ಮನೆ ಮುಂದೆ ಆಟವಾಡುತ್ತಿದ್ದ ಮಗುವಿನ ಮೇಲೆ ದಾಳಿ ಮಾಡಿದ ಚಿರತೆ ಮಗುವಿನ ಪ್ರಾಣವನ್ನೇ ಬಲಿ ಪಡೆದಿದೆ.
ಬಳ್ಳಾರಿ[ಡಿ.11] ಮನೆಮುಂದೆ ಆಟವಾಡುತ್ತಿದ್ದ ಮಗು ಚಿರತೆ ದಾಳಿಗೆ ಬಲಿಯಾಗಿದೆ. ಕಂಪ್ಲಿ ತಾಲೂಕಿನ ಸೋಮಲಾಪುರದಲ್ಲಿ ನಡೆದಿರುವ ಪ್ರಕರಣ ಕರುಳು ಹಿಂಡುತ್ತಿದೆ.
ಚಿರತೆ ದಾಳಿಗೆ ಬಲಿಯಾಗಿರುವ ಬಾಲಕ ನಾಡೋಜ ದಿ. ಬುರ್ರಕಥಾ ಈರಮ್ಮ ಅವರ ಮೊಮ್ಮಗ. ದರೋಜಿ ಕರಡಿ ಧಾಮದ ಬಳಿಯ ಗ್ರಾಮದ ವೆಂಕಟರಾಜು (3 ) ಎಂಬ ಪುಟ್ಟ ಮಗುವನ್ನು ಚಿರತೆ ನೋಡುನೋಡುತ್ತಿದ್ದಂತೆ ಹೊತ್ತೊಯ್ದಿದೆ.
ಮನೆಯವರೆಲ್ಲ ನೋಡನೋಡುತ್ತಿದ್ದಂತೆ ಮಗುವನ್ನು ಚಿರತೆ ಎಳೆದೊಯ್ದಿದೆ. ರಕ್ತ ಹೀರಿ ಸಾಯಿಸಿದ ಚಿರತೆ ಮಗುವಿನ ಶವವನನ್ನು ಊರ ಹಿಂಭಾಗದ ಪೊದೆಯಲ್ಲಿ ಹಾಕಿದ್ದು ಊರವರು ಹುಡುಕಾಟ ನಡೆಸಿದಾಗ ಪತ್ತೆಯಾಗಿದೆ.