ಹಫೀಜ್ ಬಿಡುಗಡೆ : ಪಾಕ್ಗೆ ಎಚ್ಚರಿಕೆ ನೀಡಿದ ಅಮೆರಿಕಾ

ಆತ ಜಾಗತಿಕ ಉಗ್ರ ಎಂದು ಘೋಷಿಸಬೇಕು ಎಂದು ಕಟ್ಟುನಿಟ್ಟಿನ ಸೂಚನೆ ನೀಡಿದೆ.

26/11ರ ಮುಂಬೈ ದಾಳಿ ಮಾಸ್ಟರ್​ ಮೈಂಡ್​  ಉಗ್ರ ಹಫೀಜ್​ ಸಯೀದ್​ನನ್ನು ಕುತಂತ್ರದಿಂದ ಗೃಹ ಬಂಧನದಿಂದ ಮುಕ್ತಿಗೊಳಿಸಿದ್ದ ಪಾಕ್​ಗೆ ಅಮೆರಿಕಾ ಎಚ್ಚರಿಕೆ ನೀಡಿದೆ.

ಸಯೀದ್​ನನ್ನು ಗೃಹ ಬಂಧನದಿಂದ ಮುಕ್ತಿ ಮಾಡಬೇಡಿ. ಆತನ ವಿರುದ್ಧ ಕೇಸ್​ ದಾಖಲಿಸಿ, ಬಂಧನದಲ್ಲಿಡಬೇಕು  ಎಂದು ಅಮೆರಿಕಾ ಸರ್ಕಾರ ಪಾಕಿಸ್ತಾನಕ್ಕೆ ಸೂಚನೆ ನೀಡಿದೆ. ಅಲ್ಲದೇ ಆತನ ವಿರುದ್ಧ ದಾಖಲೆ ಸಂಗ್ರಹಿಸಬೇಕು. ಆತ ಜಾಗತಿಕ ಉಗ್ರ ಎಂದು ಘೋಷಿಸಬೇಕು ಎಂದು ಕಟ್ಟುನಿಟ್ಟಿನ ಸೂಚನೆ ನೀಡಿದೆ. ಬಿಡುಗಡೆಯಾದ ಮರುದಿನವೇ ಉಗ್ರ ಹಫೀಜ್​ ಭಾರತದ ವಿರುದ್ಧ ಜಿಹಾದ್ ಮುಂದುವರಿಯಲಿದೇ ಎಂದು ಸೊಕ್ಕು ಪ್ರದರ್ಶಿಸಿದ್ದ. ಜನವರಿಯಿಂದ ಹಫೀಜ್​ಗೆ ವಿಧಿಸಿದ್ದ ಗೃಹ ಬಂಧನವನ್ನು ಸೂಕ್ತ ಸಾಕ್ಷ್ಯಾಧಾರಗಳಿಲ್ಲ ಎಂದು ಪಾಕ್​ನ ಲಾಹೋರ್ ಹೈಕೋರ್ಟ್​ ಗೃಹ ಬಂಧನದಿಂದ ಮುಕ್ತಿ ನೀಡಿತ್ತು.