ವೋಲ್ವೋ ಬಸ್ಸುಗಳನ್ನು ಗುಜರಿಗೆ ಹಾಕಿರುವ ಬಿಎಂಟಿಸಿ!
ಸಾರಾಂಶ
ಬೆಂಗಳೂರು (ಏ.15): ಬೆಂಗಳೂರಿಗರ ಜೀವನಾಡಿಯಾಗಿರುವ ಬಿಎಂಟಿಸಿ ಸಂಸ್ಥೆ ಲಕ್ಷ ಲಕ್ಷ ಕೊಟ್ಟು ಖರೀದಿ ಮಾಡಲಾಗಿರುವ ವೋಲ್ವೋ ಬಸ್’ಗಳನ್ನು ಗುಜರಿಗೆ ಹಾಕಿದೆ.
ಸುಮಾರು ಐವತ್ತಕ್ಕೂ ಹೆಚ್ಚು ವೋಲ್ವೋ ಬಸ್’ಗಳು ರಸ್ತೆಗೆ ಇಳಿಯದೆ ನಿಂತ ಜಾಗದಲ್ಲೇ ನಿಂತು ಗುಜುರಿಗೆ ಸೇರಿವೆ.
ಮೆಜೆಸ್ಟಿಕ್’ನ ಡಿಪೋ ನಂಬರ್ 7 ರಲ್ಲಿ 95 ಲಕ್ಷ ರೂಪಾಯಿ ಕೊಟ್ಟು ಖರೀದಿ ಮಾಡಿರುವ ವೋಲ್ವೋ ಬಸ್’ಗಳು ಚಾಲ್ತಿಯಲ್ಲಿ ಇಲ್ಲದೇ ಕಳೆದ ಒಂದು ವರ್ಷದಿಂದ ರಿಪೇರಿನೂ ಆಗದೆ ನಿಂತಲ್ಲೇ ನಿಂತಿವೆ.
ಹೀಗಿರುವಾಗಲೇ ಬಿಎಂಟಿಸಿ ಸಂಸ್ಥೆ ಮತ್ತೆ ಹೊಸ ಬಸ್’ಗಳನ್ನ ಖರೀದಿ ಮಾಡಲು ಮುಂದಾಗಿದೆ. ಇರುವ ಬಸ್’ಗಳನ್ನ ರಿಪೇರಿಮಾಡದೆ, ಹೊಸ ವೋಲ್ವೋ ಬಸ್ಗಳನ್ನು ಖರೀದಿ ಮಾಡಲು ಬಿಎಂಟಿಸಿ ಸಂಸ್ಥೆ, ತುದಿಕಾಲಲ್ಲಿ ನಿಂತಿದೆ.
ಯಾರದೋ ದುಡ್ಡು ಎಲ್ಲಮ್ಮನ ಜಾತ್ರೆ ಅನ್ನುವ ಹಾಗೆ ಬಿಎಂಟಿಸಿ ಸಂಸ್ಥೆ ಸಾರ್ವಜನಿಕರ ಹಣವನ್ನು ಈ ರೀತಿ ಹಾಳು ಮಾಡುತ್ತಿದೆ. ಈ ಬಗ್ಗೆ ಬಿಎಂಟಿಸಿ ಅಧ್ಯಕ್ಷರನ್ನು ಕೇಳಿದಾಗ, ನಾನು ಬಂದ ಮೇಲೆ ಅರ್ಧದಷ್ಟು ಬಸ್’ಗಳನ್ನು ರಿಪೇರಿ ಮಾಡಿಸಿದ್ದೇನೆ. ಉಳಿದ ಬಸ್’ಗಳನ್ನ ರಿಪೇರಿ ಮಾಡದೇ ವೊಲ್ವೋ ಕಂಪನಿಯವರು ಸಬೂಬು ಹೇಳುತ್ತಿದ್ದಾರೆ ಎಂದು ಆರೋಪಿಸಿದ್ದಾರೆ.
(ಸಾಂದರ್ಭಿಕ ಚಿತ್ರ)
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.