(ವಿಡಿಯೋ)ಸಿಸಿಟಿವಿಯಲ್ಲಿ ಸೆರೆಯಾಯ್ತು ನಟಿ ಪಾರೂಲ್ ಮೇಲೆ ಬೀದಿ ನಾಯಿಗಳು ನಡೆಸಿದ ದಾಳಿಯ ದೃಶ್ಯ

ಗೋವಿಂದಾಯ ನಮಃ ಸಿನಿಮಾ ಖ್ಯಾತಿಯ ಪಾರೂಲ್ ಯಾದವ್  ಮೇಲೆ ಬೀದಿ ನಾಯಿಗಳು ದಾಳಿ ನಡೆಸಿದ್ದು  ಹಳೆಯ ಸುದ್ದಿ. ಇದೀಗ ಆ ದಾಳಿಯ ದೃಶ್ಯಾವಳಿ ಸುವರ್ಣನ್ಯೂಸ್​ಗೆ ಲಭಿಸಿದೆ.

ಮುಂಬೈ(ಜ.30): ಗೋವಿಂದಾಯ ನಮಃ ಸಿನಿಮಾ ಖ್ಯಾತಿಯ ಪಾರೂಲ್ ಯಾದವ್  ಮೇಲೆ ಬೀದಿ ನಾಯಿಗಳು ದಾಳಿ ನಡೆಸಿದ್ದು  ಹಳೆಯ ಸುದ್ದಿ. ಇದೀಗ ಆ ದಾಳಿಯ ದೃಶ್ಯಾವಳಿ ಸುವರ್ಣನ್ಯೂಸ್​ಗೆ ಲಭಿಸಿದೆ.

ದಿನಾಂಕ:  23-1-2016, ಸಮಯ: ಸಂಜೆ 5.30, ಸ್ಥಳ : ಜೋಗೇಶ್ವರಿ ರಸ್ತೆ, ಮುಂಬೈ

ಸರಿಯಾಗಿ  ಒಂದು ವಾರದ ಹಿಂದೆ  ನಟಿ ಪಾರೂಲ್​ ಯಾದವ್​  ಮೇಲೆ ಬೀದಿ ನಾಯಿಗಳು ದಾಳಿ ನಡೆಸಿದ್ದವು. ಮುಂಬೈನ  ಜೋಗೇಶ್ವರಿ ಅಪಾರ್ಟ್​'ಮೆಂಟ್​ ಬಳಿ ತಮ್ಮ ಸಾಕು ನಾಯಿಯೊಂದಿಗೆ ವಾಕಿಂಗ್​'ಗೆ ಹೋಗುವಾಗ  ಬೀದಿ ನಾಯಿಗಳು ಏಕಾಏಕಿ ದಾಳಿ ನಡೆಸಿದ ಪಾರೂಲ್​'ಳ  ಕಾಲು, ಕೈ ಹಾಗೂ  ತಲೆ ಭಾಗಕ್ಕೆ   ಕಚ್ಚಿತ್ತು.

ಕೂಡಲೇ  ಪಾರೂಲ್​'ಳನ್ನು  ಮುಂಬೈನ ಕೋಕಿಲಾ ಬೇನ್ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಘಟನೆ ನಡೆದು ಒಂದು ವಾರದ ಬಳಿಕ ಸುವರ್ಣನ್ಯೂಸ್'​ಗೆ  ಘಟನೆಯ ಸಿಸಿಟಿವಿ ದೃಶ್ಯಾವಳಿಗಳು ಲಭಿಸಿವೆ. ಜನವರಿ 23ರ ಸಂಜೆ  5.30ರ ಸುಮಾರಿಗೆ ತಮ್ಮ ನಾಯಿ ಜೊತೆ ವಾಕ್​ ಮಾಡುತ್ತಿದ್ದ ಪಾರೂಲ್​ ಕಡೆ  ಮೂರ್ನಾಲ್ಕು ಬೀದಿ ನಾಯಿಗಳು ನುಗ್ಗಿ ಏಕಾಏಕಿ ದಾಳಿ ನಡೆಸಿವೆ.

ನಾಯಿಯೊಂದಿಗೆ ನೆಲಕ್ಕೆ ಬಿದ್ದ  ಪಾರೂಲ್​ ಮೇಲೆ ನಾಯಿಗಳು ದಾಳಿ ನಡೆಸಿವೆ. ಕೂಡಲೇ ಅಪಾರ್ಟ್​ಮೆಂಟ್​ ನಿವಾಸಿಗಳು ನಾಯಿಗಳನ್ನು ಓಡಿಬಂದು ನಾಯಿಗಳನ್ನು  ಓಡಿಸಿದ್ದಾರೆ.  ಈ ಎಲ್ಲಾ  ಘಟನೆಗಳು ಅಪಾರ್ಟ್​ಮೆಂಟ್​ನ ಸಿಸಿಟಿವಿ ಕ್ಯಾಮೆರಾದಲ್ಲಿ  ಸೆರೆಯಾಗಿದೆ.