕಪ್ಪ ಸಲ್ಲಿಸಿದ ವಿವರಗಳುಳ್ಳ ಡೈರಿ ಬಹಿರಂಗಗೊಂಡ ಪ್ರಕರಣ ಸಿಎಂ ಬುಡಕ್ಕೇ ಬಂದಿದೆ. ಅಷ್ಟೇ ಅಲ್ಲ, ಡೈರಿ ಬಹಿರಂಗಗೊಂಡದ್ದು ಪ್ರತಿಪಕ್ಷಗಳವರಿಗೆ ಮಾತ್ರವೇ ಅಲ್ಲದೇ, ಕಾಂಗ್ರೆಸ್'​ನ ಕೆಲವರಿಗೂ ಭಾರೀ ಖುಷಿ ತಂದಿದೆ. ಏಕೆ ಅಂತೀರಾ ಇಲ್ಲಿದೆ ವಿವರ

ಸಿಎಂಗೆ ಡೈರಿ ಸಂಕಟ

ಖುಷಿ ಪಡುತ್ತಿರುವವರಲ್ಲಿ, ಕೆಪಿಸಿಸಿ ಅಧ್ಯಕ್ಷ ಪರಮೇಶ್ವರ್​, ತುಮಕೂರು ಹಾಗೂ ಉತ್ತರ ಕರ್ನಾಟಕದ ಭಾಗದಿಂದ ಸಚಿವರು ಹಾಗೂ ಸಿಎಂ ವಿರುದ್ಧ ಮೃದುವಾಗಿಯೇ ಮಸಲತ್ತು ಮಾಡುತ್ತಿದ್ದ ಮೂಲ ಕಾಂಗ್ರೆಸ್ಸಿಗರೂ ಇದ್ದಾರೆ.

ಬಹಿರಂಗಗೊಂಡಿರುವ ಡೈರಿಯಲ್ಲಿ  ಹೆಚ್​.ಸಿ.ಎಂ. ಕೆ.ಜೆ.ಜಿ, ಎಂ.ಬಿ.ಪಿ, ಆರ್.ವಿ.ಡಿ, ಕೆ.ಇ.ಎಂ.ಪಿ. ಅಂತಾ ಪ್ರಮುಖ ಹೆಸರನ್ನು ಉಲ್ಲೇಖಿಸಲಾಗಿದೆ. ಇವರೆಲ್ಲಾ ಸಿಎಂ ಬೆಂಬಲಿಗರೇ, ಜೊತೆಗೆ ಸ್ವತಃ ಗೋವಿಂದರಾಜು ಸಿಎಂ ಆಪ್ತರು. ಹೀಗಾಗಿ ಸಿಎಂ, ಡೈರಿ ಬಹಿರಂಗ  ವಿಚಾರದ ಬಗ್ಗೆ ಹೈಕಮಾಂಡ್​ ಜತೆ ಮಾತ್ರ ಚರ್ಚಿಸಿ ಮೌನವಹಿಸಿದ್ದಾರೆ.

ಕಪ್ಪ ಪಡೆದಿರುವವರ ಪಟ್ಟಿಯಲ್ಲಿ ಸೋನಿಯಾ, ರಾಹುಲ್​ ಗಾಂಧಿ ಹಾಗೂ ಪ್ರಮುಖ ಹೈಕಮಾಂಡ್ ನಾಯಕರ ಹೆಸರೇ ಇರುವುದರಿಂದ ಹೈಕಮಾಂಡ್​ ಸೂಚನೆಯಂತೆ ಮುಂದಿನ ನಡೆ ಇಡುವ ತೀರ್ಮಾನ ಮಾಡಿದ್ದಾರೆ. ಏನೇ ಆಗಲಿ, ಡೈರಿ ಬಹಿರಂಗಗೊಂಡಿರುವ ಪ್ರಕರಣ ನೇರ ದುಷ್ಪರಿಣಾಮ ಏನೇ ಇದ್ದರೂ ಅದು ಸಿಎಂ ಸಿದ್ದರಾಮಯ್ಯ ಬಣಕ್ಕೇ ಎನ್ನುವುದರಲ್ಲಿ ಎರಡು ಮಾತಿಲ್ಲ.

ವರದಿ: ವಿರೇಂದ್ರ ಉಪ್ಪುಂದ, ಸುವರ್ಣ ನ್ಯೂಸ್