ಕೊಪ್ಪಳದಲ್ಲಿ ಕೊರೋನಾಕ್ಕೆ ಮೊದಲ ಬಲಿ: ಹೆಚ್ಚಿದ ಆತಂಕ

45 ವರ್ಷದ ಮಹಿಳೆ ಪಿ-7105 ಜಿಲ್ಲಾ ಕೋವಿಡ್‌ ಆಸ್ಪತ್ರೆಯಲ್ಲಿ ಸಾವು|ಜಿಲ್ಲೆಯಲ್ಲಿ ಕೊರೋನಾಗೆ ಮೊದಲ ಬಲಿ| ಮೃತ ಮಹಿಳೆಯ ಇಬ್ಬರು ಪುತ್ರರು ಜಿಂದಾಲ್‌ ಕಂಪನಿಯ ಉದ್ಯೋಗಿಗಳಾಗಿದ್ದರಿಂದ ಮನೆ ಬಂದ ವೇಳೆ ಮಕ್ಕಳಿಂದ ದಂಪತಿಗೆ ಸೋಂಕು ತಗುಲಿತ್ತು|

ಗಂಗಾವತಿ(ಜೂ.18): ಕೊರೋನಾ ಸೋಂಕಿನಿಂದ ಬಳಲುತ್ತಿದ್ದ ತಾಲೂಕಿನ ಮರಳಿ ಗ್ರಾಮದ 45 ವರ್ಷದ ಮಹಿಳೆ ಪಿ-7105 ಬುಧವಾರ ಜಿಲ್ಲಾ ಕೋವಿಡ್‌ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾರೆ. ಇದರಿಂದ ಜಿಲ್ಲೆಯಲ್ಲಿ ಕೊರೋನಾಗೆ ಮೊದಲ ಬಲಿಯಾಗಿದೆ.

ಈ ಮಹಿಳೆಯ ಇಬ್ಬರು ಪುತ್ರರು ಜಿಂದಾಲ್‌ ಕಂಪನಿಯ ಉದ್ಯೋಗಿಗಳಾಗಿದ್ದರಿಂದ ಮನೆ ಬಂದ ವೇಳೆ ಮಕ್ಕಳಿಂದ ದಂಪತಿಗೆ ಸೋಂಕು ತಗುಲಿತ್ತು. 

ಜೂ. 13ರಂದು ಇವರನ್ನು ಕೋವಿಡ್‌ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿತ್ತು. ಇಬ್ಬರು ಮಕ್ಕಳನ್ನು ಬಸಾಪಟ್ಟಣ ಕ್ವಾರಂಟೈನ್‌ನಲ್ಲಿ ಇರಿಸಲಾಗಿದ್ದು, ಪತಿಗೆ ಕೋವಿಡ್‌ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.