36-24-26 ಮಹಿಳೆಯರ ಫರ್ಫೆಕ್ಟ್ ಶೇಪ್! ವೈರಲ್ ಆಯ್ತು ಸಿಬಿಎಸ್ಇ ಪುಸ್ತಕ

36-24-36 ದೇಹದ ಅಳತೆ ಇದ್ದರೆ ಅದು ಮಹಿಳೆಯರ ದೇಹದ ಫರ್ಫೆಕ್ಟ್ ಶೇಪ್ ಎಂದು ದ್ವಿತೀಯ ಪಿಯುಸಿ ಸಿಬಿಎಸ್ ಸಿ ದೈಹಿಕ ಶಿಕ್ಷಣ ಪುಸ್ತಕದಲ್ಲಿ ಉಲ್ಲೇಖಿಸಲಾಗಿದ್ದು, ಇದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.  

ನವದೆಹಲಿ (ಏ.12): 36-24-36 ದೇಹದ ಅಳತೆ ಇದ್ದರೆ ಅದು ಮಹಿಳೆಯರ ದೇಹದ ಫರ್ಫೆಕ್ಟ್ ಶೇಪ್ ಎಂದು ದ್ವಿತೀಯ ಪಿಯುಸಿ ಸಿಬಿಎಸ್ಇ ದೈಹಿಕ ಶಿಕ್ಷಣ ಪುಸ್ತಕದಲ್ಲಿ ಉಲ್ಲೇಖಿಸಲಾಗಿದ್ದು, ಇದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.  

ಈ ಪುಸ್ತಕವನ್ನು ಹಿಂತೆಗೆದುಕೊಳ್ಳಬೇಕು ಎನ್ನುವ ಒತ್ತಾಯ ಕೂಡಾ ಕೇಳಿ ಬರುತ್ತಿದೆ. ಡಾ.ವಿ.ಕೆ ಶರ್ಮಾ ಬರೆದಿರುವ ಹೆಲ್ತ್ ಅಂಡ್ ಫಿಸಿಕಲ್ ಎಜುಕೇಶನ್ ಎನ್ನುವ ಪುಸ್ತಕದಲ್ಲಿ ಸಿಬಿಎಸ್ಇ ಪುಸ್ತಕದಲ್ಲಿ ಈ ಅಂಶವನ್ನು ಸೇರಿಸಲಾಗಿದೆ.

36-24-36 ದೇಹದ ಅಳತೆ ಹೊಂದಿರುವ ಮಹಿಳೆಯನ್ನು ಫರ್ಫೆಕ್ಟ್ ಎಂದು ಪರಿಗಣಿಸಲಾಗುತ್ತದೆ. ಹಾಗಾಗಿಯೇ ಮಿಸ್ ವರ್ಡ್, ಮಿಸ್ ಯೂನಿವರ್ಸ್ ಸ್ಪರ್ಧೆಗಳಲ್ಲಿ 36-24-36 ಶೇಪನ್ನು ಹೊಂದಿರುವ ಮಹಿಳೆಯರನ್ನು ಪರಿಗಣಿಸಲಾಗುತ್ತದೆ ಎಂದು ಆ ಪುಸ್ತಕದ ಆಯ್ದ ಭಾಗಗಳಲ್ಲಿ ಹೇಳಲಾಗಿದೆ. ಇದು ಈಗ ವೈರಲ್ ಆಗಿದೆ.

ಸಾಮಾಜಿಕ ಜಾಲತಾಣಿಗರು ಇದನ್ನು ಶೇರ್ ಮಾಡಿದ್ದು ಪ್ರಕಾಶಕರು ಈ ಅಂಶವನ್ನು ಹಿಂತೆಗೆದುಕೊಳ್ಳಬೇಕು ಹಾಗೂ ಶಾಲಾ ಪಠ್ಯಕ್ರಮವನ್ನು ಬದಲಾಯಿಸಬೇಕು ಎಂದು ಒತ್ತಾಯಿಸಿದ್ದಾರೆ.