ಜಿಯೋ ಕೊಡ್ತಿದ್ದ ಸರ್ವಿಸ್‌ ಇನ್ಮುಂದೆ BSNLನಲ್ಲಿಯೂ ಲಭ್ಯ: ಕಣ್ ಕಣ್ ಬಿಟ್ ಅಂಬಾನಿ!

ದೇಶದಲ್ಲಿ ಜಿಯೋ, ಏರ್ಟೆಲ್‌ ನೀಡುತ್ತಿದ್ದ ಸೇವಾ ಸೌಲಭ್ಯವನ್ನು ಇದೀಗ ಬಿಎಸ್‌ಎನ್‌ಎಲ್  ಕೂಡ ನೀಡಲು ಮುಂದಾಗಿದೆ. ಇದರಿಂದ ಖಾಸಗಿ ಕಂಪನಿಗಳಿಗೆ ಶ್ರೀಮಂತ ಗ್ರಾಹಕರು ಕೈ ತಪ್ಪುವ ಆತಂಕ ಎದುರಾಗಿದೆ. ಏನು ಆ ಸೇವೆ ಇಲ್ಲಿದೆ ಮಾಹಿತಿ

ನವದೆಹಲಿ (ಡಿ.22): ಜಾಗತಿಕ ಮಟ್ಟದಲ್ಲಿ ಆಪಲ್ ಐಫೋನ್ ಸೇರಿದಂತೆ ಕೆಲವು ಹೈಟೆಕ್ ತಂತ್ರಜ್ಞಾನ ಹೊಂದಿರುವ ಮೊಬೈಲ್‌ಗಳಲ್ಲಿ ಬಳಸಲು ಅನುಕೂಲ ಆಗುವಂತೆ ಇ-ಸಿಮ್ (eSIM) ಸೇವೆ ಒದಗಿಸುತ್ತಿವೆ. ಆದರೆ, ಇದೀಗ ಬಿಎಸ್‌ಎನ್‌ಎಲ್ (BSNL) ಸರ್ಕಾರಿ ಸಂಸ್ಥೆಯೂ ಕೂಡ ಇ-ಸಿಮ್ ಸೇವೆ ನೀಡಲು ಮುಂದಾಗಿದ್ದು, ಖಾಸಗಿ ಕಂಪನಿಗಳಿಗೆ ಶ್ರೀಮಂತ ಗ್ರಾಹಕರನ್ನು ಕಳೆದುಕೊಳ್ಳುವ ಆತಂಕ ಶುರುವಾಗಿದೆ.

ಸರ್ಕಾರಿ ಸ್ವಾಮ್ಯದ ದೂರಸಂಪರ್ಕ ಕಂಪನಿ ಬಿಎಸ್‌ಎನ್‌ಎಲ್ ಇ-ಸಿಮ್ ಸೌಲಭ್ಯವನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ. 2025ರ ಮಾರ್ಚ್‌ನಲ್ಲಿ ಬಿಎಸ್‌ಎನ್‌ಎಲ್‌ನ ಇ-ಸಿಮ್ ವ್ಯವಸ್ಥೆಯನ್ನು ಅಧಿಕೃತವಾಗಿ ಬಿಡುಗಡೆ ಮಾಡಲು ಯೋಜಿಸಲಾಗಿದೆ. ಪ್ರಸ್ತುತ ಖಾಸಗಿ ದೂರಸಂಪರ್ಕ ಪೂರೈಕೆದಾರರಾದ ರಿಲಯನ್ಸ್ ಜಿಯೋ, ಭಾರ್ತಿ ಏರ್‌ಟೆಲ್ ಮತ್ತು ವೊಡಾಫೋನ್ ಐಡಿಯಾ (ವಿಐ) ಭಾರತದಲ್ಲಿ ಗ್ರಾಹಕರಿಗೆ ಇ-ಸಿಮ್ ಸೌಲಭ್ಯವನ್ನು ಒದಗಿಸುತ್ತಿವೆ.

ಸೇವೆಗಳನ್ನು ಸುಧಾರಿಸುವ ಮತ್ತು ಹೊಸ ಸೇವೆಗಳನ್ನು ಪ್ರಾರಂಭಿಸುವ ಭಾಗವಾಗಿ, ಸರ್ಕಾರಿ ಸ್ವಾಮ್ಯದ ದೂರಸಂಪರ್ಕ ಜಾಲ ಬಿಎಸ್‌ಎನ್‌ಎಲ್ ಇ-ಸಿಮ್ ಸೌಲಭ್ಯವನ್ನು ಪ್ರಾರಂಭಿಸುತ್ತಿದೆ. 2025ರ ಮಾರ್ಚ್‌ನಲ್ಲಿ ಬಿಎಸ್‌ಎನ್‌ಎಲ್‌ನ ಇ-ಸಿಮ್ ಸೌಲಭ್ಯವನ್ನು ದೇಶದಲ್ಲಿ ಬಿಡುಗಡೆ ಮಾಡಲಾಗುವುದು ಎಂದು ಬಿಎಸ್‌ಎನ್‌ಎಲ್ ಗ್ರಾಹಕ ಮೊಬಿಲಿಟಿ ನಿರ್ದೇಶಕ ಸಂದೀಪ್ ಗೋವಿಲ್ ತಿಳಿಸಿದ್ದಾರೆ. ದೇಶದ ಎಲ್ಲಾ ಇತರ ಸೇವಾ ಪೂರೈಕೆದಾರರು ಈಗಾಗಲೇ ಇ-ಸಿಮ್ ವ್ಯವಸ್ಥೆಯನ್ನು ಹೊಂದಿದ್ದಾರೆ.

ಇದನ್ನೂ ಓದಿ: BSNLನಲ್ಲಿ ₹58, ₹59ಗೆ ಅನ್‌ಲಿಮಿಟೆಡ್ ಕಾಲ್, ಡೇಟಾ ಪ್ಲಾನ್‌; ವ್ಯಾಲಿಡಿಟಿ ಎಷ್ಟು?

ಇ-ಸಿಮ್ ಸೌಲಭ್ಯವನ್ನು ಬೆಂಬಲಿಸುವ ಫೋನ್‌ಗಳು ಕಡಿಮೆ ಇರುವುದರಿಂದ ಭಾರತದಲ್ಲಿ ಇ-ಸಿಮ್ ಬಳಕೆದಾರರು ಸೀಮಿತವಾಗಿದ್ದಾರೆ. ಐಫೋನ್‌ಗಳನ್ನು ಒಳಗೊಂಡಂತೆ ಹೈ-ಎಂಡ್ ಫೋನ್‌ಗಳಿಗೆ ಮಾತ್ರ ಇ-ಸಿಮ್ ಸೌಲಭ್ಯ ಲಭ್ಯವಿದೆ. ಮೂರು ತಿಂಗಳೊಳಗೆ ಗ್ರಾಹಕರಿಗೆ ಬಿಎಸ್‌ಎನ್‌ಎಲ್‌ನ ಇ-ಸಿಮ್ ಸೌಲಭ್ಯ ಲಭ್ಯವಾಗಲಿದೆ. 2025ರ ಜೂನ್ ವೇಳೆಗೆ 4ಜಿ ನಿಯೋಜನೆಯನ್ನು ಪೂರ್ಣಗೊಳಿಸಲು ಬಿಎಸ್‌ಎನ್‌ಎಲ್ ಗುರಿ ಹೊಂದಿದೆ. ಒಂದು ಲಕ್ಷ 4ಜಿ ಟವರ್‌ಗಳ ಗುರಿಯತ್ತ ಬಿಎಸ್‌ಎನ್‌ಎಲ್ ಸಾಗುತ್ತಿದೆ. ಈಗಾಗಲೇ 60,000ಕ್ಕೂ ಹೆಚ್ಚು 4ಜಿ ಟವರ್‌ಗಳನ್ನು ಬಿಎಸ್‌ಎನ್‌ಎಲ್ ಸ್ಥಾಪಿಸಿದೆ.