ಸಿಖೆಂಗೆ ‘ಆಪ್’ಸೆ: ಕೈ ಹಿಡಿದ ಅಲ್ಕಾಗೆ ಟ್ರೈನಿಂಗ್ ತರೂರ್ ಸೆ!
ಸಾರಾಂಶ
ಆಪ್ಗೆ ಟ್ವೀಟರ್ನಲ್ಲೇ ಶಾಸಕಿ ಅಲಕಾ ಗುಡ್ಬೈ: ಕಾಂಗ್ರೆಸ್ಗೆ ಸೇರ್ಪಡೆ|ತರಬೇತಿ ನೀಡುವ ಹೊಣೆ ಶಶಿ ತರೂರ್ ಹೆಗಲಿಗೆ
ನವದೆಹಲಿ[ಸೆ.07]: ಆಮ್ ಆದ್ಮಿ ಪಕ್ಷದ ಅತೃಪ್ತ ನಾಯಕಿ ಅಲಕಾ ಲಾಂಬ ಅವರು ಟ್ವೀಟರ್ ಮೂಲಕ ಪಕ್ಷಕ್ಕೆ ಶುಕ್ರವಾರ ರಾಜೀನಾಮೆ ಪ್ರಕಟಿಸಿದ್ದಾರೆ. ಬೆನ್ನಲ್ಲೇ ಕಾಂಗ್ರೆಸ್ಸಿಗೆ ಸೇರ್ಪಡೆಯಾಗಿದ್ದಾರೆ. ‘ಇದು ಆಪ್ಗೆ ಗುಡ್ ಬೈ ಹೇಳುವ ಸಮಯವಾಗಿದ್ದು, ಪಕ್ಷದ ಪ್ರಾಥಮಿಕ ಸದಸ್ಯತ್ವಕ್ಕೆ ರಾಜೀನಾಮೆ ನೀಡುತ್ತಿದ್ದೇನೆ. ಕಳೆದ ಆರು ವರ್ಷಗಲ್ಲಿ ಸಾಕಷ್ಟುಕಲಿತ್ತಿದ್ದೇನೆ. ಎಲ್ಲರಿಗೂ ಧನ್ಯವಾದಗಳು’ ಎಂದು ಟ್ವೀಟ್ ಮಾಡಿದ್ದಾರೆ.
ಕಳೆದ ಲೋಕಸಭಾ ಚುನಾವಣೆಯಲ್ಲಿ ಪಕ್ಷದ ಪರ ಪ್ರಚಾರ ಮಾಡದೇ ತಟಸ್ಥವಾಗಿದ್ದ ಅವರು, ಲೋಕಸಭಾ ಚುನಾವಣೆ ಸೋಲಿಗೆ ಕೇಜ್ರಿವಾಲ್ ಹೊಣೆ ಎಂದು ಹೇಳಿದ್ದಕ್ಕೆ ಅವರನ್ನು ಆಪ್ ಶಾಸಕರ ಅಧಿಕೃತ ವಾಟ್ಸಪ್ ಗ್ರೂಪಿನಿಂದ ಹೊರ ಹಾಕಲಾಗಿತ್ತು. ಆಪ್ಗೆ ಸೇರುವ ಮುನ್ನ 20 ವರ್ಷಗಳ ಕಾಲ ಲಂಬಾ ಕಾಂಗ್ರೆಸ್ನಲ್ಲಿದ್ದರು. ಕೆಲ ದಿನಗಳ ಹಿಂದೆ ಕಾಂಗ್ರೆಸ್ ವರಿಷ್ಠೆ ಸೋನಿಯಾ ಗಾಂಧಿಯನ್ನು ಭೇಟಿ ಮಾಡಿ ಮಾತುಕತೆ ನಡೆಸಿದ್ದರು.
ಸದ್ಯ ಕಾಂಗ್ರೆಸ್ಗೆ ಸೇರ್ಪಡೆಯಾದ ಅಲಕಾ ಲಾಂಬಗೆ ತರಬೇತಿ ನೀಡುವ ಹೊಣೆಯನ್ನು ಕಾಂಗ್ರೆಸ್ನ ಹಿರಿಯ ನಾಯಕ ಶಶಿ ತರೂರ್ಗೆ ವಹಿಸಲಾಗಿದೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.