10 ರು. ನಾಣ್ಯವನ್ನು ನಿರಾಕರಿಸಿದ್ರೆ ಎಚ್ಚರ. ನಿಮಗೂ ಬೀಳುತ್ತೆ ದಂಡ. 10 ರು ನಿರಾಕರಿಸಿ ನೀವು ಅದಕ್ಕೂ 10 ಪಟ್ಟು ಕಳೆದುಕೊಳ್ಳಬಹುದು. ಮಧ್ಯ ಪ್ರದೇಶದಲ್ಲಿ ಓರ್ವ ಅಂಗಡಿ ಮಾಲಿಕ 10 ರು ನಾಣ್ಯ ನಿರಾಕರಿಸಿದ್ದು ಆತನಿಗೆ 200ರು. ದಂಡ ವಿಧಿಸಲಾಗಿದೆ.
ಮಧ್ಯಪ್ರದೇಶ : ಮಧ್ಯಪ್ರದೇಶದ ಗ್ರಾಹಕರಿಂದ 10 ರು. ಮೌಲ್ಯದ ನಾಣ್ಯ ಸ್ವೀಕರಿಸಲು ನಿರಾಕರಿಸಿದ ಅಂಗಡಿ ಮಾಲೀಕರೊಬ್ಬರಿಗೆ 200 ರು. ದಂಡ ವಿಧಿಸಲಾಗಿದೆ.
ಈ ಬಗ್ಗೆ ವಿಚಾರಣೆ ನಡೆಸಿದ ಮೊರೆನಾ ಜಿಲ್ಲೆಯ ನ್ಯಾಯಾಲಯ, ಅಂಗಡಿ ಮಾಲೀಕ ಅರುಣ್ ಜೈನ್‌ಗೆ ಈ ಶಿಕ್ಷೆ ವಿಧಿಸಿದೆ. 2017 ರ ಅಕ್ಟೋಬರ್‌ನಲ್ಲಿ ಜೈನ್ ಅವರ ಅಂಗಡಿಗೆ ಆಗಮಿಸಿದ್ದ ಆಕಾಶ್ ಎಂಬಾತ, ಎರಡು ಕರವಸ್ತ್ರಗಳ ಖರೀದಿಗಾಗಿ 10 ರುಪಾಯಿಯ ಎರಡು ನಾಣ್ಯಗಳನ್ನು ನೀಡಿದ್ದರು.
ಆದರೆ, 10 ರು. ನಾಣ್ಯಗಳನ್ನು ಸ್ವೀಕರಿಸಿರಲಿಲ್ಲ. ಈ ಸಂಬಂಧ ಆಕಾಶ್ ದೂರು ದಾಖಲಿಸಿದ್ದರು.