1962 ರ ಭಾರತಕ್ಕೂ 2017 ರ ಭಾರತಕ್ಕೂ ವ್ಯತ್ಯಾಸವಿದೆ: ಜೇಟ್ಲಿ

1962 ರಲ್ಲಿದ್ದ ಭಾರತಕ್ಕೂ  2017 ರಲ್ಲಿರುವ ಭಾರತಕ್ಕೂ ಬಹಳ ವ್ಯತ್ಯಾಸವಿದೆ ಎಂದು ರಕ್ಷಣಾ ಸಚಿವ ಅರುಣ್ ಜೇಟ್ಲಿ ಚೀನಾ ಹೇಳಿಕೆಗೆ ಪ್ರತ್ಯುತ್ತರ ನೀಡಿದ್ದಾರೆ.

ನವದೆಹಲಿ (ಜೂ.30): 1962 ರಲ್ಲಿದ್ದ ಭಾರತಕ್ಕೂ  2017 ರಲ್ಲಿರುವ ಭಾರತಕ್ಕೂ ಬಹಳ ವ್ಯತ್ಯಾಸವಿದೆ ಎಂದು ರಕ್ಷಣಾ ಸಚಿವ ಅರುಣ್ ಜೇಟ್ಲಿ ಚೀನಾ ಹೇಳಿಕೆಗೆ ಪ್ರತ್ಯುತ್ತರ ನೀಡಿದ್ದಾರೆ.

ಭಾರತ 1962 ರ ಯುದ್ಧದಿಂದ ಪಾಠ ಕಲಿತಂತಿಲ್ಲ. ಯುದ್ಧದ ಬಗ್ಗೆ ಮಾತನಾಡುವ ಮುನ್ನ ಇತಿಹಾಸದಿಂದ ಪಾಠ ಕಲಿತುಕೊಳ್ಳಲಿ ಎಂದು ಚೀನಾ ನಿನ್ನೆ ಹೇಳಿತ್ತು. ಇದಕ್ಕೆ ಪ್ರತಿಯಾಗಿ ರಕ್ಷಣಾ ಸಚಿವ ಅರುಣ್ ಜೇಟ್ಲಿ ಉತ್ತರಿಸಿದ್ದಾರೆ.

1962 ರ ಭಾರತದ ಸ್ಥಿತಿಯನ್ನು ನಮಗೆ ನೆನೆಪಿಸಲು ಚೀನಾ ಯತ್ನಿಸುತ್ತಿದೆ. ಆದರೆ ಈಗ ಕಾಲ ಬದಲಾಗಿದೆ. 2017 ರಲ್ಲಿ ಭಾರತದ ಸ್ಥಿತಿ ಅವತ್ತಿನಂತಿಲ್ಲ. ಭಿನ್ನವಾಗಿದೆ ಎಂದು ಅರುಣ್ ಜೇಟ್ಲಿ ಹೇಳಿದ್ದಾರೆ.

ಡಾಗ್ಲಾಂಗ್ ಪ್ರದೇಶದಿಂದ ಸೇನೆಯನ್ನು ಹಿಂತೆಗೆದುಕೊಳ್ಳದಿದ್ದರೆ ಉಭಯ ದೇಶಗಳ ನಡುವಿನ ಗಡಿ ವಿವಾದವನ್ನು ಇನ್ನಷ್ಟು ದೊಡ್ಡದಾಗಿಸುತ್ತೇವೆ ಎಂದು ಚೀನಾ ಭಾರತಕ್ಕೆ ಎಚ್ಚರಿಕೆ ನೀಡಿದೆ.

ನಮ್ಮ ನೆಲದಲ್ಲಿ ಚೀನಾ ಹಕ್ಕು ಸಾಧಿಸಲು ಹೊರಟಿದೆ. ಇದು ಸರಿಯಲ್ಲ ಎಂದು ಭೂತಾನ್ ಸರ್ಕಾರ ಸ್ಪಷ್ಟವಾಗಿ ಹೇಳಿದೆ. ಭೂತಾನ್ ಹೇಳಿಕೆಯ ನಂತರ ಅರುಣ್ ಜೇಟ್ಲಿ, ಇದು ಭೂತಾನಿನ ಪ್ರದೇಶ. ಭಾರತದ ಗಡಿ ಭಾಗಕ್ಕೆ ಸನಿಹದಲ್ಲಿದೆ. ಹಾಗಾಗು ಭಾರತ-ಭೂತಾನ್ ಸೇರಿ ಭದ್ರತೆ ಒದಗಿಸಲು ವ್ಯವಸ್ಥೆ ಮಾಡಲಾಗಿದೆ ಎಂದು ಜೇಟ್ಲಿ ಹೇಳಿದ್ದಾರೆ.