'ಗೃಹ'ದೊಳಗೆ ಬಂದ ಚಾಣಕ್ಯ: ಆಂತರಿಕ ಭದ್ರತೆಗೆ ಇವರೇ ಮಾಣಿಕ್ಯ!

ಗೃಹ ಸಚಿವರಾಗಿ ಅಧಿಕಾರ ಸ್ವೀಕರಿಸಿದ ಅಮಿತ್ ಶಾ| ಸಂಸತ್ತಿನ ನಾರ್ಥ್ ಬ್ಲಾಕ್ ಕಚೇರಿಗೆ ಆಗಮನ| ಕಡತಗಳಿಗೆ ಸಹಿ ಹಾಕುವ ಮೂಲಕ ಅಧಿಕಾರ ಸ್ವೀಕಾರ| ಅಮಿತ್ ಶಾ ಸ್ವಾಗತಿಸಿದ ಗೃಹ ಇಲಾಖೆ ಕಾರ್ಯದರ್ಶಿ ರಾಜೀವ್ ಗೌಬಾ| ಗೃಹ ಇಲಾಖೆಗೆ ಹೊಸ ರೂಪ ನೀಡಲಿದ್ದಾರಾ ಅಮಿತ್ ಶಾ?

ನವದೆಹಲಿ(ಜೂ.01): ಕೇಂದ್ರದ ನೂತನ ಗೃಹಸಚಿವರಾಗಿ ಅಮಿತ್ ಶಾ ಇಂದು ಅಧಿಕಾರ ಸ್ವೀಕರಿಸಿದರು. ಸಂಸತ್ತ್ಇನ ನಾರ್ಥ್ ಬ್ಲಾಕ್‌ಗೆ ಆಗಮಿಸಿದ ಅಮಿತ್ ಶಾ, ಕಡತಗಳಿಗೆ ಸಹಿ ಹಾಕುವ ಮೂಲಕ ಅಧಿಕೃತವಾಗಿ ಕಾರ್ಯಭಾರ ಪ್ರಾರಂಭಿಸಿದರು.

ಗೃಹ ಸಚಿವರ ಕೊಠಡಿಗೆ ಆಗಮಿಸಿದ ಅಮಿತ್ ಶಾ ಅವರನ್ನು ಗೃಹ ಇಲಾಖೆ ಕಾರ್ಯದರ್ಶಿ ರಾಜೀವ್ ಗೌಬಾ ಸ್ವಾಗತಿಸಿದರು. ಈ ವೇಳೆ ಇಲಾಖೆಯ ಹಲವು ಹಿರಿಯ ಅಧಿಕಾರಿಗಳು ಉಪಸ್ಥಿತರಿದ್ದರು.

ಗುಜರಾತ್ ಗೃಹ ಸಚಿವರಾಗಿ ಅನುಭವ ಹೊಂದಿರುವ ಅಮಿತ್ ಶಾ, ಕೇಂದ್ರ ಗೃಹ ಇಲಾಖೆಗೆ ಹೊಸ ರೂಪ ಕೊಡಲಿದ್ದಾರೆ ಎಂಬ ಮಾತುಗಳು ಕೇಳಿ ಬರುತ್ತಿವೆ.