ಪರ್ಸೆಂಟೇಜ್ ಆಸೆಗೆ ಮತ್ತೊಬ್ಬರ ಹಣ ಜಮಾ ಮಾಡುವಾಗ ಸಿಕ್ಕಿಬಿದ್ರೆ ದಂಡದ ಜೊತೆ 7 ವರ್ಷಗಳ ಕಾರಾಗೃಹ ಶಿಕ್ಷೆ ಆಗಲಿದೆ
ನವದೆಹಲಿ(ನ.21): ನೋಟ್ ಬ್ಯಾನ್ಗೂ ಮೊದಲೇ ಕೇಂದ್ರ ಸರ್ಕಾರ ಕಾಳಧನಿಕರಿಗೆ ಕಪ್ಪು ಹಣವನ್ನೂ ಕೂಡ ಅಕೌಂಟ್ಗೆ ಜಮಾ ಮಾಡಿ, ಸರಿಯಾದ ತೆರಿಗೆ ಕಟ್ಟಲು ಅವಕಾಶವನ್ನ ನೀಡಿತ್ತು.
ಆದರೆ ಇದನ್ನ ಕಪ್ಪುಕುಳಗಳು ಗಣನೆಗೆ ತೆಗೆದುಕೊಂಡಿರಲಿಲ್ಲ.ಅದರ ಪರಿಣಾಮ ಈಗ ಅನುಭವಿಸುವಂತಾಗಿದೆ. ದಂಡದಿಂದ ತಪ್ಪಿಸಿಕೊಳ್ಳೋಕೆ ಕೆಲವರು ಬೇರೆಯವರಿಂದ ಹಣ ಜಮಾ ಮಾಡಿಸುವ ದಂಧೆಗೆ ಇಳಿದಿದ್ದಾರೆ.
ಆದರೆ, ಇನ್ನು ಮುಂದೆ ಮತ್ತೊಬ್ಬರ ಅಕೌಂಟ್ನಲ್ಲಿ ಜಮಾ ಮಾಡಿ, ಅವ್ರಿಗೆ ಪರ್ಸೆಂಟೇಜ್ ಲೆಕ್ಕದಲ್ಲಿ ಹಣ ನೀಡೋ ವ್ಯವಹಾರಗಳಿಗೂ ಬ್ರೇಕ್ ಬಿಳಲಿದೆ. ಏಕೆಂದರೆ ಪರ್ಸೆಂಟೇಜ್ ಆಸೆಗೆ ಮತ್ತೊಬ್ಬರ ಹಣ ಜಮಾ ಮಾಡುವಾಗ ಸಿಕ್ಕಿಬಿದ್ರೆ ದಂಡದ ಜೊತೆ 7 ವರ್ಷಗಳ ಕಾರಾಗೃಹ ಶಿಕ್ಷೆ ಆಗಲಿದೆ.