ಮೈಸೂರಿನಿಂದ ಶಿವಮೊಗ್ಗ -ಮಂಗಳೂರಿಗೆ ವಿಮಾನ ಸೌಲಭ್ಯ ಕಲ್ಪಿಸಲು ಡಿಮ್ಯಾಂಡ್

ಮೈಸೂರು ಪ್ರವಾಸೋದ್ಯಮ ಮತ್ತು ಕೈಗಾರಿಕಾ ಕ್ಷೇತ್ರದಲ್ಲಿ ತನ್ನದೇ ಆದ ಸ್ಥಾನವನ್ನು ಒಳಗೊಂಡಿದೆ. ಇಂತಹ ಮೈಸೂರಿನಿಂದ ರಾಜ್ಯದ ಪ್ರಮುಖ ನಗರವಾದ ಶಿವಮೊಗ್ಗ ಮತ್ತು ಮಂಗಳೂರಿಗೆ ವಿಮಾನ ಸೇವೆ ಕಲ್ಪಿಸಬೇಕು ಎಂದು ಎಫ್‌ಕೆಸಿಸಿಐ ಮಾಜಿ ಅಧ್ಯಕ್ಷ ಸುಧಾಕರ ಎಸ್‌. ಶೆಟ್ಟಿಮನವಿ ಮಾಡಿದ್ದಾರೆ.

  ಮೈಸೂರು :  ಮೈಸೂರು ಪ್ರವಾಸೋದ್ಯಮ ಮತ್ತು ಕೈಗಾರಿಕಾ ಕ್ಷೇತ್ರದಲ್ಲಿ ತನ್ನದೇ ಆದ ಸ್ಥಾನವನ್ನು ಒಳಗೊಂಡಿದೆ. ಇಂತಹ ಮೈಸೂರಿನಿಂದ ರಾಜ್ಯದ ಪ್ರಮುಖ ನಗರವಾದ ಶಿವಮೊಗ್ಗ ಮತ್ತು ಮಂಗಳೂರಿಗೆ ವಿಮಾನ ಸೇವೆ ಕಲ್ಪಿಸಬೇಕು ಎಂದು ಎಫ್‌ಕೆಸಿಸಿಐ ಮಾಜಿ ಅಧ್ಯಕ್ಷ ಸುಧಾಕರ ಎಸ್‌. ಶೆಟ್ಟಿಮನವಿ ಮಾಡಿದ್ದಾರೆ.

ಮೈಸೂರಿಗೆ ಆಗಮಿಸುವ ಪ್ರಯಾಣಿಕರಲ್ಲಿ ಅದರಲ್ಲೂ ಮಲೆನಾಡು ಭಾಗದಿಂದ ಬರುವ ಪ್ರಯಾಣಿಕರು ವಿಮಾನ ಸೌಲಭ್ಯದಿಂದ ವಂಚಿತರಾಗುತ್ತಿದ್ದಾರೆ. ಈ ಹಿಂದೆ ಮೈಸೂರಿನಿಂದ ಮಂಗಳೂರಿಗೆ ಪ್ರತಿದಿನವೂ ವಿಮಾನಯಾನ ಲಭ್ಯ ಇತ್ತು. ಆದರೆ ದುರಾದೃಷ್ಟವಶಾತ್‌ ಈಗ ಆ ವಿಮಾನಯಾನವನ್ನು ಕಲ್ಪಿಸುತ್ತಿಲ್ಲ. ಕಾರಣ ಬೇಕಾಗುವಷ್ಟುಪ್ರಯಾಣಿಕರು ಸಿಗುತ್ತಿಲ್ಲ ಎಂಬ ದೂರು ಇದೆ. ಕಳೆದ 12 ವರ್ಷಗಳಿಂದಲೂ ಮಂಗಳೂರು ಭಾಗಕ್ಕೆ ವಿಮಾನಯಾನ ಆರಂಭಿಸುವುದು- ನಿಲ್ಲಿಸುವುದು ಮಾಡುತ್ತಿರುವುದರಿಂದ ಯಾವುದೇ ಪ್ರಯಾಣಿಕರು ವಿಮಾನಯಾನವನ್ನು ನಂಬುತ್ತಿಲ್ಲ ಎಂದಿದ್ದಾರೆ.

ಮೈಸೂರಿನ ಅಭಿವೃದ್ಧಿ ಮತ್ತು ವಿಮಾನಯಾನದಲ್ಲಿ ತಮ್ಮದೇ ಆದ ಕಾರ್ಯ ವಿಧಾನದಿಂದ ಅತ್ಯುತ್ತಮವಾಗಿ ಕಾರ್ಯನಿರ್ವಹಿಸುತ್ತಿದೆ. ಈಗ ಶಿವಮೊಗ್ಗದ ವಿಮಾನ ನಿಲ್ದಾಣವು ಕೂಡ ಕಾರ್ಯ ಆರಂಭವನ್ನು ಮಾಡಿದೆ. ಹಾಗಾಗಿ ಶಿವಮೊಗ್ಗ ಮತ್ತು ಮಂಗಳೂರಿಗೆ ವಿಮಾನಯಾನ ಸೌಲಭ್ಯ ಕಲ್ಪಿಸಿ ಕೊಡಬೇಕು. ಇದರಿಂದ ಮಲೆನಾಡಿನ ಸುಮಾರು 20 ತಾಲೂಕಿನಿಂದ ಮೈಸೂರಿಗೆ ಪ್ರಯಾಣ ಬೆಳೆಸುವವರಿಗೆ ನೆರವಾಗಲಿದೆ. ನಾಲ್ಕು ಜಿಲ್ಲೆಗಳಾದ ಉತ್ತರ ಕನ್ನಡ, ದಕ್ಷಿಣ ಕನ್ನಡ, ಉಡುಪಿ ಹಾಗೂ ಚಿಕ್ಕಮಗಳೂರು ಜಿಲ್ಲೆಯ ಪ್ರವಾಸಿಗರಿಗೆ ಮೈಸೂರಿಗೆ ಬಂದು ಹೋಗಲು ಹಾಗೂ ತಮ್ಮ ವ್ಯಾಪಾರ ಉದ್ಯಮಗಳಿಗೆ ಹಾಗೂ ಮೈಸೂರಿನಿಂದ ತಮ್ಮ ತವರು ಮನೆಗಳಿಗೆ ಹೋಗಲು ಸಹಕಾರಿಯಾಗುವುದು ಎಂದು ಅವರು ತಿಳಿಸಿದ್ದಾರೆ.

ಅಗ್ಗದ ಪ್ರಯಾಣಕ್ಕೆ ಹೊಸ ಫೀಚರ್

ನವದೆಹಲಿ (ಆ.30): ಕಡಿಮೆ ದರದಲ್ಲಿ ವಿಮಾನ ಟಿಕೆಟ್ ಬುಕ್ ಮಾಡಲು ಅನುಕೂಲ ಕಲ್ಪಿಸುವ ಹೊಸ  ಫೀಚರ್ ಅನ್ನು ಗೂಗಲ್ ಫ್ಲೈಟ್ಸ್  ಪರಿಚಯಿಸಿದೆ.  ಇದು ವಿಮಾನ ಪ್ರಯಾಣದ ಮೇಲಿನ ಹಣವನ್ನು ಉಳಿತಾಯ ಮಾಡಲು ಪ್ರವಾಸಿಗರಿಗೆ ನೆರವು ನೀಡಲಿದೆ. ಈ ಹೊಸ ಫೀಚರ್ ಬಗ್ಗೆ ಸೋಮವಾರವಷ್ಟೇ ಬ್ಲಾಗ್ ಪೋಸ್ಟ್ ಮೂಲಕ ಗೂಗಲ್ ಮಾಹಿತಿ ನೀಡಿದೆ. ಈ ಹೊಸ ಫೀಚರ್ ವಿಮಾನ ಟಿಕೆಟ್ ಗಳನ್ನು ಬುಕ್ ಮಾಡಲು ಯಾವ ಅವಧಿ ಹೆಚ್ಚು ಬಜೆಟ್ ಸ್ನೇಹಿಯಾಗಿದೆ ಎಂಬ ಮಾಹಿತಿಯನ್ನು ಒದಗಿಸಲಿದೆ. ಇನ್ನು ಇದು ಈಗಾಗಲೇ ಗೂಗಲ್ ಪ್ಲ್ಯಾಟ್ ಫಾರ್ಮ್ ನಲ್ಲಿ ಲಭ್ಯವಿರುವ ಪ್ರೈಸ್ ಟ್ರ್ಯಾಕಿಂಗ್ ಅಲರ್ಟ್ಸ್ ಹಾಗೂ ಪ್ರೈಸ್ ಗ್ಯಾರಂಟಿ ಆಯ್ಕೆಗಳಿಗೆ ಪೂರಕವಾಗಿ ಕಾರ್ಯನಿರ್ವಹಿಸಲಿದೆ. ಈ ಹೊಸ ಫೀಚರ್ ಮೂಲಕ ವಿಮಾನ ಟಿಕೆಟ್ ಗಳನ್ನು ಬುಕ್ ಮಾಡಲು ಯಾವ ಸಮಯ ಅತ್ಯಂತ ಅಗ್ಗವಾಗಿದೆ  ಎಂಬ ಮಾಹಿತಿ ಒದಗಿಸುವ ಕಾರ್ಯಕ್ಕೆ ಹೊಸ ಆಯಾಮ ನೀಡೋದಾಗಿ ಗೂಗಲ್ ಭರವಸೆ ನೀಡಿದೆ. ವಿಶ್ವಾಸಾರ್ಹ ಟ್ರೆಂಡ್ ಡಾಟಾದ ಮೂಲಕ ನೀವು ಹುಡುಕಿದಾಗ ನೀವು ಆಯ್ಕೆ ಮಾಡಿದ ದಿನಾಂಕಗಳು ಹಾಗೂ ಸ್ಥಳಗಳಿಗೆ ಸಂಬಂಧಿಸಿ ಯಾವಾಗ ವಿಮಾನ ಟಿಕೆಟ್ ಬುಕ್ ಮಾಡೋದು ಹೆಚ್ಚು ಅಗ್ಗವಾಗಿದೆ ಎಂಬ ಮಾಹಿತಿ ಸಿಗುತ್ತದೆ ಎಂದು ಗೂಗಲ್ ಬ್ಲಾಗ್ ಪೋಸ್ಟ್ ನಲ್ಲಿ ತಿಳಿಸಿದೆ. 

ಹೊಸ ಫೀಚರ್  ಹೇಗೆ ಕಾರ್ಯನಿರ್ವಹಿಸುತ್ತದೆ?
ಈ ಹೊಸ ಗೂಗಲ್ ಫೀಚರ್ ನಿಮಗೆ ನೀವು ಪ್ರವಾಸಕ್ಕೆ ಹೊರಡುವ ಎರಡು ತಿಂಗಳು ಮುಂಚೆ ಟಿಕೆಟ್ ಬುಕ್ ಮಾಡಿದ್ರೆ ದರ ಕಡಿಮೆಯಿದೆ ಎಂಬ ಮಾಹಿತಿ ತೋರಿಸುತ್ತದೆ ಎಂದು ಭಾವಿಸೋಣ. ಪ್ರಸ್ತುತ ನೀವು ಈಗ ಅದೇ ಅವಧಿಯಲ್ಲಿದ್ದೀರ ಎಂದು ಭಾವಿಸೋಣ.  ಆಗ ನಿಮಗೆ ಕೂಡ ಇನ್ನು ವಿಮಾನದ ದರ ತಗ್ಗುವುದಿಲ್ಲ ಎಂಬ ವಿಶ್ವಾಸವಿದ್ರೆ ಆ ಸಮಯದಲ್ಲೇ ಟಿಕೆಟ್ ಬುಕ್ ಮಾಡಬಹುದು. ಇಲ್ಲವೇ ಇನ್ನೂ ತಗ್ಗುತ್ತದೆ ಎಂಬ ನಿರೀಕ್ಷೆಯಿದ್ದರೆ ಕಾಯುವ ನಿರ್ಧಾರ ಕೂಡ ಕೈಗೊಳ್ಳಬಹುದು. ಈ ಹೊಸ ಫೀಚರ್ ಗೂಗಲ್ ಫ್ಲೈಟ್ಸ್ ನಲ್ಲಿ ಈ ಹಿಂದಿನ ಟಿಕೆಟ್ ದರಗಳ ಪ್ಯಾಟರ್ನ್ ನೋಡಿ ಸಿದ್ಧಪಡಿಸಿರುವ ಮಾಹಿತಿಗಳ ಆಧಾರದಲ್ಲಿ ಕಾರ್ಯನಿರ್ವಹಿಸುತ್ತದೆ. 

ನೀಡುತ್ತೆ ಬೆಲೆ ಗ್ಯಾರಂಟಿ
ಬೆಲೆ ಗ್ಯಾರಂಟಿ ನೀಡುವ ಬಗ್ಗೆ ಕೂಡ ಗೂಗಲ್ ಫ್ಲೈಟ್ ಬ್ಲಾಗ್ ಪೋಸ್ಟ್ ನಲ್ಲಿ ಮಾಹಿತಿ  ನೀಡಿದೆ. 'ನೀವು ಗೂಗಲ್‌ ಫ್ಲೈಟ್ ಹೊಸ ಫೀಚರ್ ನಲ್ಲಿ ಕೆಲವು ಫ್ಲೈಟ್ ಫಲಿತಾಂಶಗಳಲ್ಲಿ ಆಕರ್ಷಕ ಬೆಲೆ ಗ್ಯಾರಂಟಿ ಬ್ಯಾಡ್ಜ್ ಗಳನ್ನು ನೋಡಬಹುದು. ಇದರರ್ಥ ಇಂದು ನೀವು ನೋಡುತ್ತಿರೋದಕ್ಕಿಂತ ವಿಮಾನ ದರ ತಗ್ಗುವುದಿಲ್ಲ ಎಂಬ ಬಗ್ಗೆ ನಮಗೆ ಆತ್ಮವಿಶ್ವಾಸವಿದೆ. ಯಾವಾಗ ನೀವು ಈ ಫ್ಲೈಟ್ ಗಳಲ್ಲಿ ಒಂದನ್ನು ಬುಕ್ ಮಾಡುತ್ತೀರೋ ಆಗ ಆ ಫ್ಲೈಟ್ ಟೇಕ್ ಆಫ್ ಆಗುವ ತನಕ ನಾವು ಅದರ ಬೆಲೆಯನ್ನು ಪ್ರತಿದಿನ ಗಮನಿಸುತ್ತೇವೆ. ಒಂದು ವೇಳೆ ಬೆಲೆ ನೀವು ಬುಕ್ ಮಾಡಿರೋದಕ್ಕಿಂತ ಕಡಿಮೆ ಹೋದರೆ, ಆಗ ನಾವು ವ್ಯತ್ಯಾಸದ ಮೊತ್ತವನ್ನು ಗೂಗಲ್ ಪೇ ಮೂಲಕ ನಿಮಗೆ ಪಾವತಿಸುತ್ತೇವೆ' ಎಂದು ಬ್ಲಾಗ್ ಪೋಸ್ಟ್ ನಲ್ಲಿ ಗೂಗಲ್ ಫ್ಲೈಟ್ಸ್  ಮಾಹಿತಿ ನೀಡಿದೆ.