ಕಾಂಗ್ರೆಸ್ ಈ ಹೆಜ್ಜೆ ಇಟ್ಟರೆ ಬಿಜೆಪಿಗೆ ಕೇವಲ 5 ಸೀಟು!: ಸಮೀಕ್ಷೆ ಬಿಚ್ಚಿಟ್ಟ ಸಂಗತಿ

ಲೋಕಸಭಾ ಚುನಾವಣೆಗೆ ಸಂಬಂಧಿಸಿದಂತೆ ಸಮೀಕ್ಷೆಯೊಂದು ನಡೆದಿದೆ. ಇದರ ಅನುಸಾರ ಕಾಂಗ್ರೆಸ್ ಒಂದು ವೇಳೆ 2019ರ ಚುನಾವಣೆಯಲ್ಲಿ ಒಂದು ನಿರ್ಧಾರ ತೆಗೆದುಕೊಂಡರೆ ಬಿಜೆಪಿಗೆ ಹೊಡೆತ ತಪ್ಪಿದ್ದಲ್ಲ ಎನ್ನಲಾಗಿದೆ. ಅಷ್ಟಕ್ಕೂ ಆ ಹೆಜ್ಜೆ ಯಾವುದು? ಇಲ್ಲಿದೆ ವಿವರ

ನವದೆಹಲಿ[ಜ.24]: ಕಾಂಗ್ರೆಸ್‌ ಪ್ರಧಾನ ಕಾರ್ಯದರ್ಶಿಯಾಗಿ ಪ್ರಿಯಾಂಕಾ ವಾದ್ರಾ ನೇಮಕವಾದ ದಿನವೇ, ತಕ್ಷಣಕ್ಕೆ ಉತ್ತರಪ್ರದೇಶದಲ್ಲಿ ಲೋಕಸಭಾ ಚುನಾವಣೆ ನಡೆದರೆ ಏನಾಗಬಹುದು ಎಂದು ಸಮೀಕ್ಷೆಯೊಂದನ್ನು ನಡೆಸಲಾಗಿದೆ. ಇಂಡಿಯಾ ಟುಡೇ ಮತ್ತು ಕಾರ್ವಿ ಈ ಸಮೀಕ್ಷೆ ನಡೆಸಿವೆ.

ಸಮೀಕ್ಷೆ ಅನ್ವಯ, ತಕ್ಷಣಕ್ಕೆ ಚುನಾವಣೆ ನಡೆದರೆ ಬಿಎಸ್‌ಪಿ- ಎಸ್‌ಪಿ ಮೈತ್ರಿಕೂಟ 58 ಸ್ಥಾನ ಗೆಲ್ಲಲಿದೆ. ಇನ್ನು ಕಳೆದ ಬಾರಿ 73 ಸೀಟು ಗೆದ್ದಿದ್ದ ಎನ್‌ಡಿಎ ಮೈತ್ರಿಕೂಟ 18 ಸ್ಥಾನಕ್ಕೆ ತೃಪ್ತಿಪಟ್ಟುಕೊಳ್ಳಬೇಕಾಗಿ ಬರಲಿದೆ. ಒಂದು ವೇಳೆ ಎಸ್‌ಪಿ- ಬಿಎಸ್‌ಪಿ- ಕಾಂಗ್ರೆಸ್‌- ಆರ್‌ಎಲ್‌ಡಿ ಮತ್ತು ಇತರೆ ಪಕ್ಷಗಳು ಒಂದಾಗಿ ಚುನಾವಣೆಗೆ ಸ್ಪರ್ಧಿಸಿದ್ದೇ ಆದಲ್ಲಿ ಅವರು ಭರ್ಜರಿ 75 ಸೀಟು ಗೆಲ್ಲಲಿವೆ. ಎನ್‌ಡಿಎ ಬಲ 73ರಿಂದ ಕೇವಲ 5ಕ್ಕೆ ಇಳಿಯಲಿದೆ.