ಸೆಪ್ಟೆಂಬರ್ 23ರಿಂದ ಫ್ಲಿಪ್ಕಾರ್ಟ್ ಬಿಗ್ ಬಿಲಿಯನ್ ಡೇ ಸೇಲ್ ಶುರು, ದುಬಾರಿ ಸ್ಮಾರ್ಟ್‌ಫೋನ್‌ಗಳು ಕಡಿಮೆ ರೇಟಿಗೆ ಮಾರಾಟವಾಗಲಿವೆ. ಐಸಿಸಿ, ಆಕ್ಸೆಸ್ ಕಾರ್ಡ್ ಇದ್ದರೂ ಇನ್ನಷ್ಟು ರಿಯಾಯ್ತಿ ಸಿಗಬಹುದು.
ಇದೇ ತಿಂಗಳು 23ರಿಂದ ಬಹುನಿರೀಕ್ಷಿತ ಫ್ಲಿಪ್ಕಾರ್ಟ್ ಬಿಗ್ ಬಿಲಿಯನ್ ಡೇಸ್ ಮಾರಾಟ ಆರಂಭವಾಗಲಿದೆ. Apple iPhone 13, Nothing phone (1), Samsung Galaxy S22+ 5G ಒಳಗೊಂಡಂತೆ 'ಹೆಚ್ಚು ಮಾರಾಟವಾಗುವ' ಸ್ಮಾರ್ಟ್‌ಫೋನ್‌ಗಳ ಮೇಲೆ ಭಾರಿ ರಿಯಾಯಿತಿಯನ್ನು ಈ ಸೇಲ್ನಲ್ಲಿ ನಿರೀಕ್ಷಿಸಬಹುದಾಗಿದೆ. ನೀವು ಎಲೆಕ್ಟ್ರಾನಿಕ್ ಗ್ಯಾಜೆಟ್‌ಗಳು ಅಥವಾ ಲ್ಯಾಪ್ಟಾಪ್‌ಗಳು, ಮೊಬೈಲ್‌ಗಳು, ಸ್ಮಾರ್ಟ್‌ವಾಚ್‌ಗಳು ಮತ್ತು ಇತರ ಸಾಧನಗಳನ್ನು ಖರೀದಿಸಲು ಯೋಜಿಸುತ್ತಿದ್ದರೆ, ಅವುಗಳನ್ನು ಖರೀದಿಸಲು ಇದು ಅತ್ಯಂತ ಸೂಕ್ತ ಸಮಯ. ವಾರ್ಷಿಕ ಮಾರಾಟದ ಸಮಯದಲ್ಲಿ 10% ತ್ವರಿತ ರಿಯಾಯಿತಿ ಒದಗಿಸುವುದಕ್ಕಾಗಿ ಫ್ಲಿಪ್ಕಾರ್ಟ್ ಐಸಿಐಸಿಐ ಬ್ಯಾಂಕ್ ಮತ್ತು ಆಕ್ಸಿಸ್ ಬ್ಯಾಂಕಿನೊಂದಿಗೆ ಪಾಲುದಾರಿಕೆ ಕೂಡ ಹೊಂದಿದೆ.
ನಥಿಂಗ್ ಫೋನ್ (1)
ಈ ವರ್ಷದ ಜುಲೈನಲ್ಲಿ ಮಾರುಕಟ್ಟೆಗೆ ಬಂದಿರುವ Snapdragon 778G-ಚಾಲಿತ ನಥಿಂಗ್ ಫೋನ್ 1, 6.55-ಇಂಚಿನ 120Hz HDR10+ OLED ಡಿಸ್‌ಪ್ಲೇಯನ್ನು ಹೊಂದಿದೆ. ಇದು ಮೂರು ವಿಭಿನ್ನ ಕಾನ್ಫಿಗರೇಶನ್‌ಗಳಲ್ಲಿ ಬರುತ್ತದೆ ಮತ್ತು 256GB ವರೆಗೆ ಮತ್ತು 12GB RAM ವರೆಗಿನ ಆಂತರಿಕ ಸಂಗ್ರಹಣಾ ಸಾಮರ್ಥ್ಯವನ್ನು ಹೊಂದಿದೆ. ರಿಯಾಯ್ತಿ ಹಿನ್ನೆಲೆಯಲ್ಲಿ ಈ ಫೋನ್ ಅನ್ನು 28,999 ರೂ.ಗಳಿಗೆ ಮಾರಾಟ ಮಾಡಲಾಗುತ್ತಿದೆ. ಆಂಡ್ರಾಯ್ಡ್ 12 ಆಧಾರಿತ ನಥಿಂಗ್ ಓಎಸ್‌ನಲ್ಲಿ ಈ ಪೋನ್ ರನ್ ಆಗುತ್ತದೆ. ಈ ಸಮಯದಲ್ಲಿ ಫ್ಲಿಪ್ಕಾರ್ಟ್ ಯಾವುದೇ ಹೆಚ್ಚಿನ ರಿಯಾಯಿತಿಗಳನ್ನು ನೀಡುತ್ತದೆಯೇ ಎಂಬುದು ಇನ್ನೂ ತಿಳಿದಿಲ್ಲವಾದರೂ, ಒಪ್ಪಂದವು ಕಾರ್ಡ್ ಆಧಾರಿತ ರಿಯಾಯಿತಿಗಳನ್ನು ಒಳಗೊಂಡಿರಬಹುದು.
undefined
ಇದೇ ತಿಂಗಳ 21ರಿಂದ ಟ್ವಿಟರ್‌ನಲ್ಲಿ ಎಡಿಟ್ ಬಟನ್ ಫೀಚರ್ ಲಭ್ಯ!
ಐಫೋನ್ 13 (iPhone 13)
ಫ್ಲಿಪ್ಕಾರ್ಟ್ ಬಿಗ್ ಬಿಲಿಯನ್ ಡೇಸ್ ಸೇಲ್ನಲ್ಲಿ Apple iPhone 13 ಬೆಲೆ 50,000 ರೂ.ಗಿಂತ ಕಡಿಮೆ ಇರುತ್ತದೆ. ಫ್ಲಿಪ್ಕಾರ್ಟ್ ಮತ್ತು ಐಸಿಐಸಿಐ ಬ್ಯಾಂಕ್, ಆಕ್ಸಿಸ್ ಬ್ಯಾಂಕ್ ನಡುವಿನ ಪಾಲುದಾರಿಕೆಯಿಂದಾಗಿ ಪ್ರೀಮಿಯಂ ಆಪಲ್ ಐಫೋನ್ ಮಾದರಿಗಳನ್ನು ಈಗ ಕಡಿಮೆ ಬೆಲೆಗೆ ಖರೀದಿಸಬಹುದು. ವಾರ್ಷಿಕ ಮಾರಾಟದ ಸಮಯದಲ್ಲಿ ICICI ಬ್ಯಾಂಕ್ ಅಥವಾ Axis ಬ್ಯಾಂಕ್ ಕ್ರೆಡಿಟ್ ಅಥವಾ ಡೆಬಿಟ್ ಕಾರ್ಡ್ ಅನ್ನು ಬಳಸುವ ಗ್ರಾಹಕರು 10% ತಕ್ಷಣದ ರಿಯಾಯಿತಿಯನ್ನು ಪಡೆಯುತ್ತಾರೆ. ಇದರೊಂದಿಗೆ ಫ್ಲಿಪ್ಕಾರ್ಟ್ ನಿಮ್ಮ ಹಳೆಯ ಸ್ಮಾರ್ಟ್‌ಫೋನ್‌ಗೆ 17,000 ರೂಪಾಯಿ ರಿಯಾಯಿತಿ ಕೂಡ ನೀಡುತ್ತಿದೆ. ಹಾಗಾಗಿ, ಈ ಎಲ್ಲಾ ರಿಯಾಯಿತಿಗಳನ್ನು ಸೇರಿಸಿದರೆ Apple iPhone 13 ಅನ್ನು 35,000 ರೂ. ನೀಡಿ ಖರೀದಿಸಬಹುದಾಗಿದೆ.
ಗೂಗಲ್ ಪಿಕ್ಸೆಲ್ 6ಎ (Google Pixel 6A)
ಪಿಕ್ಸೆಲ್ 6ಎ, ಗೂಗಲ್ ಕಂಪನಿಯ ಇತ್ತೀಚಿನ ಫೋನ್. ಈ ಸ್ಮಾರ್ಟ್‌ಫೋನ್ ಕೂಡ ಫ್ಲಿಪ್ಕಾರ್ಟ್ ಬಿಗ್ ಬಿಲಿಯನ್ ಡೇಸ್ ಸೇಲ್ನಲ್ಲಿ ಕಡಿಮೆ ರೇಟಿಗೆ ಸಿಗಲಿದೆ. 6.1-ಇಂಚಿನ OLED ಪರದೆಯನ್ನು ಹೊಂದಿರುವ ಈ ಗ್ಯಾಜೆಟ್, Google ನಿಂದ ಪ್ರತ್ಯೇಕವಾಗಿ ರಚಿಸಲಾದ ಟೆನ್ಸರ್ ಪ್ರೊಸೆಸರ್ ಅನ್ನು ಒಳಗೊಂಡಿದೆ. ಇದು 6GB RAM ಮತ್ತು 128GB ಆಂತರಿಕ ಸಂಗ್ರಹಣೆಯನ್ನು ಹೊಂದಿದೆ. Android 12 ಒಎಸ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ ಮತ್ತು Android 13 ಗೆ ಅಪ್‌ಗ್ರೇಡ್ ಮಾಡಬಹುದು. 18W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುವ 4,410mAh ಬ್ಯಾಟರಿಯಿಂದ ಚಾಲಿತವಾಗಿದೆ. ಫ್ಲಿಪ್‌ಕಾರ್ಟ್‌ನಲ್ಲಿ Pixel 6a ಸ್ಮಾರ್ಟ್‌ಫೋನ್ ಅನ್ನು 30,199 ರೂ.ಗೆ ಮಾರಾಟ ಮಾಡಬಹುದು. ಈ ಫೋನಿನ ಮೂಲ ಬೆಲೆ 43,999 ರೂ.ಇದೆ. ಗ್ರಾಹಕರು ICICI ಅಥವಾ Axis ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಹೊಂದಿದ್ದರೆ, 27,669 ರೂ.ಗೆ ಈ ಫೋನ್ ಖರೀದಿಸಬಹುದು.
ಮೋಟೊರೋಲಾ (Motorola) ಎಡ್ಜ್ 330
Motorola Edge 30 ಸ್ಮಾರ್ಟ್‌ಫೋನ್ ಈ ವರ್ಷದ ಏಪ್ರಿಲ್‌ನಲ್ಲಿ ಮಾರುಕಟ್ಟೆಗೆ ಪರಿಚಯಿಸಲಾಯಿತು. Snapdragon 778+ 5G ಪ್ರೊಸೆಸರ್‌ನೊಂದಿಗೆ 6.5-ಇಂಚಿನ 144Hz HDR 10+ AMOLED ಡಿಸ್‌ಪ್ಲೇಯೊಂದಿಗೆ ಬರುತ್ತದೆ. ಇದು Android 12 ನೊಂದಿಗೆ ಪೂರ್ವ-ಸ್ಥಾಪಿತವಾಗಿದೆ ಮತ್ತು 8GB RAM ಮತ್ತು 256GB ವರೆಗೆ ಇನ್‌ಬಿಲ್ಟ್ ಸ್ಟೋರೇಜ್ ಸಾಮರ್ಥ್ಯವನ್ನು ಹೊಂದಿದೆ. ಈ ಸೇಲ್ನಲ್ಲಿ 24,999 ರೂ.ಗೆ ಈ ಸ್ಮಾರ್ಟ್‌ಫೋನ್ ನಿಮಗೆ ಸಿಗಬಹುದು. 33W ವೇಗದ ಚಾರ್ಜಿಂಗ್ ಅನ್ನು ಸಕ್ರಿಯಗೊಳಿಸುವ 4,020mAh ಬ್ಯಾಟರಿಯನ್ನು ಈ ಸ್ಮಾರ್ಟ್‌ಫೋನ್‌ನಲ್ಲಿ ನೋಡಬಹುದು. Axis ಬ್ಯಾಂಕ್ ಮತ್ತು ICICI ಬ್ಯಾಂಕ್‌ನ ಕ್ರೆಡಿಟ್ ಕಾರ್ಡ್ ಹೊಂದಿರುವವರು 10% ರಿಯಾಯಿತಿಗೆ ಅರ್ಹರಾಗಿರುತ್ತಾರೆ.
ಅಮೆಜಾನ್ ಸೇಲ್ ಟೈಮ್‌ನಲ್ಲಿ OnePlus 10R ಪ್ರೈಮ್ ಬ್ಲೂ ಬಿಡುಗಡೆ
ಆಪಲ್ ಐಫೋನ್ 11
ಆಪಲ್ ಐಫೋನ್ 13 ಫೋನ್‌ನಂತೆ ಫ್ಲಿಪ್ಕಾರ್ಟ್, Apple iPhone 11 ಫೋನ್ ಅನ್ನು ಭಾರೀ ರಿಯಾಯ್ತಿಯಲ್ಲಿ ಮಾರಾಟ ಮಾಡಲಿದೆ. 17 ಸಾವಿರ ರೂ. ಎಕ್ಸ್‌ಚೇಂಜ್ ಆಫರ್ ಒಳಗೊಂಡಂತೆ ಈ ಫೋನ್ ಖರೀದಿಯಲ್ಲಿ ಗ್ರಾಹಕರು ಸುಮಾರು 17000 ರೂ.ವರೆಗೊ ಉಳಿತಿಯಾ ಮಾಡಿಕೊಳ್ಳಬಹುದು.