ಬ್ರಿಟನ್ ರಾಜಕುಟುಂಬ ಏಪ್ರಿಲ್‌ನಲ್ಲಿ ಮಗುವನ್ನು ನಿರೀಕ್ಷಿಸುತ್ತಿದೆ. ಈ ಮಗು ಹೆಣ್ಣಾದಲ್ಲಿ ಈಗಾಗಲೇ ಹೆಸರನ್ನೂ ಕೂಡ ನಿರ್ಧರಿಸಲಾಗಿದೆ.
ಲಂಡನ್: ಬ್ರಿಟನ್‌ನ ಯುವರಾಜ ಹ್ಯಾರಿ ಮತ್ತು ಮೇಘನ್ ಮಾರ್ಕೆಲ್ ದಂಪತಿ ತಮ್ಮ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಬ್ರಿಟನ್ ರಾಜಕುಟುಂಬ ಏಪ್ರಿಲ್‌ನಲ್ಲಿ ಮಗುವನ್ನು ನಿರೀಕ್ಷಿಸುತ್ತಿದೆ.
ಈಗ ಜನಿಸುವ ಮಗುವಿನ ಲಿಂಗ ಮತ್ತು ಹೆಸರು ಅಂದಾಜಿಸುವುದು ವಾಡಿಕೆಯಾಗಿದೆ. ಮೇಘನ್ ಮತ್ತು ಹ್ಯಾರಿ ದಂಪತಿಗೆ ಹೆಣ್ಣು ಮಗು ಜನಿಸಲಿದೆ ಎಂದು ಹೆಚ್ಚಿನ ಮಂದಿ ಅಂದಾಜಿಸಿದ್ದಾರೆ.
ಒಂದು ವೇಳೆ ಹೆಣ್ಣು ಮಗುವೇ ಜನಿಸಿದರೆ ಅಜ್ಜಿ ಡಯಾನಾ ಹೆಸರಿಡಲು ಮೇಘ ನ್ ಮತ್ತು ಹ್ಯಾರಿ ಚಿಂತನೆ ನಡೆಸಿದ್ದಾರೆ. ಉಳಿದಂತೆ ಹ್ಯಾರಿಯ ಮುತ್ತಜ್ಜಿ ವಿಕ್ಟೋರಿಯಾ, ಆ್ಯಲಿಸ್, ಅಲೆಕ್ಸಾಂ ಡ್ರಿಯಾ, ಎಲಿಜಬೆತ್ ಮತ್ತು ಗ್ರೇಸ್ ಹೆಸರು ಕೇಳಿಬರುತ್ತಿದೆ.