ಸಿಟ್ಟಿಗೆದ್ದ ಮಾವ ತಂಗಿಯ ಪುಟ್ಟ ಮಗಳನ್ನೇ ಇರಿದು ಕೊಂದ

ಸಿಟ್ಟಿಗೆದ್ದ ಸೋದರ ಮಾವ ತನ್ನ ಸ್ವಂತ ತಂಗಿಯ ಮಗಳನ್ನೇ ಇರಿದು ಕೊಂಡಿದ ಭೀಕರ ಘಟನೆ ನಡೆದಿದೆ. ಜಗಳದ ಸಿಟ್ಟಿಗೆ ಪುಟ್ಟ ಬಾಲಕಿ ಬಲಿಯಾಗಿದ್ದಾಳೆ. 

ಶಿವಮೊಗ್ಗ [ಡಿ.15]: ಮಾನಸಿಕ ಅಸ್ವಸ್ತನಾದ ಯುವಕನೋರ್ವನ ಸಿಟ್ಟಿಗೆ ಐದು ವರ್ಷದ ಬಾಲಕಿ ಬಲಿಯಾದ ಘಟನೆ ಶಿವಮೊಗ್ಗದಲ್ಲಿ ನಡೆದಿದೆ. 

ಶಿವಮೊಗ್ಗ ಜಿಲ್ಲೆ ಗಾಡಿಕೊಪ್ಪದಲ್ಲಿ ಮಾನಸಿಕ ಅಸ್ವಸ್ತ ಯುವಕ ಸಂತೋಷ್ [23] ಎಂಬಾತ ತನ್ನ ತಂದೆ ಜಯಣ್ಣರೊಂದಿಗೆ ಜಗಳವಾಡಿದ್ದಾರೆ. ಈ ಜಗಳ ವಿಕೋಪಕ್ಕೆ ಹೋಗಿದ್ದು, ಈತನ ತಂಗಿ ಮಗಳಾದ ರಜನಿಗೆ [5] ಚಾಕುವಿನಿಂದ ಇರಿದಿದ್ದಾರೆ. 

ಚಾಕು ಇರಿತದಿಂದ ಬಾಕಲಿ ರಜನಿ ಗಂಭೀರವಾಗಿ ಗಾಯಗೊಂಡಿದ್ದು, ಆಕೆಯನ್ನು ಇಲ್ಲಿನ ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಆದರೆ ಚಿಕಿತ್ಸೆ ಫಲಕಾರಿಯಾಗದೇ ಬಾಲಕಿ ಮೃತಪಟ್ಟಿದ್ದಾಳೆ. 

ಸಂತೋಷ್ ಹಲವು ಸಮಯದಿಂದ ಮಾನಸಿಕ ಅಸ್ವಸ್ತತೆಯಿಂದ ಬಳಲುತ್ತಿದ್ದು, ಚಿಕಿತ್ಸೆ ನೀಡಿದ್ದರೂ ಕೂಡ ಫಲಕಾರಿಯಾಗಿರಲಿಲ್ಲ. 

ಸದ್ಯ ಈ ಸಂಬಂಧ ಇಲ್ಲಿನ ತುಂಗಾನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.