ರಾಮನಗರದಲ್ಲಿ 130ಕ್ಕೂ ಅಧಿಕ ಜಾನುವಾರಿಗೆ ಕಾಲುಬಾಯಿ ರೋಗ

* ಜಾನು​ವಾ​ರು​ಗ​ಳಲ್ಲಿ ಕಾಣಿ​ಸಿ​ಕೊಂಡ ಕಾಲು​ಬಾ​ಯಿ ರೋಗ ಲಕ್ಷಣ * ರಾಸು​ಗ​ಳಿಗೆ ಚುಚ್ಚು​ ಮದ್ದು ಹಾಕಿದ ಪಶು​ಪಾ​ಲನಾ ಮತ್ತು ಪಶು ವೈದ್ಯ​ಕೀಯ ಸೇವಾ ಇಲಾಖೆ  * ಜಾನುವಾರುಗಲಿಗೆ ಮುಂದುವರೆದ ಚಿಕಿತ್ಸೆ  

ರಾಮ​ನ​ಗರ(ಜೂ.06): ಕೊರೋನಾ ಎರ​ಡನೇ ಅಲೆ ಭೀತಿಯ ನಡು​ವೆಯೇ ರಾಮನಗರ ಜಿಲ್ಲೆ​ಯಲ್ಲಿ ಕೆಲ​ವೆಡೆ 130ಕ್ಕೂ ಅಧಿಕ ಜಾನು​ವಾ​ರು​ಗಳಲ್ಲಿ ಕಾಲು​ಬಾಯಿ ಜ್ವರ ಕಾಣಿ​ಸಿ​ಕೊಂಡಿರುವುದು ಆತಂಕಕ್ಕೆ ಕಾರಣವಾಗಿದೆ. 

ರಾಮ​ನ​ಗರ ತಾಲೂ​ಕು ಬಿಡದಿ ಹೋಬ​ಳಿಯ ಬೈರ​ಮಂಗಲ, ಇಟ್ಟ​ಮಡು, ವಡ್ಡ​ರ​ದೊಡ್ಡಿ, ಕೂಟ​ಗಲ್‌ ಹೋಬ​ಳಿಯ ಲಕ್ಷ್ಮೀ​ಪುರ, ಚನ್ನ​ಪ​ಟ್ಟಣ ತಾಲೂ​ಕಿನ ಸೋಗಾಲ ಹಾಗೂ ಕನ​ಕ​ಪುರ ತಾಲೂ​ಕಿನ ಕೊಳ್ಳಿ​ಗಾ​ನ​ಹಳ್ಳಿ ಸೇರಿ​ದಂತೆ ಕೆಲ ಗ್ರಾಮ​ಗ​ಳಲ್ಲಿ ಜಾನು​ವಾ​ರು​ಗ​ಳಲ್ಲಿ ಕಾಲು​ಬಾ​ಯಿ ರೋಗ ಲಕ್ಷಣ ಕಾಣಿ​ಸಿ​ಕೊಂಡಿವೆ. 

ಜಿಲ್ಲೆ​ಯಲ್ಲಿ ಸುಮಾರು 130 ರಿಂದ 135 ಜಾನು​ವಾ​ರು​ಗಳು ಕಾಲು​ಬಾಯಿ ರೋಗಕ್ಕೆ ತುತ್ತಾ​ಗಿವೆ. ಈ ಪ್ರಕ​ರ​ಣ​ಗಳು ವರ​ದಿ​ಯಾ​ಗು​ತ್ತಿ​ದ್ದಂತೆಯೇ ಎಚ್ಚೆ​ತ್ತು​ಕೊಂಡಿ​ರುವ ಪಶು​ಪಾ​ಲನಾ ಮತ್ತು ಪಶು ವೈದ್ಯ​ಕೀಯ ಸೇವಾ ಇಲಾಖೆ ರಾಸು​ಗ​ಳಿಗೆ ಚುಚ್ಚು​ ಮದ್ದು ಹಾಕಿದ್ದು, ಚಿಕಿತ್ಸೆ ಮುಂದು​ವ​ರೆ​ದಿದೆ.