1 ನಿಮಿಷದಲ್ಲಿ 124 ತೆಂಗಿನಕಾಯಿ ಬರಿಗೈಯಲ್ಲಿ ಒಡೆದು ವಿಶ್ವ ದಾಖಲೆ
ಸಾರಾಂಶ
ಅದು ಸಾಧ್ಯವೇ ಇಲ್ಲ ಎನ್ನುವರು ನೀವಾದರೆ ಕೇರಳಕ್ಕೆ ಬರಬೇಕು. ಅಲ್ಲೊಬ್ಬ ವ್ಯಕ್ತಿ ಬರಿಗೈಯಲ್ಲೇ ತೆಂಗಿನಕಾಯಿ ಒಡೆಯುತ್ತಾನೆ. ಅಷ್ಟೇ ಅಲ್ಲ, ಒಂದೇ ನಿಮಿಷದಲ್ಲಿ ಬರೋಬ್ಬರಿ 124 ತೆಂಗಿನಕಾಯಿಗಳನ್ನು ಒಡೆದು ವಿಶ್ವ ದಾಖಲೆಯನ್ನೇ ನಿರ್ಮಾಣ ಮಾಡಿದ್ದಾನೆ.
ನವದೆಹಲಿ(ಫೆ.24): ತೆಂಗಿನಕಾಯಿಯನ್ನು ಒಡೆಯುವ ಮುನ್ನ ಗಟ್ಟಿಮುಟ್ಟಾದ ಜಾಗ ಹುಡುಕುತ್ತೇವೆ. ಅದರ ಬದಲು ನೆಲದ ಮೇಲೆ ತೆಂಗಿನಕಾಯಿ ಇಟ್ಟು ಅದನ್ನು ಕೈಯಿಂದಲೇ ಒಡೆದರೆ?!
ಅದು ಸಾಧ್ಯವೇ ಇಲ್ಲ ಎನ್ನುವರು ನೀವಾದರೆ ಕೇರಳಕ್ಕೆ ಬರಬೇಕು. ಅಲ್ಲೊಬ್ಬ ವ್ಯಕ್ತಿ ಬರಿಗೈಯಲ್ಲೇ ತೆಂಗಿನಕಾಯಿ ಒಡೆಯುತ್ತಾನೆ. ಅಷ್ಟೇ ಅಲ್ಲ, ಒಂದೇ ನಿಮಿಷದಲ್ಲಿ ಬರೋಬ್ಬರಿ 124 ತೆಂಗಿನಕಾಯಿಗಳನ್ನು ಒಡೆದು ವಿಶ್ವ ದಾಖಲೆಯನ್ನೇ ನಿರ್ಮಾಣ ಮಾಡಿದ್ದಾನೆ.
ಕೇರಳ ರಸ್ತೆ ಸಾರಿಗೆ ನಿಗಮದ ಉದ್ಯೋಗಿಯಾಗಿರುವ ಕೇರಳದ ಪೂಂಜಾರ್ನ ಪಿ. ಡೊಮಾನಿಕ್ ಈ ಸಾಧನೆ ಮಾಡಿದಾತ. ತ್ರಿಶ್ಶೂರಿನ ಶೋಭಾ ಸಿಟಿ ಮಾಲ್ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಈತ 124 ತೆಂಗಿನಕಾಯಿಗಳನ್ನು ನೋಡನೋಡುತ್ತಿದ್ದಂತೆ ಪುಡಿ ಮಾಡಿದ್ದಾನೆ.
ನಿಮಿಷಕ್ಕೆ 118 ತೆಂಗಿನಕಾಯಿಯನ್ನು ಬರಿಗೈಯಿಂದ ಒಡೆದು ಜರ್ಮನಿಯ ಮುಹಮದ್ ಕಹ್ರಮಾನೋವಿಕ್ ಎಂಬಾತ ಗಿನ್ನೆಸ್ ದಾಖಲೆ ನಿರ್ಮಿಸಿದ್ದ. ಅದನ್ನು ಕೇರಳದ ಡೊಮಾನಿಕ್ ಮುರಿದಿದ್ದಾರೆ. ಗಿನ್ನೆಸ್ ಪುಸ್ತಕದಲ್ಲಿ ಆರು ತಿಂಗಳೊಳಗೆ ಡೊಮಾನಿಕ್ ಹೆಸರು ಸೇರ್ಪಡೆಯಾಗಲಿದೆ ಎಂದು ವರದಿಗಳು ತಿಳಿಸಿವೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.