ಹಾಲಪ್ಪ ಹೆಸರಿನಲ್ಲಿ ನಕಲಿ ಖಾತೆ ಸೃಷ್ಟಿಸಿದ ಕಿಡಿಗೇಡಿಗಳು..ದೂರು ದಾಖಲು

ಸೋಶಿಯಲ್ ಮೀಡಿಯಾನೇ ಹಾಗೆ. ಯಾರದ್ದು ಯಾವ ಕಾರಣಕ್ಕೆ ನಕಲಿ ಖಾತೆ ಸೃಷ್ಟಿ ಮಾಡುತ್ತಾರೆ ಎಂದು ಹೇಳಲು  ಸಾಧ್ಯವಿಲ್ಲ. ಸಾಗರ ಶಾಸಕ ಹರತಾಳು ಹಾಲಪ್ಪ ಹೆಸರಿನಲ್ಲಿ ಫೆಸ್‌ ಬುಕ್‌ನಲ್ಲೊಂದು ನಕಲಿ ಖಾತೆ ನ ತೆರೆದುಕೊಂಡಿದ್ದು ಹಾಲಪ್ಪ ದೂರು ನೀಡಿದ್ದಾರೆ.

ಶಿವಮೊಗ್ಗ[ಫೆ.05]  ಶಾಸಕ ಹಾಲಪ್ಪ ಹೆಸರಿನಲ್ಲಿ ನಕಲಿ ಫೇಸ್‌ ಬುಕ್  ಖಾತೆಯನ್ನು ಕಿಡಿಗೇಡಿಗಳು ತೆರೆದಿದ್ದಾರೆ.  ಪೋಲೀಸರಿಗೆ ಹಾಲಪ್ಪ ದೂರು ನೀಡಿದ್ದಾರೆ.

ಅಶ್ಲೀಲ ಫೋಟೋಗಳನ್ನು ಈ ಖಾತೆ ಮೂಲಕ  ರವಾನಿಸಲಾಗಿದೆ. ಹಾಲಪ್ಪ ಅವರ ಭಾವಚಿತ್ರವನ್ನು ಕೆಟ್ಟದಾಗಿ ಬಿಂಬಿಸಲಾಗಿದೆ. ನಕಲಿ ಖಾತೆ ಸೃಷ್ಟಿಸಿದ ಅನಾಮಧೇಯ ವ್ಯಕ್ತಿಯ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳುವಂತೆ, ಶಾಸಕ ಹಾಲಪ್ಪ ಸಾಗರ ಪೇಟೆ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ಯಡಿಯೂರಪ್ಪ ಅವರ ವಿರುದ್ಧವೇ ಸ್ಪರ್ಧೆ ಮಾಡಲು ಸಿದ್ಧ ಎಂದು ಬಿಂಬಿಸಲಾಗಿದೆ. ಸೆಲೆಬ್ರಿಟಿಗಳ ಹೆಸರಿನಲ್ಲಿ ಹಿಂದೆ ನಕಲಿ ಖಾತೆಗಳು ತೆರೆದುಕೊಳ್ಳುತ್ತಿದ್ದವು. ಈಗ ರಾಜಕಾರಣಿಗಳ ಹೆಸರಿನಲ್ಲಿಯೂ ತೆರೆದುಕೊಳ್ಳಲು ಆರಂಭವಾಗಿದೆ.