Oppo K10 ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 680 ಪ್ರೊಸೆಸರ್ ಮತ್ತು 5000mAh ಬ್ಯಾಟರಿಯಂತಹ ವಿಶೇಷಣಗಳೊಂದಿಗೆ ಬಿಡುಗಡೆಯಾಗಿದೆ
Oppo K10: ಹಲವು ವಾರಗಳ ಕಾಯುವಿಕೆ ಹಾಗೂ ವದಂತಿಗಳ ನಂತರ Oppo K10 ಅಂತಿಮವಾಗಿ ಭಾರತದಲ್ಲಿ ಬಿಡುಗಡೆ ಮಾಡಲಾಗಿದೆ. ಹೊಸ K10 ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 680 ಪ್ರೊಸೆಸರ್ ಮತ್ತು 5000mAh ಬ್ಯಾಟರಿಯಂತಹ ವಿಶೇಷಣಗಳೊಂದಿಗೆ ಬರುತ್ತದೆ, ಇವೆರಡೂ ವೈಶಿಷ್ಟ್ಯಗಳು ಹಗುರವಾದ ಕಾರ್ಯಗಳಿಗಾಗಿ ಫೋನ್ ಬಯಸುವ ಬಳಕೆದಾರರನ್ನು ಆಕರ್ಷಿಸುತ್ತವೆ. Oppo K10 ಮೂಲಭೂತವಾಗಿ ಕಳೆದ ವರ್ಷ ಚೀನಾದಲ್ಲಿ ಬಿಡುಗಡೆ ಮಾಡಲಾದ Oppo K9 ನ ಉತ್ತರಾಧಿಕಾರಿಯಾಗಿದೆ. ಆದರೆ K10 5G ಬೆಂಬಲವನ್ನು ಹೊಂದಿಲ್ಲ.
ಭಾರತದಲ್ಲಿ Oppo K10 ಬೆಲೆ: Oppo K10 6GB RAM ಮತ್ತು 128GB ಸ್ಟೋರೇಜ್ ಹೊಂದಿರುವ ಮಾದರಿಗೆ ರೂ 14,990 ಮತ್ತು 8GB RAM ಮತ್ತು 128GB ಸ್ಟೋರೇಜ್ ಹೊಂದಿರುವ ರೂಪಾಂತರಕ್ಕೆ ರೂ 16,990 ಬೆಲೆಯಲ್ಲಿ ಲಭ್ಯವಿದೆ. ಫೋನ್ ಕಪ್ಪು ಮತ್ತು ನೀಲಿ ಬಣ್ಣಗಳಲ್ಲಿ ಬರುತ್ತದೆ.
ಇದನ್ನೂ ಓದಿ: 108MP ಪ್ರೈಮರಿ ಕ್ಯಾಮೆರಾದೊಂದಿಗೆ Poco X4 Pro ಮಾರ್ಚ್ 28 ರಂದು ಭಾರತದಲ್ಲಿ ಲಾಂಚ್
Oppo K10 ಬಿಡುಗಡೆ ಕೊಡುಗೆಗಳು: ಮಾರಾಟದ ಮೊದಲ ದಿನ ಅಂದರೆ ಮಾರ್ಚ್ 29 ರಂದು, ನೀವು ಎಸ್ಬಿಐ ಕ್ರೆಡಿಟ್ ಕಾರ್ಡ್, ಡೆಬಿಟ್ ಕಾರ್ಡ್ ಅಥವಾ ಇಎಂಐ ಪಾವತಿ ಆಯ್ಕೆಯನ್ನು ಬಳಸುವಾಗ ರೂ 2,000 ರಿಯಾಯಿತಿ ಪಡೆಯಬಹುದು. ನೀವು ICICI ಬ್ಯಾಂಕ್ ಕ್ರೆಡಿಟ್ ಅಥವಾ ಡೆಬಿಟ್ ಕಾರ್ಡ್ ಹೊಂದಿದ್ದರೆ ಅಥವಾ ನೀವು ಬ್ಯಾಂಕ್ನ ಇಎಂಐ ಪಾವತಿ ಆಯ್ಕೆಯನ್ನು ಬಳಸಲು ಬಯಸಿದರೆ, ನೀವು Oppo K10 ಖರೀದಿಯ ಮೇಲೆ 1,000 ರೂಪಾಯಿಗಳ ರಿಯಾಯಿತಿಯನ್ನು ಪಡೆಯಬಹುದು. ಹೆಚ್ಚುವರಿಯಾಗಿ, ಮೂರು ತಿಂಗಳವರೆಗೆ ಯಾವುದೇ ವೆಚ್ಚವಿಲ್ಲದ ಇಎಂಐ ಸಹ ಆಯ್ಕೆ ಇದೆ.
Oppo K10 ಫೀಚರ್ಸ್: Oppo K10 ಸಾಮಾನ್ಯ ಬಜೆಟ್ ಫೋನ್ ಆಗಿದ್ದು ಇದು 90Hz ರಿಫ್ರೆಶ್ ದರದೊಂದಿಗೆ 6.59-ಇಂಚಿನ Full-HD ಡಿಸ್ಪ್ಲೇ ಹೊಂದಿದೆ. ಫೋನ್ ಆಕ್ಟಾ-ಕೋರ್ ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 680 ಪ್ರೊಸೆಸರ್ನಿಂದ 8GB ಯ RAM ಮತ್ತು 128GB ಆಂತರಿಕ ಸಂಗ್ರಹಣೆಯೊಂದಿಗೆ ಜೋಡಿಸಲ್ಪಟ್ಟಿದೆ. ಮೈಕ್ರೊ ಎಸ್ಡಿ ಕಾರ್ಡ್ ಬಳಸಿ ನೀವು ಈ ಫೋನ್ನಲ್ಲಿ ಸಂಗ್ರಹಣೆಯನ್ನು ವಿಸ್ತರಿಸಬಹುದು. ಆದರೆ ಇಷ್ಟೇ ಅಲ್ಲ. ನಿಮಗೆ ಹೆಚ್ಚಿನ ರ್ಯಾಮ್ ಅಗತ್ಯವಿದ್ದರೆ, ಫೋನ್ ಡೈನಾಮಿಕ್ ರ್ಯಾಮ್ ವಿಸ್ತರಣೆಯನ್ನು 5GB ವರೆಗೆ ಬೆಂಬಲಿಸುತ್ತದೆ. Oppo K10 ಆಂಡ್ರಾಯ್ಡ್ 11 ಆಧಾರಿತ ColorOS 11.1 ರನ್ ಮಾಡುತ್ತದೆ.
ಇದನ್ನೂ ಓದಿ: ಸಖತ್ ಫೀಚರ್ಸ್ನೊಂದಿಗೆ ₹10,000 ಗಿಂತ ಕಡಿಮೆ ಬೆಲೆಯಲ್ಲಿ Oppo A16e ಭಾರತದಲ್ಲಿ ಲಾಂಚ್!
Oppo K10 ಕ್ಯಾಮೆರಾ: ಫೋನ್ನ 50-ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾವನ್ನು ನೀಡಲಾಗಿದ್ದು ಕ್ಯಾಮೆರಾ ಪ್ರಿಯರನ್ನು ಆಕರ್ಷಿಸುವಲ್ಲಿ ಇದು ಯಶಸ್ವಿಯಾಗಲಿದೆ. ಅಲ್ಲದೇ ಫೋಟೋ ಅನುಭವವನ್ನು ಹೆಚ್ಚಿಸಲು ಪೋರ್ಟ್ರೇಟ್ಗಳಿಗಾಗಿ 2-ಮೆಗಾಪಿಕ್ಸೆಲ್ ಕ್ಯಾಮೆರಾ ಮತ್ತು ಮ್ಯಾಕ್ರೋಗಳಿಗಾಗಿ 2-ಮೆಗಾಪಿಕ್ಸೆಲ್ ಕ್ಯಾಮೆರಾ ಕೂಡ ನೀಡಲಾಗಿದೆ. ಸೆಲ್ಫಿ ಮತ್ತು ವಿಡಿಯೋ ಚಾಟ್ಗಳಿಗಾಗಿ K10 ನಲ್ಲಿ 16-ಮೆಗಾಪಿಕ್ಸೆಲ್ ಕ್ಯಾಮೆರಾ ನೀಡಲಾಗಿದೆ.
Oppo K10 ನಲ್ಲಿ 5000mAh ಬ್ಯಾಟರಿ ಇದೆ ಮತ್ತು ಇದು 33W SuperVOOC ಚಾರ್ಜಿಂಗನ್ನು ಬೆಂಬಲಿಸುತ್ತದೆ, ಇದು ಒಂದು ಗಂಟೆಯಲ್ಲಿ ಬ್ಯಾಟರಿಯನ್ನು ಸಂಪೂರ್ಣ ಚಾರ್ಜ್ ಮಾಡುತ್ತದೆ ಎಂದು ಕಂಪನಿ ಹೇಳಿದೆ. ಫೋನ್ ಚಾರ್ಜಿಂಗ್ ಮತ್ತು ಡೇಟಾ ವರ್ಗಾವಣೆಗಾಗಿ USB-C ಪೋರ್ಟ್ ಹೊಂದಿದೆ ಹಾಗೂ ಆಡಿಯೊ ಔಟ್ಪುಟ್ಗಾಗಿ 3.5mm ಹೆಡ್ಫೋನ್ ಜ್ಯಾಕ್ ನೀಡಲಾಗಿದೆ. Oppo K10 ನೀರು ಮತ್ತು ಧೂಳಿನ ವಿರುದ್ಧ ಪ್ರತಿರೋಧಕ್ಕಾಗಿ IP54 ರೇಟಿಂಗ್ ಹೊಂದಿದೆ.