ತೀರ್ಥಹಳ್ಳಿ: ರಸ್ತೆಯಿಂದ ಮನೆ ಮಾಡಿಗೆ ಜಿಗಿದ ಕಾರು

ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ ಮುಗುಳುನಗೆ ಚಿತ್ರದಲ್ಲಿ ದೃಶ್ಯವೊಂದಿದೆ. ಗಣೇಶ್ ಪ್ರಯಾಣಿಸುತ್ತಿದ್ದ ಕಾರು ಮನೆಯ ಹಂಚಿನ ಮಾಡಿನ ಮೇಲೆ ಹೋಗಿ ಲ್ಯಾಂಡ್ ಆಗುತ್ತದೆ. ಅದೇ ತೆರನಾದ ನೈಜ ಘಟನೆ ತೀರ್ಥಹಳ್ಳಿಯಲ್ಲಿ ನಡೆದಿದೆ.

ತೀರ್ಥಹಳ್ಳಿ[ಮೇ. 28]  ತೀರ್ಥಹಳ್ಳಿ-ಶಿವಮೊಗ್ಗ ರಾಷ್ಟ್ರೀಯ ಹೆದ್ದಾರಿಯ ಕುಡುಮಲ್ಲಿಗೆ ಸಮೀಪದ ಬಾಳಗಾರು ಬಳಿ ಕಾರೊಂದು ರಸ್ತೆಯಿಂದ ಮನೆ ಮೇಲೆ ಹಾರಿ ನಿಂತಿದೆ.

ಮುಡುಬ ಬಳಿಯ ಉಳ್ಳೋಡಿ ಬಸ್ ಸ್ಟಾಪ್ ಹತ್ತಿರವಿರುವ ಮನೆಯೊಂದರ ಮಾಡಿನ ಮೇಲೆ ಕಾರೊಂದು ಅಪ್ಪಳಿಸಿ ನಿಂತಿದೆ. ಈ ಕಾರು ತೀರ್ಥಹಳ್ಳಿ ಕಡೆಯಿಂದ ಶಿವಮೊಗ್ಗಕ್ಕೆ ತೆರಳುತ್ತಿತ್ತು. ಈ ವೇಳೆ ಚಾಲಕನ ನಿಯಂತ್ರಣದ ತಪ್ಪಿದ ಕಾರು ಮನೆಗೆ ಹಾರಿ ಕಂಬದ ಮೇಲಿಂದ ನೇತು ಹಾಕಿಕೊಂಡಂತೆ ಸಿಲುಕಿದೆ. ಮನೆಯ ಮುಂದೆ ಯಾರೂ ಇಲ್ಲದಿದ್ದರಿಂದ ಅಪಾಯ ಆಗಿಲ್ಲ.

ಅದೃಷ್ಟವಶಾತ್ ಕಾರಿನಲ್ಲಿದ್ದವರಿಗೂ ಕೂಡ ಯಾವುದೇ ಗಂಭೀರ ಗಾಯವಾಗಿಲ್ಲ.  ಕಾರು ಮೇಲಿನಿಂದ ಹಾರಿಬಿದ್ದ ರಭಸಕ್ಕೆ ಹಂಚಿನ ಮಾಡು, ಕಾಂಪೌಂಡ್, ಗೇಟು ಹಾನಿಗೊಂಡಿದೆ.