42 ಆ್ಯಪ್’ಗಳ ಮೂಲಕ ಚೀನಾ ಗೂಢಚಾರಿಕೆ
ಸಾರಾಂಶ
ಹುಷಾರಾಗಿರಿ.... ವಿ ಚಾಟ್, ಟ್ರೂಕಾಲರ್, ವಿಯೆಬೊ ಬಗ್ಗೆ ಎಚ್ಚರದಿಂದಿರಿ ಚೀನಾ ಆ್ಯಪ್ ಡಿಲೀಟ್: ಯೋಧರಿಗೆ ಗುಪ್ತದಳ ಸೂಚನೆ
ನವದೆಹಲಿ: ಚೀನಾ ತನ್ನ ಜನಪ್ರಿಯ ಮೊಬೈಲ್ ಆ್ಯಪ್ಗಳ ಮೂಲಕ ಭದ್ರತಾ ಸಂಸ್ಥೆಗಳಿಗೆ ಸಂಬಂಧಿಸಿದ ಸೂಕ್ಷ್ಮ ಮಾಹಿತಿಗಳನ್ನು ಕಲೆ ಹಾಕುವ ಸಾಧ್ಯತೆ ಇದೆ ಎಂದು ಅಂತಾರಾಷ್ಟ್ರೀಯ ಗಡಿಯಲ್ಲಿ ನಿಯೋಜನೆಗೊಂಡಿರುವ ಸೇನಾಪಡೆಗಳಿಗೆ ಗುಪ್ತಚರ ಇಲಾಖೆ ಎಚ್ಚರಿಕೆ ನೀಡಿದೆ.
ಹೀಗಾಗಿ ಅಂತಾರಾಷ್ಟ್ರೀಯ ಗಡಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಯೋಧರಿಗೆ ತಮ್ಮ ಸ್ಮಾರ್ಟ್ ಫೋನ್ಗಳಲ್ಲಿ ಇರುವ ಕೆಲವೊಂದು ಆ್ಯಪ್ಗಳನ್ನು ಡಿಲೀಟ್ ಮಾಡುವಂತೆ ಇಲ್ಲವೆ ಮೊಬೈಲ್ಗಳನ್ನು ರೀಫಾರ್ಮೇಟ್ ಮಾಡು ವಂತೆ ಡಿಐಜಿ (ಗುಪ್ತಚರ) ಸಲಹೆ ನೀಡಿದೆ.
ವಿ ಚಾಟ್, ಟ್ರೂಕಾಲರ್, ವಿಯೆಬೊ, ಯುಸಿ ಬ್ರೌಸರ್ ಮತ್ತು ಯುಸಿ ನ್ಯೂಸ್ ಸೇರಿ ದಂತೆ 42 ಜನಪ್ರಿಯ ಆ್ಯಪ್ಗಳನ್ನು ಗುಪ್ತಚರ ಇಲಾಖೆ ಪಟ್ಟಿಮಾಡಿದೆ.
ಈ ಆ್ಯಪ್ಗಳು ಸೂಕ್ಷ್ಮ ವೈಯಕ್ತಿಕ ಮಾಹಿತಿಗಳನ್ನು ಚೀನಾದ ಅಧಿಕಾರಿಗಳಿಗೆ ರವಾನಿಸುವ ಸಾಧ್ಯತೆ ಇದ್ದು, ಭಾರೀ ಮಟ್ಟದ ಭದ್ರತಾ ವೈಫಲ್ಯಕ್ಕೆ ಕಾರಣಬಹುದು ಎಂದು ಸಲಹೆಯಲ್ಲಿ ತಿಳಿಸಲಾಗಿದೆ.
ಡೋಕ್ಲಾಮ್ ಬಿಕ್ಕಟ್ಟಿನ ಬಳಿಕ ಭಾರತ ಮತ್ತು ಚೀನಾ ಪಡೆಗಳು ಗಡಿಯಲ್ಲಿ ಕಟ್ಟೆಚ್ಚರ ವಹಿಸಿರುವ ಸಂದರ್ಭದಲ್ಲೇ ಗುಪ್ತಚರ ಇಲಾಖೆಯಿಂದ ಎಚ್ಚರಿಕೆ ಹೊರಬಿದ್ದಿದೆ.
ಈ ಮುನ್ನ ಭಾರತೀಯ ವಾಯು ಪಡೆ ಚೀನಾದ ಶ್ಯೋಮಿ ಸ್ಮಾರ್ಟ್ಫೋನ್ ಮತ್ತು ನೋಟ್ಬುಕ್ಗಳನ್ನು ಬಳಸದಂತೆ ತನ್ನ ಅಧಿಕಾರಿಗಳು, ವಾಯುಪಡೆ ಸಿಬ್ಬಂದಿ ಮತ್ತು ಅವರ ಕುಟುಂಬದವರಿಗೆ ಸೂಚಿಸಿತ್ತು.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.