ಹೇಗಾದ್ರೂ ಮನಸ್ಸು ಬಂತು ಈ ತಾಯಿಗೆ ಕಂದನ ಎಸೆಯಲು?

ಹೆಣ್ಣು ಮಗು ಬಿಟ್ಟು ಹೋದ ನಿಷ್ಕರುಣಿ ತಾಯಿ ಪೊದೆಯಲ್ಲಿ 15 ದಿನಗಳ ಹೆಣ್ಣು ಮಗು ಪತ್ತೆ ಆನೇಕಲ್ ನ ಜಿಗಳ ಕ್ರಾಸ್ ಬಳಿ ಮಗು ಪತ್ತೆ ಅಳುತ್ತಿದ್ದ ಕಂದಮ್ಮನನ್ನು ಗಮಿಸಿದ ದಾರಿಹೋಕರು ಮಗುವನ್ನು ಆಸ್ಪತ್ರೆಗೆ ದಾಖಲಿಸಿದ ಪೊಲೀಸರು

ಆನೇಕಲ್(ಜು.12): ತಾಯಿಯೊಬ್ಬಳು ತನ್ನ 15 ದಿನಗಳ ಹೆಣ್ಣು ಮಗುವನ್ನು ಮರದ ಕೆಳಗೆ ಇಟ್ಟು ಹೋದ ಘಟನೆ ಆನೇಕಲ್‌ನಲ್ಲಿ ನಡೆದಿದೆ.

ಆನೇಕಲ್ ತಾಲೂಕಿನ ಜಿಗಳ ಕ್ರಾಸ್ ಬಳಿ ಮರವೊಂದರ ಬಳಿ 15 ದಿನಗಳ ಹೆಣ್ಣು ಮಗು ಪತ್ತೆಯಾಗಿದ್ದು, ಮರದ ಪಕ್ಕದ ಪೊದೆಯಲ್ಲಿ ಅಳುತ್ತಿದ್ದ ಮಗುವನ್ನು ಸಾರ್ವಜನಿಕರು ಗಮನಿಸಿ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

ಪೊದೆಯಿಂದ ಮಗುವಿನ ಅಳುವಿನ ಶಬ್ದ ಕೇಳಿದ ದಾರಿಹೋಕರು ಕೂಡಲೇ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.  ಸುದ್ದಿ ತಿಳಿದ ಪೊಲೀಸರು ಕೂಡಲೇ ಸ್ಥಳಕ್ಕೆ ಧಾವಿಸಿ ಮಗುವನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ.

ಈ ಕುರಿತು ಅತ್ತಿಬೆಲೆ ಪೊಲೀಸ್ ರಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆಯನ್ನು ಮುಂದುವರೆಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ.