ರಾಜ್ಯದಲ್ಲಿವೆ 23 ನಕಲಿ ಇಂಜಿನಿಯರಿಂಗ್ ಕಾಲೇಜುಗಳು

ದೇಶದಲ್ಲಿ 277 ನಕಲಿ ಎಂಜಿನಿಯರಿಂಗ್ ಕಾಲೇಜುಗಳಿವೆ. ಇದರಲ್ಲಿ 66 ಕಾಲೇಜುಗಳು ದಿಲ್ಲಿಯಲ್ಲೇ ಇವೆ. ಇನ್ನು ಕರ್ನಾಟಕ ಒಂದರಲ್ಲೇ  ಒಟ್ಟು23 ಇಂಜಿನಿಯರಿಂಗ್ ಕಾಲೇಜುಗಳಿವೆ ಕೇಂದ್ರ ಸರ್ಕಾರ ಮಾಹಿತಿ ನೀಡಿದೆ. 

ನವದೆಹಲಿ: ದೇಶದಲ್ಲಿ 277 ನಕಲಿ ಎಂಜಿನಿಯರಿಂಗ್ ಕಾಲೇಜುಗಳಿವೆ. ಇದರಲ್ಲಿ 66 ಕಾಲೇಜುಗಳು ದಿಲ್ಲಿಯಲ್ಲೇ ಇದ್ದು, ಮೊದಲ ಸ್ಥಾನ  ಪಡೆದ ಅಪಖ್ಯಾತಿಗೆ ಪಾತ್ರವಾಗಿದೆ. ಲೋಕಸಭೆಗೆ ಕೇಂದ್ರ ಸರ್ಕಾರ ಈ ಮಾಹಿತಿ ನೀಡಿದೆ. ಇನ್ನು 35ಕಾಲೇಜುಗಳನ್ನು ಹೊಂದಿದ ತೆಲಂಗಾಣ ನಂ.2, 27 ಕಾಲೇಜು ಹೊಂದಿದ ಬಂಗಾಳ 3ನೇ ಸ್ಥಾನ ಪಡೆದಿದೆ. 

23 ನಕಲಿ ಎಂಜಿನಿಯರಿಂಗ್ ಕಾಲೇಜುಗಳು ಕರ್ನಾಟಕದಲ್ಲಿದ್ದು 4 ನೇ ಸ್ಥಾನ ಪಡೆದಿದ್ದರೆ, 22 ಖೊಟ್ಟಿ ಕಾಲೇಜುಗಳಿರುವ ಉತ್ತರಪ್ರದೇಶ 5ನೇ ಸ್ಥಾನ ಪಡೆದಿದೆ. ಇದೇ ವೇಳೆ ಕೇಂದ್ರ ಸರ್ಕಾರ 24 ನಕಲಿ ವಿಶ್ವವಿದ್ಯಾಲಯಗಳ ಪಟ್ಟಿಯೊಂದನ್ನು ಕೂಡ ಮತ್ತೆ ಪ್ರಕಟಿಸಿದ್ದು, ಈ ಮೊದಲಿನಂತೆ ಬೆಳಗಾವಿ ಜಿಲ್ಲೆ ಗೋಕಾಕದ ಬಡಗಣವಿ ಸರ್ಕಾರ್ ವಿಶ್ವ ಮುಕ್ತ ವಿಶ್ವವಿದ್ಯಾಲಯ ಶಿಕ್ಷಣ ಸಂಸ್ಥೆ ಕೂಡ ಪುನಃ ಸ್ಥಾನ ಪಡೆದಿದೆ. ಈ ಸಂಸ್ಥೆಗಳು ಅಖಿಲ ಭಾರತೀಯ ತಾಂತ್ರಿಕ ಶಿಕ್ಷಣ ಮಂಡಳಿಯ ಪರವಾನಗಿ ಪಡೆದಿಲ್ಲ ಹೊಂದಿಲ್ಲ ಎಂದು ಸರ್ಕಾರ ಹೇಳಿದೆ.

(ಸಾಂದರ್ಭಿಕ ಚಿತ್ರ )