#Exclusive- ಗ್ರಾಹಕ ಸ್ನೇಹಿಯಾಗಲು ಹೊರಟ ಎಸ್'ಬಿಐ, 5 ರಾಷ್ಟ್ರೀಕೃತ ಬ್ಯಾಂಕ್'ಗಳು ವಿಲೀನ!

ಏಪ್ರಿಲ್​ 1 ರಿಂದ, ಎಸ್​ಬಿಐ ಬ್ಯಾಂಕ್​ ಜೊತೆ 5 ಬ್ಯಾಂಕ್​ಗಳು ವಿಲೀನಗೊಳ್ಳಲಿವೆ. ಇದರಿಂದ ಏನೆಲ್ಲಾ ಲಾಭಗಳಿವೆ ಎನ್ನುವುದನ್ನು, ಸ್ಟೇಟ್​ಬ್ಯಾಂಕ್​​ ಆಫ್​ ಇಂಡಿಯಾದ ಚೀಫ್​​ ಜನರಲ್ ಮ್ಯಾನೇಜರ್​​ ಆಗಿರುವ ಫಾರೂಕ್​​ ಶಾಹೇಬ್​​, ಸುವರ್ಣನ್ಯೂಸ್​ ಜೊತೆ ಮಾತನಾಡಿದ್ದಾರೆ. ಆ ಎಕ್ಸ್​​ಕ್ಲೂಸಿವ್​​ ಮಾಹಿತಿ ಇಲ್ಲಿದೆ.

ನವದೆಹಲಿ(ಮಾ.25): ಏಪ್ರಿಲ್​ 1 ರಿಂದ, ಎಸ್​ಬಿಐ ಬ್ಯಾಂಕ್​ ಜೊತೆ 5 ಬ್ಯಾಂಕ್​ಗಳು ವಿಲೀನಗೊಳ್ಳಲಿವೆ. ಇದರಿಂದ ಏನೆಲ್ಲಾ ಲಾಭಗಳಿವೆ ಎನ್ನುವುದನ್ನು, ಸ್ಟೇಟ್​ಬ್ಯಾಂಕ್​​ ಆಫ್​ ಇಂಡಿಯಾದ ಚೀಫ್​​ ಜನರಲ್ ಮ್ಯಾನೇಜರ್​​ ಆಗಿರುವ ಫಾರೂಕ್​​ ಶಾಹೇಬ್​​, ಸುವರ್ಣನ್ಯೂಸ್​ ಜೊತೆ ಮಾತನಾಡಿದ್ದಾರೆ. ಆ ಎಕ್ಸ್​​ಕ್ಲೂಸಿವ್​​ ಮಾಹಿತಿ ಇಲ್ಲಿದೆ.

ಸ್ಟೇಟ್ ಬ್ಯಾಂಕ್ ಆಫ್​ ಇಂಡಿಯಾ, ದೇಶದ ಅತಿ ದೊಡ್ಡ ಬ್ಯಾಂಕ್​ ಎನ್ನುವ ಖ್ಯಾತಿ ಗಳಿಸಿದೆ. ಈ ಬ್ಯಾಂಕ್​ ಜೊತೆ ಏಪ್ರಿಲ್​ 1 ರಿಂದ 5 ಬ್ಯಾಂಕ್'​ಗಳು ವಿಲೀನಗೊಳ್ಳಲಿವೆ. ಸ್ಟೇಟ್​ ಬ್ಯಾಂಕ್ ಆಫ್​ ಮೈಸೂರು, ಸ್ಟೇಟ್​ ಬ್ಯಾಂಕ್​ ಆಫ್​​ ಹೈದ್ರಾಬಾದ್​, ಸ್ಟೇಟ್​ ಬ್ಯಾಂಕ್ ಆಫ್​​ ಟ್ರಾವಂಕೂರ್​, ಸ್ಟೇಟ್ ಬ್ಯಾಂಕ್ ಆಫ್​​ ಪಟಿಯಾಲ, ಸ್ಟೇಟ್ ಬ್ಯಾಂಕ್ ಆಫ್​​ ಬಿಕಾನೇರ್ ಮತ್ತು ಜೈಪುರ್​, ಎಸ್​ಬಿಐನಲ್ಲಿ ವಿಲೀನಗೊಳ್ಳಲಿವೆ.

ಜನರಿಗೆ ಉತ್ತಮ ಸೇವೆ ನೀಡುವಲ್ಲಿ ಅವಿರತವಾಗಿ ಶ್ರಮಿಸುತ್ತಿರುವ ಸ್ಟೇಟ್​ ಬ್ಯಾಂಕ್ ಆಫ್​ ಇಂಡಿಯಾ, ನಿರುದ್ಯೋಗಿಗಳಿಗೆ ಬೆನ್ನೆಲುಬಾಗಿ ನಿಲ್ಲುತ್ತಿದ್ದು, ಸ್ವ ಉದ್ಯೋಗಕ್ಕೆ ಉತ್ತೇಜನ ನೀಡುಲು ಹಲವು ಯೋಜನೆಗಳನ್ನು ಹಮ್ಮಿಕೊಂಡಿದೆ.

5 ಬ್ಯಾಂಕ್​ಗಳು ಎಸ್​ಬಿಐನಲ್ಲಿ ವಿಲೀನಗೊಂಡರೆ, ಅದರ ಆಸ್ತಿ ಮೌಲ್ಯ 37 ಲಕ್ಷ ಕೋಟಿಯಷ್ಟಾಗಲಿದೆ. ಮತ್ತಷ್ಟು ವಿಸ್ತೃತವಾಗಿ ಗ್ರಾಹಕ ಸ್ನೇಹಿಯಾಗಲಿದ್ದು, ಜನರಿಗೆ ಉತ್ತಮ ಸೇವೆ ನೀಡಲು ಈ ವಿಲೀನ ಪ್ರಕ್ರಿಯೆ ಅನುಕೂಲವಾಗಲಿದೆ.