ಅಕ್ಟೋಬರ್'ನಿಂದ ನಿತ್ಯ 3 ಲಕ್ಷ ಪ್ರಯಾಣಿಕರನ್ನು ಕಳೆದುಕೊಂಡ ದೆಹಲಿ ಮೆಟ್ರೋ

ದೆಹಲಿ ಮೊಟ್ರೋದಲ್ಲಿ 2 ಕಿ.ಮೀ ವರೆಗೂ ರೂ.10, 2ರಿಂದ 5 ಕಿ.ಮೀಗೆ 20, 5ರಿಂದ12ಕ್ಕೆ 30 ರೂ. 12 ರಿಂದ 21ರವರೆಗೆ ರೂ.40 21ರಿಂದ 32 ಕಿ.ಮೀ ರೂ. 50 ದರವಿದೆ.

ನವದೆಹಲಿ(ನ.24): ಅಕ್ಟೋಬರ್'ನಲ್ಲಿ ಪ್ರಯಾಣ ದರ ಏರಿಸಿದ ಕಾರಣ ದೆಹಲಿ ಮೆಟ್ರೋ ನಿತ್ಯ 3 ಲಕ್ಷ ಪ್ರಯಾಣಿಕರನ್ನು ಕಳೆದುಕೊಂಡಿದೆ.

ಕೆಲವು ತಿಂಗಳ ಹಿಂದೆ ದರ ಏರಿಕೆಯ ಪ್ರಸ್ತಾವನೆಯನ್ನು ಮುಂದಿಟ್ಟಾಗ ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರೀವಾಲ್ ಬಲವಾಗಿ ವಿರೋಧಿಸಿದ್ದರು. ಮೆಟ್ರೋ ದರ ಅಕ್ಟೋಬರ್ 10ರಿಂದ ಶೇ.20ರಿಂದ ಶೇ. 50ರವರೆಗೆ ಏರಿಕೆ ಕಂಡಿದ್ದು, ಕಳೆದ 5 ತಿಂಗಳಲ್ಲಿ ಶೇ.100 ಏರಿಕೆಯಾಗಿದೆ. ಇದರಿಂದಾಗಿ ಕಳೆದ ಒಂದು ತಿಂಗಳಲ್ಲಿ 27.4 ಲಕ್ಷ ಪ್ರಯಾಣಿಕರಿಂದ 24.2 ಲಕ್ಷಕ್ಕೆ ಇಳಿಕೆಯಾಗಿದ್ದಾರೆ.

ದೆಹಲಿ ಮೊಟ್ರೋದಲ್ಲಿ 2 ಕಿ.ಮೀ ವರೆಗೂ ರೂ.10, 2ರಿಂದ 5 ಕಿ.ಮೀಗೆ 20, 5ರಿಂದ12ಕ್ಕೆ 30 ರೂ. 12 ರಿಂದ 21ರವರೆಗೆ ರೂ.40, 21ರಿಂದ 32 ಕಿ.ಮೀ ರೂ. 50 ದರವಿದೆ.