15 ಕೈ ಅತೃಪ್ತರಿಗೆ ಬಿಜೆಪಿ ಗಾಳ : ಪಕ್ಷಾಂತರ ಮಾಡೋರ್ಯಾರು..?

ಕರ್ನಾಟಕದಲ್ಲಿ ಸಚಿವ ಸಂಪುಟ ವಿಸ್ತರಣೆಯಾದ ಬಳಿಕ ಅನೇಕ ಅತೃಪ್ತರ ಪಡೆ ಸೃಷ್ಟಿಯಾಯಿತು. ಅದರೀಗ 15 ಮಂದಿ ಕಾಂಗ್ರೆಸ್ ಅತೃಪ್ತರು ಪಕ್ಷದಿಂದ ಹೊರ ಬರಲು ಸಿದ್ಧವಾಗದ ಹೊರತು ಯಾರನ್ನೂ ಸಂಪರ್ಕಿಸಲ್ಲ ಎಂದು ಬಿಜೆಪಿ ರಾಷ್ಟ್ರಾಧ್ಯಕ್ಷ ಅಮಿತ್ ಶಾ ಹೇಳಿದ್ದಾರೆ. 

ಬೆಂಗ​ಳೂರು :  ಸಮ್ಮಿಶ್ರ ಸರ್ಕಾರದ ವಿರುದ್ಧ ಅಸ​ಮಾ​ಧಾನಗೊಂಡಿ​ರು​ವ​ವರ ಸಂಖ್ಯೆ 15 ದಾಟದೇ ಅಂತಹ ಯಾವುದೇ ಗುಂಪನ್ನು ತಾವು ಭೇಟಿ​ಯಾ​ಗು​ವು​ದಿಲ್ಲ ಮತ್ತು ಈ ಅತೃ​ಪ್ತ​ರಿಗೆ ಭರ​ವಸೆ ಅಥವಾ ಆಶ್ವಾ​ಸನೆ ಬೇಕಿ​ದ್ದರೆ ಮಹಾ​ರಾಷ್ಟ್ರ ಮುಖ್ಯ​ಮಂತ್ರಿ ದೇವೇಂದ್ರ ಫಡ್ನ​ವೀಸ್‌ ಭೇಟಿ​ಯಾ​ಗಲಿ.

ಹೀಗಂತ ಬಿಜೆಪಿ ಅಧ್ಯಕ್ಷ ಅಮಿತ್‌ ಶಾ ನೇರ ತಾಕೀತು ಮಾಡಿದ ಹಿನ್ನೆ​ಲೆ​ಯಲ್ಲಿ ಕಾಂಗ್ರೆ​ಸ್‌ನ ಅತೃಪ್ತ ಪಡೆಯ ನೇತಾ​ರ ರಮೇಶ್‌ ಜಾರ​ಕಿ​ಹೊಳಿ ನೇತೃ​ತ್ವದ ನಾಲ್ಕು ಮಂದಿ ಶಾಸ​ಕರ ಗುಂಪಿನ ಕಾಂಗ್ರೆ​ಸ್‌​ನಿಂದ ಹೊರ ಬೀಳುವ ಯೋಜನೆ ಸದ್ಯಕ್ಕೆ ಮುಂದಕ್ಕೆ ಹೋಗಿದೆ. ಹಾಗಂತ ಈ ಪ್ರಯತ್ನ ಸಂಪೂರ್ಣ ನಿಂತಿಲ್ಲ. ಒಳ​ಗೊ​ಳಗೆ ಅತೃಪ್ತ ಶಾಸ​ಕರ ಗುಂಪು 15ರ ಗಡಿ ದಾಟಿ​ಸುವ ಪ್ರಯ​ತ್ನ ನಡೆದೇ ಇದೆ ಎಂದು ಉನ್ನತ ಮೂಲ​ಗಳು ತಿಳಿ​ಸಿ​ವೆ.

ರಮೇಶ್‌ ಜಾರ​ಕಿ​ಹೊಳಿ, ನಾಗೇಂದ್ರ, ಶಂಕರ್‌ ಸೇರಿ​ದಂತೆ ನಾಲ್ಕು ಮಂದಿ ಶಾಸ​ಕರ ಗುಂಪು ಅಮಿತ್‌ ಶಾ ಭೇಟಿ​ಗೆ ಪಟ್ಟು ಹಿಡಿದು ದೆಹ​ಲಿ​ಯಲ್ಲಿ ಬೀಡು ಬಿಟ್ಟಿತ್ತು. ರಾಜ್ಯ ನಾಯ​ಕರ ಆಶ್ವಾ​ಸನೆ ಸಾಕಾ​ಗು​ವು​ದಿಲ್ಲ. ನೇರ​ವಾಗಿ ಅಮಿತ್‌ ಶಾ ಅವರೇ ರಂಗ ಪ್ರವೇಶ ಮಾಡಿ​ದರೆ ಮತ್ತಷ್ಟುಅತೃ​ಪ್ತರು ನಮ್ಮ ಜತೆ ಸೇರು​ತ್ತಾರೆ. ಈ ಸಂದೇಶ ರವಾ​ನಿ​ಸಲು ಅಮಿತ್‌ ಶಾ ಭೇಟಿ ಮಾಡಿ​ಸುವಂತೆ ಕಾಂಗ್ರೆಸ್‌ ಅತೃ​ಪ್ತರ ಗುಂಪು ರಾಜ್ಯ ಬಿಜೆ​ಪಿಯ ಉನ್ನತ ನಾಯ​ಕ​ರೊ​ಬ್ಬ​ರನ್ನು ಒತ್ತಾ​ಯಿ​ಸಿ​ದ್ದ​ರು.

ಈ ನಾಯ​ಕರು ವಿತ್ತ​ಸ​ಚಿವ ಅರು​ಣ್‌ ​ಜೇಟ್ಲಿ ಮೂಲಕ ಸದರಿ ವಿಚಾ​ರ​ವನ್ನು ಅಮಿ​ತ್‌ ಶಾ ಅವ​ರಿಗೆ ಮುಟ್ಟಿ​ಸಿ​ದಾಗ ಅಮಿತ್‌ ಶಾ ಇಂತ​ಹ​ದೊಂದು ತಾಕೀತು ಮಾಡಿ​ದರು ಎಂದು ಕಾಂಗ್ರೆ​ಸ್‌ನ ಅತೃಪ್ತ ಶಾಸ​ಕ​ರೊ​ಬ್ಬರ ಆಪ್ತ ಮೂಲ​ಗಳು ಹೇಳು​ತ್ತವೆ.

‘ಕಾಂಗ್ರೆ​ಸ್‌ನ ಅತೃಪ್ತ ಶಾಸ​ಕರು ಪಕ್ಷ ತೊರೆದು ಬಿಜೆ​ಪಿ​ಯತ್ತ ಧಾವಿ​ಸು​ತ್ತಾರೆ. ಇಂತಹವರ ಸಂಖ್ಯೆ 15ಕ್ಕೂ ಹೆಚ್ಚಿದೆ ಎಂದು ಹಲವು ತಿಂಗ​ಳು​ಗ​ಳಿಂದ ರಾಷ್ಟ್ರ​ಮ​ಟ್ಟ​ದಲ್ಲಿ ಸುದ್ದಿ​ಮಾ​ಡ​ಲಾ​ಗು​ತ್ತಿದೆ. ಆದರೆ, ಇಂತಹ ಸಂಖ್ಯೆ ಮುಟ್ಟಲು ಇನ್ನು ಸಾಧ್ಯ​ವಾ​ಗಿಲ್ಲ. ಇಂತಹ ಪರಿ​ಸ್ಥಿ​ತಿ​ಯಲ್ಲಿ ಕೇವಲ ನಾಲ್ಕು ಮಂದಿ​ಯನ್ನು ನನ್ನ ಮುಂದೆ ನಿಲ್ಲಿಸಿದರೆ ರಾಷ್ಟ್ರ ಮಟ್ಟ​ದಲ್ಲಿ ತಪ್ಪು ಸಂದೇಶ ರವಾನೆ ಮಾಡಿ​ದಂತೆ ಆಗು​ತ್ತದೆ. ಹೀಗಾಗಿ ಇಂತಹ ಯಾವುದೇ ಭೇಟಿಯೂ ಸಾಧ್ಯ​ವಿಲ್ಲ. ಆದರೆ, ಉನ್ನತ ನಾಯ​ಕ​ರೊ​ಬ್ಬರ ಭೇಟಿ ಹಾಗೂ ಆಶ್ವಾ​ಸನೆ ಪಡೆ​ಯುವ ಮೂಲಕ ಬೇಲಿ ಮೇಲೆ ಕುಳಿ​ತಿ​ರುವ ಕಾಂಗ್ರೆಸ್‌ ಹಾಗೂ ಜೆಡಿ​ಎ​ಸ್‌ನ ಶಾಸ​ಕ​ರಿಗೆ ಸಂದೇಶ ರವಾನೆ ಮಾಡುವ ಉದ್ದೇ​ಶ​ವಿ​ದ್ದರೆ, ಮಹಾ​ರಾಷ್ಟ್ರ ಮುಖ್ಯಮಂತ್ರಿ ಫಡ್ನ​ವೀಸ್‌ ಅವ​ರನ್ನು ಇಂತಹ ಶಾಸ​ಕರ ಗುಂಪು (ಅದು ಕೂಡ ಈ ಗುಂಪಿನ ಸಂಖ್ಯೆ ಸಾಕಷ್ಟುಉತ್ತ​ಮ​ಗೊಂಡಾಗ) ಭೇಟಿ ಮಾಡಲಿ. ಇದಾ​ಗದ ಹೊರತು ನೇರ ಭೇಟಿ ಈ ಹಂತ​ದಲ್ಲಿ ಸಾಧ್ಯವೇ ಇಲ್ಲ’ ಎಂದು ಶಾ ಸ್ಪಷ್ಟ​ವಾಗಿ ತಿಳಿ​ಸಿ​ದ್ದಾರೆ ಎನ್ನ​ಲಾ​ಗಿ​ದೆ.

ಈ ಹಿನ್ನೆ​ಲೆ​ಯಲ್ಲಿ ಅಮಿತ್‌ ಶಾ ಭೇಟಿ ಮಾಡಿ ಅವ​ರಿಂದ ಖಚಿತ ಆಶ್ವಾ​ಸನೆ ಪಡೆದು ರಾಜೀ​ನಾ​ಮೆಗೆ ಮುಂದಾ​ಗಿದ್ದ ಕಾಂಗ್ರೆಸ್‌ ಅತೃ​ಪ್ತರ ಸಣ್ಣ ಗುಂಪು ತಮ್ಮ ಉದ್ದೇಶ ಈಡೇ​ರದೇ ರಾಜ್ಯಕ್ಕೆ ಹಿಂತಿ​ರು​ಗಿದೆ. ಆದರೆ, ಅತೃ​ಪ್ತರ ಈ ತಂಡ ಸುಮ್ಮ​ನಾ​ಗಿಲ್ಲ. ಬದ​ಲಾಗಿ ತಮ್ಮ ಗುಂಪಿನ ಸಂಖ್ಯೆ​ಯನ್ನು ಹೆಚ್ಚಿ​ಸುವ ಪ್ರಯ​ತ್ನ​ ನಡೆ​ಸಿದೆ ಎಂದು ತಿಳಿ​ದು​ ಬಂದಿ​ದೆ.