ಅಮಿತ್ ಶಾ ಎನ್'ಡಿಎ'ನಲ್ಲಿ ಪ್ರಮುಖ ಹುದ್ದೆ ?

ಬಿಜೆಪಿಗೇ ಈಗ ಏಕಾಂಗಿಯಾಗಿ ಬಹುಮತ ಸಿಕ್ಕಿರುವ ಹಿನ್ನೆಲೆಯಲ್ಲಿ ಎನ್‌ಡಿಎ ಅಂಗಪಕ್ಷಗಳ ಮೇಲೆ ಅವಲಂಬನೆ ಕಡಿಮೆ ಇದೆ.

ನವದೆಹಲಿ(ಆ.28): ಬಿಜೆಪಿ ಅಧ್ಯಕ್ಷ ಅಮಿತ್ ಶಾ ಅವರು ಎನ್‌ಡಿಎ ಸಂಚಾಲಕರಾಗಿಯೂ ಕಾರ್ಯನಿರ್ವಹಿಸುವ ಸಾಧ್ಯತೆ ಇದೆ. ವಾಜಪೇಯಿ ಸರ್ಕಾರ ಇದ್ದಾಗ ಎನ್‌ಡಿಎ ಅಂಗಪಕ್ಷಗಳು ಅವರಿಗೆ ಸದಾ ಕಾಟ ಕೊಡುತ್ತಿದ್ದವು. ಆದರೆ ಈಗ ಸ್ಥಿತಿ ಹಾಗಿಲ್ಲ. ಬಿಜೆಪಿಗೇ ಈಗ ಏಕಾಂಗಿಯಾಗಿ ಬಹುಮತ ಸಿಕ್ಕಿರುವ ಹಿನ್ನೆಲೆಯಲ್ಲಿ ಎನ್‌ಡಿಎ ಅಂಗಪಕ್ಷಗಳ ಮೇಲೆ ಅವಲಂಬನೆ ಕಡಿಮೆ ಇದೆ. ಹೀಗಾಗಿ ಈ ಪಕ್ಷಗಳಿಗೆ ಅಷ್ಟು ಪ್ರಾಧಾನ್ಯತೆ ನೀಡದ ಮೋದಿ-ಶಾ ಜೋಡಿ, ಅವುಗಳನ್ನು ಹದ್ದುಬಸ್ತಿನಲ್ಲಿ ಇಟ್ಟಿದ್ದಾರೆ. ಇದೇ ಕಾರಣಕ್ಕೆ ಶಾ ಅವರನ್ನೇ ಸಂಚಾಲಕ ಮಾಡುವ ಸಾಧ್ಯತೆ ಇದೆ. ಈ ಹಿಂದೆ ಜಾರ್ಜ್ ಫರ್ನಾಂಡಿಸ್, ಶರದ್ ಯಾದವ್ ಹಾಗೂ ನಿತೀಶ್ ಕುಮಾರ್ ಎನ್‌ಡಿಎ ಸಂಚಾಲಕರಾಗಿದ್ದರು. ಆದರೆ ಈಗ ಪುನಃ ನಿತೀಶ್ ಎನ್‌ಡಿಎ ತೆಕ್ಕೆಗೆ ಮರಳಿದ್ದಾರಾದರೂ ಅವರಿಗಾಗಲಿ, ಅಂಗಪಕ್ಷಗಳಿಗಾಗಲಿ ಈ ಹುದ್ದೆ ನೀಡುವ ಸಾಧ್ಯತೆ ಇಲ್ಲ ಎಂದು ಮಾಧ್ಯಮ ವರದಿಯೊಂದು ಹೇಳಿದೆ.